ब्रह्मोवाच ॥ इत्युक्तं श्रीमहेशस्य श्रुत्वा वचनमादरात्॥ वीरभद्रोतिसंतुष्टः प्रणनाम महेश्वरम॥१॥

brahmovAca ॥ ityuktaM zrImahezasya zrutvA vacanamAdarAt॥ vIrabhadrotisaMtuSTaH praNanAma mahezvarama॥1॥

शासनं शिरसा धृत्वा देवदेवस्य शूलिनः। प्रचचाल ततः शीघ्रं वीरभद्रो मखं प्रति॥२॥

zAsanaM zirasA dhRtvA devadevasya zUlinaH। pracacAla tataH zIghraM vIrabhadro makhaM prati॥2॥

शिवोथ प्रेषयामास शोभार्थं कोटिशो गणान्॥ तेन सार्द्धं महावीरान्मलयानलसन्निभान्॥ ॥३॥

zivotha preSayAmAsa zobhArthaM koTizo gaNAn॥ tena sArddhaM mahAvIrAnmalayAnalasannibhAn॥ ॥3॥

अथ ते वीरभद्रस्य पुरतः प्रबला गणाः॥ पश्चादपि ययुर्वीराः कुतूहलकरा गणाः॥४॥

atha te vIrabhadrasya purataH prabalA gaNAH॥ pazcAdapi yayurvIrAH kutUhalakarA gaNAH॥4॥

वीरभद्रसमेता येगणाश्शतसहस्रशः ॥ पार्षदाः कालकालस्य सर्वे रुद्रस्वरूपिणः ॥५॥

vIrabhadrasametA yegaNAzzatasahasrazaH ॥ pArSadAH kAlakAlasya sarve rudrasvarUpiNaH ॥5॥

गणैस्समेतः किलतैर्महात्मा स वीरभद्रो हरवेषभूषणः ॥ सहस्रबाहुर्भुजगाधिपाढ्यो ययौ रथस्थः प्रबलोतिभीकरः ॥६॥

gaNaissametaH kilatairmahAtmA sa vIrabhadro haraveSabhUSaNaH ॥ sahasrabAhurbhujagAdhipADhyo yayau rathasthaH prabalotibhIkaraH ॥6॥

नल्वानं च सहस्रे द्वे प्रमाणं स्यंदनस्य हि ॥ अयुतेनैव सिंहानां वाहनानां प्रयत्नतः ॥७॥

nalvAnaM ca sahasre dve pramANaM syaMdanasya hi ॥ ayutenaiva siMhAnAM vAhanAnAM prayatnataH ॥7॥

तथैव प्रबलाः सिंहा बहवः पार्श्वरक्षकाः ॥ शार्दूला मकरा मत्स्या गजास्तत्र सहस्रशः ॥८॥

tathaiva prabalAH siMhA bahavaH pArzvarakSakAH ॥ zArdUlA makarA matsyA gajAstatra sahasrazaH ॥8॥

वीरभद्रे प्रचलिते दक्षनाशाय सत्वरम् ॥ कल्पवृक्षसमुत्सृष्टा पुष्पवृष्टिरभूत्तदा ॥ ९ ॥

vIrabhadre pracalite dakSanAzAya satvaram ॥ kalpavRkSasamutsRSTA puSpavRSTirabhUttadA ॥ 9 ॥

तुष्टुवुश्च गणा वीर शिपिविष्टे प्रचेष्टितम् ॥ चक्रुः कुतूहलं सर्वे तस्मिंश्च गमनोत्सवैः ॥2-2-33-१०॥

tuSTuvuzca gaNA vIra zipiviSTe praceSTitam ॥ cakruH kutUhalaM sarve tasmiMzca gamanotsavaiH ॥2-2-33-10॥

काली कात्यायिनीशानी चामुंडा मुंडमर्दिनी ॥ भद्रकाली तथा भद्रा त्वरिता वैष्णवी तथा ॥ ११ ॥

kAlI kAtyAyinIzAnI cAmuMDA muMDamardinI ॥ bhadrakAlI tathA bhadrA tvaritA vaiSNavI tathA ॥ 11 ॥

एताभिर्नवदुर्गाभिर्महाकाली समन्विता । ययौ दक्षविनाशाय सर्वभूतगणैस्सह ॥१२॥

etAbhirnavadurgAbhirmahAkAlI samanvitA । yayau dakSavinAzAya sarvabhUtagaNaissaha ॥12॥

डाकिनी शाकिनी चैव भूतप्रमथगुह्यकाः ॥ कूष्मांडाः पर्पटा श्चैव चटका ब्रह्मराक्षसाः ॥ १३ ॥

DAkinI zAkinI caiva bhUtapramathaguhyakAH ॥ kUSmAMDAH parpaTA zcaiva caTakA brahmarAkSasAH ॥ 13 ॥

भैरवाः क्षेत्रपालाश्च दक्षयज्ञविनाशकाः ॥ निर्ययुस्त्वरितं वीराश्शिवाज्ञाप्रतिपालकाः ॥ १४ ॥

bhairavAH kSetrapAlAzca dakSayajJavinAzakAH ॥ niryayustvaritaM vIrAzzivAjJApratipAlakAH ॥ 14 ॥

तथैव योगिनीचक्रं चतुःषष्टिगणान्वितम् ॥ निर्ययौ सहसा क्रुद्धं दक्षयज्ञं विनाशितुम् ॥१५॥

tathaiva yoginIcakraM catuHSaSTigaNAnvitam ॥ niryayau sahasA kruddhaM dakSayajJaM vinAzitum ॥15॥

तेषां गणानां सर्वेषां संख्यानं शृणु नारद ॥ महाबलवतां संघोमुख्यानां धैर्यशालिनाम् ॥१६॥

teSAM gaNAnAM sarveSAM saMkhyAnaM zRNu nArada ॥ mahAbalavatAM saMghomukhyAnAM dhairyazAlinAm ॥16॥

अभ्ययाच्छंकुकर्णश्च दशकोट्या गणेश्वरः॥ दशभिः केकराक्षश्च विकृतो ष्टाभिरेव ॥१७॥

abhyayAcchaMkukarNazca dazakoTyA gaNezvaraH॥ dazabhiH kekarAkSazca vikRto STAbhireva ॥17॥

चतुःषष्ट्या विशाखश्च नवभिः पारियात्रिकः ॥ षड्भिस्सर्वाङ्गको वीरस्तथैव विकृताननः ॥ १८ ॥

catuHSaSTyA vizAkhazca navabhiH pAriyAtrikaH ॥ SaDbhissarvAGgako vIrastathaiva vikRtAnanaH ॥ 18 ॥

ज्वालकेशो द्वादशभिः कोटिभिर्गणपुंगवः ॥ सप्तभिः समदज्जीमान् दुद्रभोष्टाभिरेव च ॥१९॥

jvAlakezo dvAdazabhiH koTibhirgaNapuMgavaH ॥ saptabhiH samadajjImAn dudrabhoSTAbhireva ca ॥19॥

पंचभिश्च कपालीशः षड्भिस्संदारको गणः ॥ कोटिकोटिभिरेवेह कोटिकुण्डस्तथैव च ॥ 2-2-33-२० ॥

paMcabhizca kapAlIzaH SaDbhissaMdArako gaNaH ॥ koTikoTibhireveha koTikuNDastathaiva ca ॥ 2-2-33-20 ॥

विष्टंभोऽष्टाभिर्वीरैः कोटिभिर्गणसप्तमः ॥ सहस्रकोटिभिस्तात संनादः पिप्पलस्तथा ॥ २१ ॥

viSTaMbho'STAbhirvIraiH koTibhirgaNasaptamaH ॥ sahasrakoTibhistAta saMnAdaH pippalastathA ॥ 21 ॥

आवेशनस्तथाष्टाभिरष्टाभिश्चंद्रतापनः ॥ महावेशः सहस्रेण कोटिना गणपो वृतः ॥ २२ ॥

AvezanastathASTAbhiraSTAbhizcaMdratApanaH ॥ mahAvezaH sahasreNa koTinA gaNapo vRtaH ॥ 22 ॥

कुण्डी द्वादशकोटीभिस्तथा पर्वतको मुने ॥ विनाशितुं दक्षयज्ञं निर्ययौ गणसत्तम ॥ २३ ॥

kuNDI dvAdazakoTIbhistathA parvatako mune ॥ vinAzituM dakSayajJaM niryayau gaNasattama ॥ 23 ॥

कालश्च कालकश्चैव महाकालस्तथैव च ॥ कोटीनां शतकेनैव दक्षयज्ञं ययौ प्रति ॥ २४ ॥

kAlazca kAlakazcaiva mahAkAlastathaiva ca ॥ koTInAM zatakenaiva dakSayajJaM yayau prati ॥ 24 ॥

अग्निकृच्छतकोट्या च कोट्याग्निमुख एव च ॥ आदित्यमूर्द्धा कोट्या च तथा चैव घनावहः ॥ २५ ॥

agnikRcchatakoTyA ca koTyAgnimukha eva ca ॥ AdityamUrddhA koTyA ca tathA caiva ghanAvahaH ॥ 25 ॥

सन्नाहश्शतकोट्या च कोट्या च कुमुदो गणः ॥ अमोघः कोकिलश्चैव कोटिकोट्या गणाधिपः ॥ २६ ॥

sannAhazzatakoTyA ca koTyA ca kumudo gaNaH ॥ amoghaH kokilazcaiva koTikoTyA gaNAdhipaH ॥ 26 ॥

काष्ठागूढश्चतुःषष्ट्या सुकेशी वृषभस्तथा ॥ सुमन्त्रको गणाधीशस्तथा तात सुनिर्ययौ ॥ २७ ॥

kASThAgUDhazcatuHSaSTyA sukezI vRSabhastathA ॥ sumantrako gaNAdhIzastathA tAta suniryayau ॥ 27 ॥

काकपादोदरः षष्टिकोटिभिर्गणसत्तमः ॥ तथा सन्तानकः षष्टिकोटिभिर्गणपुंगवः ॥ २८ ॥

kAkapAdodaraH SaSTikoTibhirgaNasattamaH ॥ tathA santAnakaH SaSTikoTibhirgaNapuMgavaH ॥ 28 ॥

महाबलश्च नवभिः कोटिभिः पुंगवस्तथा ॥ २९ ॥

mahAbalazca navabhiH koTibhiH puMgavastathA ॥ 29 ॥

मधुपिंगस्तथा तात गणाधीशो हि निर्ययौ ॥ नीलो नवत्या कोटीनां पूर्णभद्रस्तथैव च ॥ 2-2-33-३० ॥

madhupiMgastathA tAta gaNAdhIzo hi niryayau ॥ nIlo navatyA koTInAM pUrNabhadrastathaiva ca ॥ 2-2-33-30 ॥

निर्ययौ शतकोटीभिश्चतुर्वक्त्रो गणाधिपः ॥ काष्ठागूढेश्चतुष्षष्ट्या सुकेशो वृषभस्तथा ॥ ३१ ॥

niryayau zatakoTIbhizcaturvaktro gaNAdhipaH ॥ kASThAgUDhezcatuSSaSTyA sukezo vRSabhastathA ॥ 31 ॥

विरूपाक्षश्च कोटीनां चतुःषष्ट्या गणेश्वरः ॥ तालकेतुः षडास्यश्च पंचास्यश्च गणाधिपः ॥३२॥

virUpAkSazca koTInAM catuHSaSTyA gaNezvaraH ॥ tAlaketuH SaDAsyazca paMcAsyazca gaNAdhipaH ॥32॥

संवर्तकस्तथा चैव कुलीशश्च स्वयं प्रभुः ॥ लोकांतकश्च दीप्तात्मा तथा दैत्यान्तको मुने ॥ ३३ ॥

saMvartakastathA caiva kulIzazca svayaM prabhuH ॥ lokAMtakazca dIptAtmA tathA daityAntako mune ॥ 33 ॥

गणो भृंगीरिटिः श्रीमान् देवदेवप्रियस्तथा ॥ अशनिर्भालकश्चैव चतुःषष्ट्या सह्स्रकः ॥ ३४ ॥

gaNo bhRMgIriTiH zrImAn devadevapriyastathA ॥ azanirbhAlakazcaiva catuHSaSTyA sahsrakaH ॥ 34 ॥

कोटिकोटिसहस्राणां शतैर्विंश तिभिर्वृतः ॥ वीरेशो ह्यभ्ययाद्वीरः वीरभद्र शिवाज्ञया ॥ ३५ ॥

koTikoTisahasrANAM zatairviMza tibhirvRtaH ॥ vIrezo hyabhyayAdvIraH vIrabhadra zivAjJayA ॥ 35 ॥

भूतकोटिसहस्रैस्तु प्रययौ कोटिभिस्त्रिभिः ॥ रोमजैः श्वगणै श्चैव तथा वीरो ययौ द्रुतम् ॥ ३६ ॥

bhUtakoTisahasraistu prayayau koTibhistribhiH ॥ romajaiH zvagaNai zcaiva tathA vIro yayau drutam ॥ 36 ॥

तदा भेरीमहानादः शंखाश्च विविधस्वनाः ॥ जटाहरोमुखाश्चैव शृंगाणि विविधानि च ॥ ३७ ॥

tadA bherImahAnAdaH zaMkhAzca vividhasvanAH ॥ jaTAharomukhAzcaiva zRMgANi vividhAni ca ॥ 37 ॥

ते तानि विततान्येव बंधनानि सुखानि च ॥ वादित्राणि विनेदुश्च विविधानि महोत्सवे ॥ ३८ ॥

te tAni vitatAnyeva baMdhanAni sukhAni ca ॥ vAditrANi vineduzca vividhAni mahotsave ॥ 38 ॥

वीरभद्रस्य यात्रायां सबलस्य महामुने ॥ शकुनान्यभवंस्तत्र भूरीणि सुखदानि च ॥ ३९ ॥

vIrabhadrasya yAtrAyAM sabalasya mahAmune ॥ zakunAnyabhavaMstatra bhUrINi sukhadAni ca ॥ 39 ॥