Sukta 22
सूक्तम् 22
Shlokas (5)
+ Add ShlokaAtharvaveda — Kanda 2, Sukta 22, Mantra 1 (शत्रुनाशनम्।)
Atharvaveda (Shaunaka Samhita) · Chapter Kanda 2 · Verse 2.22.1
चन्द्र॒ यत् ते॒ तप॒स्तेन॒ तं प्रति॑ तप॒ यो॒३स्मान् द्वेष्टि॒ यं व॒यं द्वि॒ष्मः ॥१॥
candra yat te tapas tena taṃ prati tapa yo ’smān dveṣṭi yaṃ vayaṃ dviṣmaḥ
O Candra, with your ardor scorch him who hates us and whom we hate.
Atharvaveda — Kanda 2, Sukta 22, Mantra 2 (शत्रुनाशनम्।)
Atharvaveda (Shaunaka Samhita) · Chapter Kanda 2 · Verse 2.22.2
चन्द्र॒ यत् ते॒ हर॒स्तेन॒ तं प्रति॑ हर॒ यो॒३स्मान् द्वेष्टि॒ यं व॒यं द्वि॒ष्मः ॥२॥
candra yat te haras tena taṃ prati hara yo ’smān dveṣṭi yaṃ vayaṃ dviṣmaḥ
O Candra, with your taking-away power carry off him who hates us and whom we hate.
Atharvaveda — Kanda 2, Sukta 22, Mantra 3 (शत्रुनाशनम्।)
Atharvaveda (Shaunaka Samhita) · Chapter Kanda 2 · Verse 2.22.3
चन्द्र॒ यत् ते॒ऽर्चिस्तेन॒ तं प्रत्य॑र्च॒ यो॒३स्मान् द्वेष्टि॒ यं व॒यं द्वि॒ष्मः ॥३॥
candra yat te ’rcis tena taṃ praty arca yo ’smān dveṣṭi yaṃ vayaṃ dviṣmaḥ
O Candra, with your flame blaze against him who hates us and whom we hate.
Atharvaveda — Kanda 2, Sukta 22, Mantra 4 (शत्रुनाशनम्।)
Atharvaveda (Shaunaka Samhita) · Chapter Kanda 2 · Verse 2.22.4
चन्द्र॒ यत् ते॒ शो॒चिस्तेन॒ तं प्रति॑ शोच॒ यो॒३स्मान् द्वेष्टि॒ यं व॒यं द्वि॒ष्मः ॥४॥
candra yat te śocis tena tam prati śoca yo smān dveṣṭi yaṃ vayaṃ dviṣmaḥ
O Candra, with that your radiance, scorch him who hates us, whom we hate.
Atharvaveda — Kanda 2, Sukta 22, Mantra 5 (शत्रुनाशनम्।)
Atharvaveda (Shaunaka Samhita) · Chapter Kanda 2 · Verse 2.22.5
चन्द्र॒ यत् ते॒ तेज॒स्तेन॒ तम॑ते॒जसं॑ कृणु॒ यो॒३स्मान् द्वेष्टि॒ यं व॒यं द्वि॒ष्मः ॥५॥
candra yat te tejas tena tam atejasaṃ kṛṇu yo smān dveṣṭi yaṃ vayaṃ dviṣmaḥ
O Candra, with that your vigor, make strengthless him who hates us, whom we hate.