वक्ष्ये भूपुराद्रिवनौषधिसिंहादिनर्गकान । भूरनन्ता कक्षमा धात्री क्ष्माप्याकुः स्याद्धरित्र्यपि ।।

vakṣye bhūpurādrivanauṣadhisiṃhādinargakān | bhūranantā kakṣamā dhātrī kṣmāpyākuḥ syāddharitryapi ||

मृन्मृत्तिका प्रशस्ता तु मृत्सा मृत्स्ना च मृत्तिका । जगत्त्रपिष्टपं लोकं भुवनं जगती समा ।।

mṛnmṛttikā praśastā tu mṛtsā mṛtsnā ca mṛttikā | jagattrapiṣṭapaṃ lokaṃ bhuvanaṃ jagatī samā ||

अयनं वर्त्म मार्गाध्वपन्थानः पदवी सृतिः । सरणिः पद्धत्तिः पद्या वर्तन्येकपदीति च ।।

ayanaṃ vartma mārgādhvapanthānaḥ padavī sṛtiḥ | saraṇiḥ paddhattiḥ padyā vartanyekapadīti ca ||

पूः स्त्री पुरीनगर्यौ वा पात्तनं पुटभेदनम । स्थानीयं निगमो ऽन्यत्तु यन्मूलनगरात्पुरम ।।

pūḥ strī purīnagaryau vā pāttanaṃ puṭabhedanam | sthānīyaṃ nigamo 'nyattu yanmūlanagarātpuram ||

तच्छाखानगरं वेशो वेश्याजनसमाश्रयः । आपणस्तु निषद्यायां विपणिः पण्यवीथिका ।।

tacchākhānagaraṃ veśo veśyājanasamāśrayaḥ | āpaṇastu niṣadyāyāṃ vipaṇiḥ paṇyavīthikā ||

रथ्या प्रतोली विशिखा स्याच्चयो वप्रमस्त्रियां । प्राकारो वरणः शालः प्राचीरं प्रान्ततो वृतिः ।।

rathyā pratolī viśikhā syāccayo vapramastriyāṃ | prākāro varaṇaḥ śālaḥ prācīraṃ prāntato vṛtiḥ ||

भित्तिः स्त्री कुह्यमेडूकं यदन्तर्नस्तकीकसं । वासः कूटो द्वयोः शाला सभा सञ्जवनन्त्विदम ।।

bhittiḥ strī kuhyameḍūkaṃ yadantarnastakīkasaṃ | vāsaḥ kūṭo dvayoḥ śālā sabhā sañjavanantvidam ||

चतुःशालं मुनीनान्तु पर्णशालोटजो ऽस्त्रियां । चैत्यमायतनन्तुल्ये वाजिशाला तु मन्दुरा ।।

catuḥśālaṃ munīnāntu parṇaśāloṭajo 'striyāṃ | caityamāyatanantulye vājiśālā tu mandurā ||

हर्म्यादि धनिनां वासःप्रासादो देवभूभुजां । स्त्री द्वार्द्वारं प्रतीहारः स्याद्वितर्दिस्तु वेदिका ।।

harmyādi dhanināṃ vāsaḥprāsādo devabhūbhujāṃ | strī dvārdvāraṃ pratīhāraḥ syādvitardistu vedikā ||

कपोतपालिकायन्तु विटङ्कं पुं नपुंसकं । कवाटमवरन्तुल्ये निःश्रेणिस्त्वधिरोहिणी ।।

kapotapālikāyantu viṭaṅkaṃ puṃ napuṃsakaṃ | kavāṭamavarantulye niḥśreṇistvadhirohiṇī ||

सम्मार्जनी शोधनी स्यात सङ्करो ऽवकरस तथा । अद्रिगोत्रिगिरिग्रावा गहनं काननं वनं ।।

sammārjanī śodhanī syāt saṅkaro 'vakaras tathā | adrigotrigirigrāvā gahanaṃ kānanaṃ vanaṃ ||

आरामः स्यादुपवनं कृत्रिमं वनमेव यत । स्यादेतदेव प्रमदवनमन्तःपुरोचितं ।।

ārāmaḥ syādupavanaṃ kṛtrimaṃ vanameva yat | syādetadeva pramadavanamantaḥpurocitaṃ ||

वीथ्यालिरावलिः पङ्क्तिश्रेणीलेखास्तु राजयः । वानस्पत्यः फलैः पुष्पात्तैरपुष्पाद्वनस्पतिः(?) ।।

vīthyālirāvaliḥ paṅktiśreṇīlekhāstu rājayaḥ | vānaspatyaḥ phalaiḥ puṣpāttairapuṣpādvanaspatiḥ(?) ||

ओषध्यः फलपाकान्ताः पलाशी द्रुद्रुमागमाः । स्थाणु वा ना ध्रुवः शङ्कुः प्रफुल्लोत्फुल्लसंस्फुटाः ।।

oṣadhyaḥ phalapākāntāḥ palāśī drudrumāgamāḥ | sthāṇu vā nā dhruvaḥ śaṅkuḥ praphullotphullasaṃsphuṭāḥ ||

पलाशं छदनं पर्णमिध्ममेधः समित स्त्रियां । बोधिद्रुमश चलदलो दधित्थग्राहिमन्मथाः ।।

palāśaṃ chadanaṃ parṇamidhmamedhaḥ samit striyāṃ | bodhidrumaś caladalo dadhitthagrāhimanmathāḥ ||

तस्मिन दधिफलः पुष्पफलदन्तशठावपि । उडुम्बरे हेमदुग्धः कोविदारे द्विपत्रकः ।।

tasmin dadhiphalaḥ puṣpaphaladantaśaṭhāvapi | uḍumbare hemadugdhaḥ kovidāre dvipatrakaḥ ||

सप्तपर्णो विशालत्वक कृतमालं सुवर्णकः । आरेवतव्याधिघातसम्पाकचतुरङ्गुलाः ।।

saptaparṇo viśālatvak kṛtamālaṃ suvarṇakaḥ | ārevatavyādhighātasampākacaturaṅgulāḥ ||

स्याज्जम्बीरे दन्तशठो वरुणे तिक्तशावकः । पुत्रागे पुरुषस्तुङ्गः केशरो देववल्लभः ।।

syājjambīre dantaśaṭho varuṇe tiktaśāvakaḥ | putrāge puruṣastuṅgaḥ keśaro devavallabhaḥ ||

पारिभद्रे निम्बतरुर्मन्दारः पारिजातकः । वञ्जुलश्चित्रकृच्चाथ द्वौ पीतनकपीतनौ ।।

pāribhadre nimbatarurmandāraḥ pārijātakaḥ | vañjulaścitrakṛccātha dvau pītanakapītanau ||

आम्रातके मधूके तु गुडपुष्पमधुद्रुमौ । पीलौ गुडफलः स्रंसी नादेयी चाम्बुवेतसः ।।

āmrātake madhūke tu guḍapuṣpamadhudrumau | pīlau guḍaphalaḥ sraṃsī nādeyī cāmbuvetasaḥ ||

शोभाञ्जने शिग्रुतीक्ष्णगन्धकाक्षीरमोचकाः । रक्तो ऽसौ मधुशिग्रुः स्यादरिष्टः फेणिलः समौ ।।

śobhāñjane śigrutīkṣṇagandhakākṣīramocakāḥ | rakto 'sau madhuśigruḥ syādariṣṭaḥ pheṇilaḥ samau ||

गालवःशावरो लोध्रस्तिरीटस्तिल्वमार्जनौ । शेलुः श्लेष्मातकः शीत उद्दालो बहुवारकः ।।

gālavaḥśāvaro lodhrastirīṭastilvamārjanau | śeluḥ śleṣmātakaḥ śīta uddālo bahuvārakaḥ ||

वैकङ्कतः श्रुवावृक्षो ग्रन्थिलो व्याघ्रपादपि । तिन्दुकः स्फूर्जकः कालो नादेयी भूमिजम्बुकः ।।

vaikaṅkataḥ śruvāvṛkṣo granthilo vyāghrapādapi | tindukaḥ sphūrjakaḥ kālo nādeyī bhūmijambukaḥ ||

काकतिन्दौ पीलुकः स्यात पाटलिर्मोक्षमुष्ककौ । क्रमुकः पट्टिकाख्यः स्यात्कुम्भी कैटर्यकट्फले ।।

kākatindau pīlukaḥ syāt pāṭalirmokṣamuṣkakau | kramukaḥ paṭṭikākhyaḥ syātkumbhī kaiṭaryakaṭphale ||

वीरवृक्षो ऽरुष्करो ऽग्निमुखी भल्लातकीं त्रिषु । सवर्जकासनजीवाश च पीतसाले ऽथ मालके ।।

vīravṛkṣo 'ruṣkaro 'gnimukhī bhallātakīṃ triṣu | savarjakāsanajīvāś ca pītasāle 'tha mālake ||

सर्जाश्वकर्णौ वीरेन्द्रौ इन्द्रद्रुः ककुभो ऽर्जुनः । इङ्गुदी तापसतरुर्मोचा शाल्मलिरेव च ।।

sarjāśvakarṇau vīrendrau indradruḥ kakubho 'rjunaḥ | iṅgudī tāpasatarurmocā śālmalireva ca ||

चिरविल्वो नक्तमालः करजश च करञ्जके । प्रकीर्यः पूतिकरजो मर्कट्यङ्गारवल्लरी ।।

ciravilvo naktamālaḥ karajaś ca karañjake | prakīryaḥ pūtikarajo markaṭyaṅgāravallarī ||

रोही रोहितकः प्लीहशत्रुर्दाडिमपुष्पकः । गायत्री बालतनयः खदिरो दन्तधावनः ।।

rohī rohitakaḥ plīhaśatrurdāḍimapuṣpakaḥ | gāyatrī bālatanayaḥ khadiro dantadhāvanaḥ ||

अरिमेदो विट्खदिरे कदरः खदिरे सिते । पञ्चाङ्गुलो वर्धमानश चञ्चुर्गन्धर्वहस्तकः ।।

arimedo viṭkhadire kadaraḥ khadire site | pañcāṅgulo vardhamānaś cañcurgandharvahastakaḥ ||

पिण्डीतको मरुवकः पीतदारु च दारु च । देवदारुः पूतिकाष्ठं श्यामा तु महिलाह्वया ।।

piṇḍītako maruvakaḥ pītadāru ca dāru ca | devadāruḥ pūtikāṣṭhaṃ śyāmā tu mahilāhvayā ||

लता गोवन्दनी गुन्दा प्रियङ्गुः फलिनी फली । मण्डूकपर्णपत्रोर्णनटकट्वङ्गटुण्टुकाः ।।

latā govandanī gundā priyaṅguḥ phalinī phalī | maṇḍūkaparṇapatrorṇanaṭakaṭvaṅgaṭuṇṭukāḥ ||

श्योनाकशुकनासर्क्षदीर्घवृन्तकुटन्नटाः । पीतद्रुः सरलश्चाथ निचुलो ऽम्बुज इज्जलः ।।

śyonākaśukanāsarkṣadīrghavṛntakuṭannaṭāḥ | pītadruḥ saralaścātha niculo 'mbuja ijjalaḥ ||

काकोडुम्बरिका फल्गुररिष्टः पिचुमर्दकः । सर्वतोभद्रको निम्बे शिरीषस्तु कपीतनः ।।

kākoḍumbarikā phalgurariṣṭaḥ picumardakaḥ | sarvatobhadrako nimbe śirīṣastu kapītanaḥ ||

वकुलो वञ्जुलः प्रोक्तः पिच्छिलागुरुशिंशपाः । जया जयन्ती तर्कारी कणिका गणिकारिका ।।

vakulo vañjulaḥ proktaḥ picchilāguruśiṃśapāḥ | jayā jayantī tarkārī kaṇikā gaṇikārikā ||

आपर्णमग्नमन्थः स्याद्वत्सको गिरिमल्लिका । कालस्कन्धस्तमालः स्यात तण्डुलीयो ऽल्पमारिषः ।।

āparṇamagnamanthaḥ syādvatsako girimallikā | kālaskandhastamālaḥ syāt taṇḍulīyo 'lpamāriṣaḥ ||

सिन्धुवारस्तु निर्गुण्डी सैवास्फोता वनोद्भवा । गणिका यूथिकाम्बष्ठा सप्तला नवमालिका ।।

sindhuvārastu nirguṇḍī saivāsphotā vanodbhavā | gaṇikā yūthikāmbaṣṭhā saptalā navamālikā ||

अतिमुक्तः पुण्ड्रकः स्यात्कुमारी तरणिः सहा । तत्र शोणे कुरुवकस्तत्र पीते कुरुण्टकः ।।

atimuktaḥ puṇḍrakaḥ syātkumārī taraṇiḥ sahā | tatra śoṇe kuruvakastatra pīte kuruṇṭakaḥ ||

नीला झिण्टी द्वयोर्वाणा भिण्टी सैरीयकस तथा । तस्मिन्रक्ते कुरुवकः पीते सहचरी द्वयोः ।।

nīlā jhiṇṭī dvayorvāṇā bhiṇṭī sairīyakas tathā | tasminrakte kuruvakaḥ pīte sahacarī dvayoḥ ||

धुस्तूरः कितवो धूर्तो रुचको मातुलङ्गके । समीरणो मरुवकः प्रस्थपुष्पः फणिज्झकः ।।

dhustūraḥ kitavo dhūrto rucako mātulaṅgake | samīraṇo maruvakaḥ prasthapuṣpaḥ phaṇijjhakaḥ ||

कुठेरकस्तु पर्णासे ऽथास्फोतो वसुकार्कके । शिवमल्ली पाशुपतो वृन्दा वृक्षादनी तथा ।।

kuṭherakastu parṇāse 'thāsphoto vasukārkake | śivamallī pāśupato vṛndā vṛkṣādanī tathā ||

जीवन्तिका वृक्षरुहा गुडूची तन्त्रिकामृता । सोमवल्ली मधुर्णी मूर्वा तु मोरटी तथा ।।

jīvantikā vṛkṣaruhā guḍūcī tantrikāmṛtā | somavallī madhurṇī mūrvā tu moraṭī tathā ||

मधुलिका मधुश्रेणी गोकर्णी पीलुपर्ण्यपि । पाठाम्बष्ठा विद्धकर्णी प्राचीना वनतिक्तिका ।।

madhulikā madhuśreṇī gokarṇī pīluparṇyapi | pāṭhāmbaṣṭhā viddhakarṇī prācīnā vanatiktikā ||

कटुः कटुम्भरा चाथ चक्राङ्गी शकुलादनी । आत्मगुप्ता प्रावृषायी कपिकच्छुश च मर्कटी ।।

kaṭuḥ kaṭumbharā cātha cakrāṅgī śakulādanī | ātmaguptā prāvṛṣāyī kapikacchuś ca markaṭī ||

अपामार्गः शैखरिकः प्रत्यक्पर्णी मयूरकः । फञ्जिका ब्राह्मणी भार्गी द्रवन्ति शम्बरी वृषा ।।

apāmārgaḥ śaikharikaḥ pratyakparṇī mayūrakaḥ | phañjikā brāhmaṇī bhārgī dravanti śambarī vṛṣā ||

मण्डूकपर्णी भण्डीरी समङ्गा कालमेषिका । रोदनी कच्छुरानन्ता समुद्रान्ता दुरालभा ।।

maṇḍūkaparṇī bhaṇḍīrī samaṅgā kālameṣikā | rodanī kacchurānantā samudrāntā durālabhā ||

पृश्निपर्णी पृथक्पर्णी कलशिर्धावनिर्गुहा । निदिग्धिका स्पृशी व्याघ्री क्षुद्रा दुस्पर्शया सह ।।

pṛśniparṇī pṛthakparṇī kalaśirdhāvanirguhā | nidigdhikā spṛśī vyāghrī kṣudrā dusparśayā saha ||

अवल्गुजः सोमराजी सुवल्लिः सोमवल्लिका । कालमेषी कृष्णफला वकुची पूतिफल्य अपि ।।

avalgujaḥ somarājī suvalliḥ somavallikā | kālameṣī kṛṣṇaphalā vakucī pūtiphaly api ||

कणोषणोपकुल्या स्याच्छ्रेयसी गजपिप्पली । चव्यन्तु चविका काकचिञ्ची गुञ्जे तु कृष्णला ।।

kaṇoṣaṇopakulyā syācchreyasī gajapippalī | cavyantu cavikā kākaciñcī guñje tu kṛṣṇalā ||

विश्वा विषा प्रतिविषा वनशृङ्गाटगोक्षुरौ । नारायणी शतमूली कालेयकहरिद्रवः ।।

viśvā viṣā prativiṣā vanaśṛṅgāṭagokṣurau | nārāyaṇī śatamūlī kāleyakaharidravaḥ ||

दार्वी पचम्पचा दारु शुक्ला हैमवती वचा । वचोग्रगन्धा षड्ग्रन्था गोलोमी शतपर्विका ।।

dārvī pacampacā dāru śuklā haimavatī vacā | vacogragandhā ṣaḍgranthā golomī śataparvikā ||

आस्फोता गिरिकर्णी स्यात सिंहास्यो वासको वृषः । मिशी मधुरिकाच्छत्रा कोकिलाक्षेक्षुरक्षुरा ।।

āsphotā girikarṇī syāt siṃhāsyo vāsako vṛṣaḥ | miśī madhurikācchatrā kokilākṣekṣurakṣurā ||

विडङ्गो ऽस्त्री कृमिघ्नः स्यात वज्रद्रुस्नुक्स्नुही सुधा । मृद्वीका गोस्तनी द्राक्षा वला वाट्यालकस तथा ।।

viḍaṅgo 'strī kṛmighnaḥ syāt vajradrusnuksnuhī sudhā | mṛdvīkā gostanī drākṣā valā vāṭyālakas tathā ||

काला मसूरविदला त्रिपुटा त्रिवृता त्रिवृत । मधुकं क्लीतकं यष्टिमधुका मधुयष्टिका ।।

kālā masūravidalā tripuṭā trivṛtā trivṛt | madhukaṃ klītakaṃ yaṣṭimadhukā madhuyaṣṭikā ||

विदारी क्षीरशुक्लेक्षुगन्धा क्रोष्ट्री च या सिता । गोपी श्यामा शारिवा स्यादनन्तोत्पलशारिवा ।।

vidārī kṣīraśuklekṣugandhā kroṣṭrī ca yā sitā | gopī śyāmā śārivā syādanantotpalaśārivā ||

मोचा रम्भा च कदली भण्टाकी दुष्प्रधर्षिणी । स्थिरा ध्रुवा सालपर्णी शृङ्गी तु वृषभो वृषः ।।

mocā rambhā ca kadalī bhaṇṭākī duṣpradharṣiṇī | sthirā dhruvā sālaparṇī śṛṅgī tu vṛṣabho vṛṣaḥ ||

गाङ्गेरुकी नागबला मुषली तालमूलिका । ज्योत्स्नी पटोलिका जाली अजशृङ्गी विषाणिका ।।

gāṅgerukī nāgabalā muṣalī tālamūlikā | jyotsnī paṭolikā jālī ajaśṛṅgī viṣāṇikā ||

स्याल्लाङ्गलिक्यग्निशिखा ताम्बूली नागवल्ल्यपि । हरेणू रेणुका कौन्ती ह्रीवेरो दिव्यनागरं ।।

syāllāṅgalikyagniśikhā tāmbūlī nāgavallyapi | hareṇū reṇukā kauntī hrīvero divyanāgaraṃ ||

कालानुसार्यवृद्धाश्मपुष्पशीतशिवानि तु । शैलेयं तालपर्णी तु दैत्या गन्धकुटी मुरा ।।

kālānusāryavṛddhāśmapuṣpaśītaśivāni tu | śaileyaṃ tālaparṇī tu daityā gandhakuṭī murā ||

ग्रन्थिपर्णं शुकं वर्हि वला तु त्रिपुटा त्रुटिः । शिवा तामलकी चाथ हनुर्हट्टविलासिनी ।।

granthiparṇaṃ śukaṃ varhi valā tu tripuṭā truṭiḥ | śivā tāmalakī cātha hanurhaṭṭavilāsinī ||

कुटं नटं दशपुरं वानेयं परिपेलवम । तपस्वनी जटामांसी पृक्का देवी लता लशूः ।।

kuṭaṃ naṭaṃ daśapuraṃ vāneyaṃ paripelavam | tapasvanī jaṭāmāṃsī pṛkkā devī latā laśūḥ ||

कर्चुरको द्राविडको गन्धमूली शठी स्मृता । स्यद्दृक्षगन्धा छगलान्त्रा वेगी वृद्धदारकः ।।

karcurako drāviḍako gandhamūlī śaṭhī smṛtā | syaddṛkṣagandhā chagalāntrā vegī vṛddhadārakaḥ ||

तुण्डिकेरी रक्तफला विम्बिका पीलुपर्ण्य अपि । चाङ्गेरी चुक्रिकाम्बष्टा स्वर्णक्षीरी हिमावती ।।

tuṇḍikerī raktaphalā vimbikā pīluparṇy api | cāṅgerī cukrikāmbaṣṭā svarṇakṣīrī himāvatī ||

सहस्रवेधी चुक्रो ऽम्लवेतसः शतवेध्यपि । जीवन्ती जीवनी जीवा भूमिनिम्वः किरातकः ।।

sahasravedhī cukro 'mlavetasaḥ śatavedhyapi | jīvantī jīvanī jīvā bhūminimvaḥ kirātakaḥ ||

कूर्चशीर्षो मधुकरश चन्द्रः कपिवृकस तथा । दद्रुघ्नः स्यादेडगजो वर्षाभूः शीथहानिणी ।।

kūrcaśīrṣo madhukaraś candraḥ kapivṛkas tathā | dadrughnaḥ syādeḍagajo varṣābhūḥ śīthahāniṇī ||

कुनन्दती निकुम्भस्त्रा यमानी वार्षिका तथा । लशुनङ्गृञ्चनारिष्टमहाकन्दरसोनकाः ।।

kunandatī nikumbhastrā yamānī vārṣikā tathā | laśunaṅgṛñcanāriṣṭamahākandarasonakāḥ ||

वाराही वदरा गृष्टिः काकमाची तु वायसी । शतपुष्पा सितच्छत्रातिच्छत्रा मधुरा मिसिः ।।

vārāhī vadarā gṛṣṭiḥ kākamācī tu vāyasī | śatapuṣpā sitacchatrāticchatrā madhurā misiḥ ||

अवाक्पुष्पी कारवी च सरणा तु प्रसारणी । कटम्भरा भद्रवला कर्वूरश च शटी ह्य अथ ।।

avākpuṣpī kāravī ca saraṇā tu prasāraṇī | kaṭambharā bhadravalā karvūraś ca śaṭī hy atha ||

पटोलः कुलकस्तिक्तः कारवेल्लः कटिल्लकः । कुष्माण्डकस्तु कर्कारुरिर्वारुः कर्कटी स्त्रियौ ।।

paṭolaḥ kulakastiktaḥ kāravellaḥ kaṭillakaḥ | kuṣmāṇḍakastu karkārurirvāruḥ karkaṭī striyau ||

इक्ष्वाकुः कटुतुम्बी स्याद्विशाला त्विन्द्रवारुणी । अर्शेघ्नः शूरणः कन्दो मुस्तकः कुरुविन्दकः ।।

ikṣvākuḥ kaṭutumbī syādviśālā tvindravāruṇī | arśeghnaḥ śūraṇaḥ kando mustakaḥ kuruvindakaḥ ||

वंशे त्वक्सारकर्मारवेणुमस्करतेजनाः । छत्रातिच्छत्रपालघ्नौ मालातृणकभूस्तृणे ।।

vaṃśe tvaksārakarmāraveṇumaskaratejanāḥ | chatrāticchatrapālaghnau mālātṛṇakabhūstṛṇe ||

तृणराजाह्वयस्तालो घोण्टा क्रमुकपुगकौ । शार्दूलद्वीपिनौ व्यघ्रे हर्यक्षः केशरी हरिः ।।

tṛṇarājāhvayastālo ghoṇṭā kramukapugakau | śārdūladvīpinau vyaghre haryakṣaḥ keśarī hariḥ ||

कोलः पौत्री वराहः स्यात कोक ईहामृगो वृकः । लूतोर्णनाभौ तु समौ तन्तुवायश च मर्कटे ।।

kolaḥ pautrī varāhaḥ syāt koka īhāmṛgo vṛkaḥ | lūtorṇanābhau tu samau tantuvāyaś ca markaṭe ||

वृश्चिकः शूककीटः स्यात्सारङ्गस्तोककौ समौ । कृकवाकुस्ताम्रचूडः पिकः कोकिल इत्य अपि ।।

vṛścikaḥ śūkakīṭaḥ syātsāraṅgastokakau samau | kṛkavākustāmracūḍaḥ pikaḥ kokila ity api ||

कके तु करटारिष्टौ वकः कह्व उदाहृतः । कोकश चक्रश चक्रवाको कादम्बः कलहंसकः ।।

kake tu karaṭāriṣṭau vakaḥ kahva udāhṛtaḥ | kokaś cakraś cakravāko kādambaḥ kalahaṃsakaḥ ||

पतङ्गिका पुत्तिका स्यात्सरघा मधुमक्षिका । द्विरेफपुष्पलिड्भृङ्गषट्पदभ्रमरा.अलयः ।।

pataṅgikā puttikā syātsaraghā madhumakṣikā | dvirephapuṣpaliḍbhṛṅgaṣaṭpadabhramarā.alayaḥ ||

केकी शिख्यस्य वाक्केका शकुन्तिशकुनिद्विजाः । स्त्री पक्षतिः पक्षमूलञ्चञ्चुस्तोटिरुभे स्त्रियौ ।।

kekī śikhyasya vākkekā śakuntiśakunidvijāḥ | strī pakṣatiḥ pakṣamūlañcañcustoṭirubhe striyau ||

गतिरुड्डिनसण्डीनौ कुलायो नीडमस्त्रियां । पेशी कोषो द्विहीने ऽण्डं पृथुकः शावकः शिशुः ।।

gatiruḍḍinasaṇḍīnau kulāyo nīḍamastriyāṃ | peśī koṣo dvihīne 'ṇḍaṃ pṛthukaḥ śāvakaḥ śiśuḥ ||

पोतः पाको ऽर्भको डिम्भः सन्दोहव्यूहको गणः । स्तोमौघनिकरव्राता निकुरम्बं कदम्बकं । सङ्घातसञ्चयौ वृन्दं पुञ्जराशी तु कूटकं ।।

potaḥ pāko 'rbhako ḍimbhaḥ sandohavyūhako gaṇaḥ | stomaughanikaravrātā nikurambaṃ kadambakaṃ | saṅghātasañcayau vṛndaṃ puñjarāśī tu kūṭakaṃ ||