॥ ईश्वर उवाच ॥ शृणु देवि प्रवक्ष्यामि यन्मां त्वम्परि पृच्छसि ॥ तस्य श्रवणमात्रेण जीवस्साक्षाच्छिवो भवेत् ॥ १ ॥

॥ Izvara uvAca ॥ zRNu devi pravakSyAmi yanmAM tvampari pRcchasi ॥ tasya zravaNamAtreNa jIvassAkSAcchivo bhavet ॥ 1 ॥

प्रणवार्थपरिज्ञानमेव ज्ञानं मदात्मकम् ॥ बीजन्तत्सर्वविद्यानां मंत्र म्प्रणवनामकम् ॥ २ ॥

praNavArthaparijJAnameva jJAnaM madAtmakam ॥ bIjantatsarvavidyAnAM maMtra mpraNavanAmakam ॥ 2 ॥

अतिसूक्ष्मं महार्थं च ज्ञेयं तद्वटबीजवत् ॥ वेदादि वेदसारं च मद्रूपं च विशेषतः ॥ ३ ॥

atisUkSmaM mahArthaM ca jJeyaM tadvaTabIjavat ॥ vedAdi vedasAraM ca madrUpaM ca vizeSataH ॥ 3 ॥

देवो गुणत्रयातीतः सर्वज्ञः सर्वकृत्प्रभुः ॥ ओमित्येकाक्षरे मंत्रे स्थितोहं सर्वगश्शिवः ॥ ४॥

devo guNatrayAtItaH sarvajJaH sarvakRtprabhuH ॥ omityekAkSare maMtre sthitohaM sarvagazzivaH ॥ 4॥

यदस्ति वस्तु तत्सर्वं गुणप्राधान्ययोगतः ॥ समस्तं व्यस्त मपि च प्रणवार्थं प्रचक्षते॥ ५॥

yadasti vastu tatsarvaM guNaprAdhAnyayogataH ॥ samastaM vyasta mapi ca praNavArthaM pracakSate॥ 5॥

सर्वार्थसाधकं तस्मादेकं ब्रह्मैतदक्षरम् ॥ तेनोमिति जगत्कृस्नं कुरुते प्रथमं शिवः॥ ६॥

sarvArthasAdhakaM tasmAdekaM brahmaitadakSaram ॥ tenomiti jagatkRsnaM kurute prathamaM zivaH॥ 6॥

शिवो वा प्रणवो ह्येष प्रणवो वा शिवः स्मृतः ॥ वाच्यवाचकयोर्भेदो नात्यंतं विद्यते यतः ॥ ७॥

zivo vA praNavo hyeSa praNavo vA zivaH smRtaH ॥ vAcyavAcakayorbhedo nAtyaMtaM vidyate yataH ॥ 7॥

तस्मादेकाक्षरं देवं मां च ब्रह्मर्षयो विदुः ॥ वाच्यवाचकयोरैक्यं मन्यमाना विपश्चितः ॥ ८ ॥

tasmAdekAkSaraM devaM mAM ca brahmarSayo viduH ॥ vAcyavAcakayoraikyaM manyamAnA vipazcitaH ॥ 8 ॥

अतस्तदेव जानीयात्प्रणवं सर्वकारणम् ॥ निर्विकारी मुमुक्षुर्मां निर्गुणं परमेश्वरम्॥ ९॥

atastadeva jAnIyAtpraNavaM sarvakAraNam ॥ nirvikArI mumukSurmAM nirguNaM paramezvaram॥ 9॥

एनमेव हि देवेशि सर्वमंत्रशिरोमणिम् ॥ काश्यामहं प्रदास्यामि जीवानां मुक्तिहेतवे ॥ १० ॥

enameva hi devezi sarvamaMtraziromaNim ॥ kAzyAmahaM pradAsyAmi jIvAnAM muktihetave ॥ 10 ॥

तत्रादौ सम्प्रवक्ष्यामि प्रणवोद्धारमम्बिके ॥ यस्य विज्ञानमात्रेण सिद्धिश्च परमा भवेत् ॥ ११॥

tatrAdau sampravakSyAmi praNavoddhAramambike ॥ yasya vijJAnamAtreNa siddhizca paramA bhavet ॥ 11॥

निवृत्तिमुद्धरेत्पूर्वमिन्धनं च ततः परम् ॥ कालं समुद्धरेत्पश्चाद्दंडमीश्वरमेव च ॥ १२ ॥

nivRttimuddharetpUrvamindhanaM ca tataH param ॥ kAlaM samuddharetpazcAddaMDamIzvarameva ca ॥ 12 ॥

वर्णपंचकरूपोयमेवं प्रणव उद्धृतः ॥ त्रिमात्रबिन्दुनादात्मा मुक्तिदो जपतां सदा ॥ १३ ॥

varNapaMcakarUpoyamevaM praNava uddhRtaH ॥ trimAtrabindunAdAtmA muktido japatAM sadA ॥ 13 ॥

ब्रह्मादिस्थावरान्तानां सर्वेषां प्राणिनां खलु ॥ प्राणः प्रणव एवायं तस्मात्प्रणव ईरितः ॥ १४ ॥

brahmAdisthAvarAntAnAM sarveSAM prANinAM khalu ॥ prANaH praNava evAyaM tasmAtpraNava IritaH ॥ 14 ॥

आद्यम्वर्णमकारं च उकारमुत्तरे ततः ॥ मकारं मध्यतश्चैव नादांतं तस्य चोमिति ॥ १५ ॥

AdyamvarNamakAraM ca ukAramuttare tataH ॥ makAraM madhyatazcaiva nAdAMtaM tasya comiti ॥ 15 ॥

जलवद्वर्णमाद्यन्तु दक्षिणे चोत्तरे तथा ॥ मध्ये मकारं शुचिवदोंकारे मुनिसत्तम ॥ १६ ॥

jalavadvarNamAdyantu dakSiNe cottare tathA ॥ madhye makAraM zucivadoMkAre munisattama ॥ 16 ॥

अकारश्चाप्युकारोयं मकाराश्च त्रयं क्रमात् ॥ तिस्रो मात्रास्समाख्याता अर्द्धमात्रा ततः परम् ॥ १७ ॥

akArazcApyukAroyaM makArAzca trayaM kramAt ॥ tisro mAtrAssamAkhyAtA arddhamAtrA tataH param ॥ 17 ॥

अर्द्धमात्रा महेशानि बिन्दुनादस्वरूपिणी ॥ वर्णनीया न वै चाद्धा ज्ञेया ज्ञानिभिरेव सा ॥ १८ ॥

arddhamAtrA mahezAni bindunAdasvarUpiNI ॥ varNanIyA na vai cAddhA jJeyA jJAnibhireva sA ॥ 18 ॥

ईशानस्सर्वविद्यानामित्यद्याश्श्रुतयः प्रिये ॥ मत्त एव भवन्तीति वेदास्सत्यम्वदन्ति हि॥ १९॥

IzAnassarvavidyAnAmityadyAzzrutayaH priye ॥ matta eva bhavantIti vedAssatyamvadanti hi॥ 19॥

तस्माद्वेदादिरेवाहं प्रणवो मम वाचकः॥ वाचकत्वान्ममैषोऽपि वेदादिरिति कथ्यते ॥ २०॥

tasmAdvedAdirevAhaM praNavo mama vAcakaH॥ vAcakatvAnmamaiSo'pi vedAdiriti kathyate ॥ 20॥

अकारस्तु महद्बीजं रजस्स्रष्टा चतुर्मुखः॥ उकारः प्रकृतिर्योनिस्सत्त्वं पालयिता हरिः॥ २१॥

akArastu mahadbIjaM rajassraSTA caturmukhaH॥ ukAraH prakRtiryonissattvaM pAlayitA hariH॥ 21॥

मकारः पुरुषो बीजी तमस्संहारको हरः ॥ बिन्दुर्महेश्वरो देवस्तिरो भाव उदाहृतः ॥ २२॥

makAraH puruSo bIjI tamassaMhArako haraH ॥ bindurmahezvaro devastiro bhAva udAhRtaH ॥ 22॥

नादस्सदाशिवः प्रोक्तस्सर्वानुग्रहकारकः॥ नादमूर्द्धनि संचिन्त्य परात्परतरः शिवः ॥ २३॥

nAdassadAzivaH proktassarvAnugrahakArakaH॥ nAdamUrddhani saMcintya parAtparataraH zivaH ॥ 23॥

स सर्वज्ञः सर्वकर्त्ता सर्वेशो निर्मलोऽव्ययः ॥ अनिर्देश्यः परब्रह्म साक्षात्सदसतः परः॥ २४॥

sa sarvajJaH sarvakarttA sarvezo nirmalo'vyayaH ॥ anirdezyaH parabrahma sAkSAtsadasataH paraH॥ 24॥

अकारादिषु वर्णेषु व्यापकं चोत्तरोत्तरम् ॥ व्याप्यन्त्वधस्तनं वर्णमेवं सर्वत्र भावयेत् ॥ २५ ॥

akArAdiSu varNeSu vyApakaM cottarottaram ॥ vyApyantvadhastanaM varNamevaM sarvatra bhAvayet ॥ 25 ॥

सद्यादीशानपर्य्यंतान्यकारादिषु पंचसु ॥ स्थितानि पंच ब्रह्माणि तानि मन्मूर्त्तयः क्रमात् ॥ २६॥

sadyAdIzAnaparyyaMtAnyakArAdiSu paMcasu ॥ sthitAni paMca brahmANi tAni manmUrttayaH kramAt ॥ 26॥

अष्टौ कलास्समाख्याता अकारे सद्यजाश्शिवे ॥ उकारे वामरूपिण्यस्त्रयोदश समीरिताः ॥ २७॥

aSTau kalAssamAkhyAtA akAre sadyajAzzive ॥ ukAre vAmarUpiNyastrayodaza samIritAH ॥ 27॥

अष्टावघोररूपिण्यो मकारे संस्थिताः कलाः ॥ बिन्दौ चतस्रस्संभूताः कलाः पुरुषगोचराः ॥ २८ ॥

aSTAvaghorarUpiNyo makAre saMsthitAH kalAH ॥ bindau catasrassaMbhUtAH kalAH puruSagocarAH ॥ 28 ॥

नादे पंच समाख्याताः कला ईशानसंभवाः ॥ षड्विधैक्यानुसंधानात्प्रपंचात्मकतोच्यते ॥ २९॥

nAde paMca samAkhyAtAH kalA IzAnasaMbhavAH ॥ SaDvidhaikyAnusaMdhAnAtprapaMcAtmakatocyate ॥ 29॥

मन्त्रो यन्त्रं देवता च प्रपंचो गुरुरेव च ॥ शिष्यश्च षट्पदार्था नामेषामर्थं शृणु प्रिये ॥ ३० ॥

mantro yantraM devatA ca prapaMco gurureva ca ॥ ziSyazca SaTpadArthA nAmeSAmarthaM zRNu priye ॥ 30 ॥

पंचवर्णसमष्टिः स्यान्मन्त्रः पूर्वमुदाहतः ॥ स एव यंत्रतां प्राप्तो वक्ष्ये तन्मण्डलक्रमम् ॥ ३१ ॥

paMcavarNasamaSTiH syAnmantraH pUrvamudAhataH ॥ sa eva yaMtratAM prApto vakSye tanmaNDalakramam ॥ 31 ॥

यन्त्रं तु देवतारूपं देवता विश्वरूपिणी ॥ विश्वरूपो गुरुः प्रोक्तश्शिष्यो गुरुवपुस्त्वतः ॥ ३२ ॥

yantraM tu devatArUpaM devatA vizvarUpiNI ॥ vizvarUpo guruH proktazziSyo guruvapustvataH ॥ 32 ॥

ओमितीदं सर्वमिति सर्वं ब्रह्मेति च श्रुतेः ॥ वाच्यवाचकसम्बन्धोप्ययमेवार्थ ईरितः ॥ ३३॥

omitIdaM sarvamiti sarvaM brahmeti ca zruteH ॥ vAcyavAcakasambandhopyayamevArtha IritaH ॥ 33॥

आधारो मणिपूरश्च हृदयं तु ततः परम् ॥ विशुद्धिराज्ञा च ततः शक्तिः शान्तिरिति क्रमात् ॥ ३४॥

AdhAro maNipUrazca hRdayaM tu tataH param ॥ vizuddhirAjJA ca tataH zaktiH zAntiriti kramAt ॥ 34॥

स्थानान्येतानि देवेशि शान्त्यतीतं परात्परम् ॥ अधिकारी भवेद्यस्य वैराग्यं जायते दृढम् ॥ ३५ ॥

sthAnAnyetAni devezi zAntyatItaM parAtparam ॥ adhikArI bhavedyasya vairAgyaM jAyate dRDham ॥ 35 ॥

विषयः स्यामहं देवि जीवब्रह्मैक्यभावनात् ॥ सम्बन्धं शृणु देवेशि विषयः सम्यगीरितः ॥ ३६॥

viSayaH syAmahaM devi jIvabrahmaikyabhAvanAt ॥ sambandhaM zRNu devezi viSayaH samyagIritaH ॥ 36॥

जीवात्मनोर्मया सार्द्धमैक्यस्य प्रणवस्य च ॥ वाच्यवाचकभावोत्र सम्वन्धस्समुदीरितः॥ ३७॥

jIvAtmanormayA sArddhamaikyasya praNavasya ca ॥ vAcyavAcakabhAvotra samvandhassamudIritaH॥ 37॥

व्रतादिनिरतः शान्तस्तपस्वी विजितेन्द्रियः ॥ शौचाचारसमायुक्तो भूदेवो वेदनिष्ठितः ॥ ३८॥

vratAdinirataH zAntastapasvI vijitendriyaH ॥ zaucAcArasamAyukto bhUdevo vedaniSThitaH ॥ 38॥

विषयेषु विरक्तः सन्नैहिकामुष्मिकेषु च ॥ देवानां ब्राह्मणोऽपीह लोकजेषु शिवव्रती ॥ ३९ ॥

viSayeSu viraktaH sannaihikAmuSmikeSu ca ॥ devAnAM brAhmaNo'pIha lokajeSu zivavratI ॥ 39 ॥

सर्वशास्त्रार्थ तत्त्वज्ञं वेदान्तज्ञानपारगम् ॥ आचार्य्यमुपसंगम्य यतिं मतिमतां वरम् ॥ ४० ॥

sarvazAstrArtha tattvajJaM vedAntajJAnapAragam ॥ AcAryyamupasaMgamya yatiM matimatAM varam ॥ 40 ॥

दीर्घदण्डप्रणामाद्यैस्तोषयेद्यत्नतस्सुधीः ॥ शान्त्यादिगुणसंयुक्तः शिष्यस्सौशील्यवान्वरः ॥ ४१॥

dIrghadaNDapraNAmAdyaistoSayedyatnatassudhIH ॥ zAntyAdiguNasaMyuktaH ziSyassauzIlyavAnvaraH ॥ 41॥

यो गुरुः स शिवः प्रोक्तो यश्शिवस्स गुरुः स्मृतः ॥ इति निश्चित्य मनसा स्वविचारं निवेदयेत् ॥ ४२॥

yo guruH sa zivaH prokto yazzivassa guruH smRtaH ॥ iti nizcitya manasA svavicAraM nivedayet ॥ 42॥

लब्धानुज्ञस्तु गुरुणा द्वादशाहं पयोवती ॥ समुद्रतीरे नद्यां च पर्वते वा शिवालये ॥ ४३ ॥

labdhAnujJastu guruNA dvAdazAhaM payovatI ॥ samudratIre nadyAM ca parvate vA zivAlaye ॥ 43 ॥

शुक्लपक्षे तु पंचम्यामेकादश्यां तथापि वा ॥ प्रातः स्नात्वा तु शुद्धात्मा कृतनित्य क्रियस्सुधीः ॥ ४४॥

zuklapakSe tu paMcamyAmekAdazyAM tathApi vA ॥ prAtaH snAtvA tu zuddhAtmA kRtanitya kriyassudhIH ॥ 44॥

गुरुमाहूय विधिना नान्दीश्राद्धं विधाय च ॥ क्षौरं च कारयित्वाथ कक्षोपस्थविवर्जितम् ॥ ४५॥

gurumAhUya vidhinA nAndIzrAddhaM vidhAya ca ॥ kSauraM ca kArayitvAtha kakSopasthavivarjitam ॥ 45॥

केशश्मश्रुनखानां वै स्नात्वा नियतमानसः ॥ सक्तुं प्राश्याथ सायाह्ने स्नात्वा सन्ध्यामुपास्य च ॥ ४६ ॥

kezazmazrunakhAnAM vai snAtvA niyatamAnasaH ॥ saktuM prAzyAtha sAyAhne snAtvA sandhyAmupAsya ca ॥ 46 ॥

सायमौपासनं कृत्वा गुरुणा सहितो द्विजः ॥ शास्त्रोक्तदक्षिणान्दत्त्वा शिवाय गुरुरूपिणे ॥ ४७ ॥

sAyamaupAsanaM kRtvA guruNA sahito dvijaH ॥ zAstroktadakSiNAndattvA zivAya gururUpiNe ॥ 47 ॥

होमद्रव्याणि संपाद्य स्वसूत्रोक्तविधानतः ॥ अग्निमाधाय विधिवल्लौकिकादिविभेदतः ॥ ४८॥

homadravyANi saMpAdya svasUtroktavidhAnataH ॥ agnimAdhAya vidhivallaukikAdivibhedataH ॥ 48॥

आहिताग्निस्तु यः कुर्यात्प्राजापत्ये ष्टिनाहिते ॥ श्रौते वैश्वानरे सम्यक् सर्ववेदसदक्षिणम् ॥ ४९ ॥

AhitAgnistu yaH kuryAtprAjApatye STinAhite ॥ zraute vaizvAnare samyak sarvavedasadakSiNam ॥ 49 ॥

अथाग्निमात्मन्यारोप्य ब्राह्मणः प्रव्रजेद्गृहात् ॥ श्रपयित्वा चरुं तस्मिन्समिदन्नाज्यभेदतः ॥ ५०॥

athAgnimAtmanyAropya brAhmaNaH pravrajedgRhAt ॥ zrapayitvA caruM tasminsamidannAjyabhedataH ॥ 50॥

पौरुषेणैव सूक्तेन हुत्वा प्रत्यृचमात्मवान् ॥ हुत्वा च सौविष्टकृतीं स्वसूत्रोक्तविधानतः ॥ ५१ ॥

pauruSeNaiva sUktena hutvA pratyRcamAtmavAn ॥ hutvA ca sauviSTakRtIM svasUtroktavidhAnataH ॥ 51 ॥

हुत्वोपरिष्टात्तन्त्रं च तेनाग्नेरुत्तरे बुधः ॥ स्थित्वासने जपेन्मौनी चैलाजिनकुशोत्तरे ॥ यावद्ब्राह्ममुहूर्त्तं तु गायत्रीं दृढमानसः ॥ ५२॥

hutvopariSTAttantraM ca tenAgneruttare budhaH ॥ sthitvAsane japenmaunI cailAjinakuzottare ॥ yAvadbrAhmamuhUrttaM tu gAyatrIM dRDhamAnasaH ॥ 52॥

ततः स्नात्वा यथा पूर्वं श्रपयित्वा चरुं ततः ॥ पौरुषं सूक्तमारभ्य विरजान्तं हुनेद्बुधः ॥ ५३ ॥

tataH snAtvA yathA pUrvaM zrapayitvA caruM tataH ॥ pauruSaM sUktamArabhya virajAntaM hunedbudhaH ॥ 53 ॥

वामदेवमतेनापि शौनकादिमतेन वा ॥ तत्र मुख्यं वामदेव्यं गर्भयुक्तो यतो मुनिः ॥ ५४॥

vAmadevamatenApi zaunakAdimatena vA ॥ tatra mukhyaM vAmadevyaM garbhayukto yato muniH ॥ 54॥

होमशेषं समाप्याथ हुनेत् ॥ ततोग्निमात्मन्यारोप्य प्रातस्सन्ध्यमुपास्य च ॥ ५५ ॥

homazeSaM samApyAtha hunet ॥ tatognimAtmanyAropya prAtassandhyamupAsya ca ॥ 55 ॥

सवितर्युदिते पश्चात्सावित्रीं प्राविशेत्क्रमात् ॥ एषणानां त्रयं त्यक्त्वा प्रेषमुच्चार्य च क्रमात् ॥ ५६ ॥

savitaryudite pazcAtsAvitrIM prAvizetkramAt ॥ eSaNAnAM trayaM tyaktvA preSamuccArya ca kramAt ॥ 56 ॥

शिखोपवीते संत्यज्य कटिसूत्रादिकं ततः ॥ विसृज्य प्राङ्मुखो गच्छेदुत्तराशामुखोपि वा ॥ ५७ ॥

zikhopavIte saMtyajya kaTisUtrAdikaM tataH ॥ visRjya prAGmukho gaccheduttarAzAmukhopi vA ॥ 57 ॥

गृह्णीयाद्दण्डकौपीनाद्युचितं लोकवर्तने ॥ विरक्तश्चेन गृह्णीयाल्लोकवृत्तिविचारणे ॥ ५८ ॥

gRhNIyAddaNDakaupInAdyucitaM lokavartane ॥ viraktazcena gRhNIyAllokavRttivicAraNe ॥ 58 ॥

गुरोः समीपं गत्वाथ दण्डवत्प्रणमेत्त्रयम् ॥ समुत्थाय ततस्तिष्ठेद्गुरुपादसमीपतः ॥ ५९ ॥

guroH samIpaM gatvAtha daNDavatpraNamettrayam ॥ samutthAya tatastiSThedgurupAdasamIpataH ॥ 59 ॥

ततो गुरुः समादाय विरजानलजं शितम् ॥ भस्म तेनैव तं शिष्यं समुद्धृत्य यथाविधि ॥ ६० ॥

tato guruH samAdAya virajAnalajaM zitam ॥ bhasma tenaiva taM ziSyaM samuddhRtya yathAvidhi ॥ 60 ॥

अग्निरित्यादिभिर्मन्त्रैस्त्रिपुण्ड्रं धारयेत्ततः ॥ हृत्पंकजे समासीनं मां त्वया सह चिन्तयेत् ॥ ६१ ॥

agnirityAdibhirmantraistripuNDraM dhArayettataH ॥ hRtpaMkaje samAsInaM mAM tvayA saha cintayet ॥ 61 ॥

हस्तं निधाय शिरसि शिष्यस्य प्रीतमानसः ॥ ऋष्यादिसहितं तस्य दक्षकर्णे समुच्चरेत् ॥ ६२॥

hastaM nidhAya zirasi ziSyasya prItamAnasaH ॥ RSyAdisahitaM tasya dakSakarNe samuccaret ॥ 62॥

प्रणवं त्रिःप्रकारं तु ततस्तस्यार्थमादिशेत् ॥ षड्विधार्थं परिज्ञानसहितं गुरुसत्तमः ॥ ६३॥

praNavaM triHprakAraM tu tatastasyArthamAdizet ॥ SaDvidhArthaM parijJAnasahitaM gurusattamaH ॥ 63॥

द्विषट्प्रकारं स गुरुं प्रणम्य भुवि दण्डवत् ॥ तदधीनो भवेन्नित्यं वेदान्तं सम्यगभ्यसेत् ॥ ६४॥

dviSaTprakAraM sa guruM praNamya bhuvi daNDavat ॥ tadadhIno bhavennityaM vedAntaM samyagabhyaset ॥ 64॥

मामेव चिंतयेन्नित्यं परमात्मानमात्मनि॥ विशुद्धे निर्विकारे वै ब्रह्मसाक्षिणमव्ययम् ॥ ६५॥

mAmeva ciMtayennityaM paramAtmAnamAtmani॥ vizuddhe nirvikAre vai brahmasAkSiNamavyayam ॥ 65॥

शमादिधर्मनिरतो वेदान्तज्ञानपारगः ॥ अत्राधिकारी स प्रोक्तो यतिर्विगतमत्सरः ॥ ६६॥

zamAdidharmanirato vedAntajJAnapAragaH ॥ atrAdhikArI sa prokto yatirvigatamatsaraH ॥ 66॥

हृत्पुण्डरीकं विरजं विशोकं विशदम्परम् ॥ अष्टपत्रं केशराढ्यं कर्णिकोपरि शो भितम् ॥ ६७॥

hRtpuNDarIkaM virajaM vizokaM vizadamparam ॥ aSTapatraM kezarADhyaM karNikopari zo bhitam ॥ 67॥

आधारशक्तिमारभ्य त्रितत्वांतमयं पदम् ॥ विचिन्त्य मध्यतस्तस्य दहरं व्योम भावयेत् ॥ ६८ ॥

AdhArazaktimArabhya tritatvAMtamayaM padam ॥ vicintya madhyatastasya daharaM vyoma bhAvayet ॥ 68 ॥

ओमित्येकाक्षरं ब्रह्म व्याहरन्मां त्वया सह ॥ चिंतयेन्मध्यतस्तस्य नित्यमुद्युक्तमानसः ॥ ६९ ॥

omityekAkSaraM brahma vyAharanmAM tvayA saha ॥ ciMtayenmadhyatastasya nityamudyuktamAnasaH ॥ 69 ॥

एवंविधोपासकस्य मल्लोकगतिमेव च ॥ मत्तो विज्ञानमासाद्य मत्सायुज्यफलं प्रिये ॥ ७० ॥

evaMvidhopAsakasya mallokagatimeva ca ॥ matto vijJAnamAsAdya matsAyujyaphalaM priye ॥ 70 ॥