छन्दोधिकारे गायत्री देवी चैकाक्षरी भवेत । पञ्चदशाक्षरी सा स्यात प्राजापत्याष्टविर्णिका ।।

chandodhikāre gāyatrī devī caikākṣarī bhavet | pañcadaśākṣarī sā syāt prājāpatyāṣṭavirṇikā ||

यजुषां षडर्णा गायत्री साम्नां स्याद्द्वादशाक्षरा । ऋचामष्टादशार्णा स्यात्साम्नां वर्धेत च द्वयं ।।

yajuṣāṃ ṣaḍarṇā gāyatrī sāmnāṃ syāddvādaśākṣarā | ṛcāmaṣṭādaśārṇā syātsāmnāṃ vardheta ca dvayaṃ ||

ऋचां तुर्यञ्च वर्धेत प्राजापत्याचतुष्टयं । वर्धेदेकैककं शेषे आतुर्यादेक्रमुत्सृजेत ।।

ṛcāṃ turyañca vardheta prājāpatyācatuṣṭayaṃ | vardhedekaikakaṃ śeṣe āturyādekramutsṛjet ||

उष्णिगनुष्टुब वृहती पङ्क्तिस्त्रिष्टुब्जगत्यपि । तानि ज्ञेयानि क्रमशो गायत्र्यो ब्रह्म एव ताः ।।

uṣṇiganuṣṭub vṛhatī paṅktistriṣṭubjagatyapi | tāni jñeyāni kramaśo gāyatryo brahma eva tāḥ ||

तिस्रस्तिस्रः समान्यः स्युरेकैका आर्य एव च । ऋग्यजुषां संज्ञाः स्युश चतुःषष्टिपदे लिखेत ।।

tisrastisraḥ samānyaḥ syurekaikā ārya eva ca | ṛgyajuṣāṃ saṃjñāḥ syuś catuḥṣaṣṭipade likhet ||