सर्वतो भद्रकान्यष्टमण्डलानि वदे गुह । शक्तिमासाधयेत प्राचीमिष्टायां विषुवे सुधीः ।।

sarvato bhadrakānyaṣṭamaṇḍalāni vade guha | śaktimāsādhayet prācīmiṣṭāyāṃ viṣuve sudhīḥ ||

चित्रास्वात्यन्तरेणाथ दृष्टसूत्रेण वा पुनः । पूर्वापरायतं सूत्रमास्फाल्य मध्यतो ऽङ्कयेत ।।

citrāsvātyantareṇātha dṛṣṭasūtreṇa vā punaḥ | pūrvāparāyataṃ sūtramāsphālya madhyato 'ṅkayet ||

कोटिद्वयन्तु तन्मध्यादङ्कयेद्दक्षिणोत्तरम । मध्ये द्वयं प्रकर्तव्य स्फालयेद्दक्षिनोत्तरम ।।

koṭidvayantu tanmadhyādaṅkayeddakṣiṇottaram | madhye dvayaṃ prakartavya sphālayeddakṣinottaram ||

शतक्षेत्रार्धमानेन कोणसम्पातमादिशेत । एवं सूत्रचतुष्कस्य स्फालनाच्चतुरस्रकम ।।

śatakṣetrārdhamānena koṇasampātamādiśet | evaṃ sūtracatuṣkasya sphālanāccaturasrakam ||

जायते तत्र कर्तव्यं भद्रस्वेदकरं शुभम । वसुभक्तेन्दु द्विपदे क्षेत्रे वीथी च भागिका ।।

jāyate tatra kartavyaṃ bhadrasvedakaraṃ śubham | vasubhaktendu dvipade kṣetre vīthī ca bhāgikā ||

द्वारं द्विपदिकं पद्ममानाद्धै सकपोलकम । कीणबन्धविचित्रन्तु द्विपदं तत्र वर्तयेत ।।

dvāraṃ dvipadikaṃ padmamānāddhai sakapolakam | kīṇabandhavicitrantu dvipadaṃ tatra vartayet ||

शुक्लं पद्मं कर्णिका तु पीता चित्रन्तु केशरम । रक्ता वीथी तत्र कल्प्या द्वारं लोकेशरूपकं ।।

śuklaṃ padmaṃ karṇikā tu pītā citrantu keśaram | raktā vīthī tatra kalpyā dvāraṃ lokeśarūpakaṃ ||

रक्तकोणं विधौ नित्ये नैमित्तिकाब्जकं शृणु । असंसक्तन्तु संसक्तं द्विधाब्जं भुक्तिमुक्तिकृत ।।

raktakoṇaṃ vidhau nitye naimittikābjakaṃ śṛṇu | asaṃsaktantu saṃsaktaṃ dvidhābjaṃ bhuktimuktikṛt ||

असंसक्तं मुमुक्षूणां संसक्तं तत्त्रिधा पृथक । बालो युवा च वृद्धश च नामतः फलसिद्धिदाः ।।

asaṃsaktaṃ mumukṣūṇāṃ saṃsaktaṃ tattridhā pṛthak | bālo yuvā ca vṛddhaś ca nāmataḥ phalasiddhidāḥ ||

पद्मक्षेत्रे तु सूत्राणि दिग्विदिक्षु विनिक्षिपेत । वृत्तानि पञ्चकल्पानि पद्मक्षेत्रसमानि तु ।।

padmakṣetre tu sūtrāṇi digvidikṣu vinikṣipet | vṛttāni pañcakalpāni padmakṣetrasamāni tu ||

प्रथमे कर्णिका तत्र पुष्करैर नवभिर्युता । केशराणि चतुर्विंशद्वितीये ऽथ तृतीयके ।।

prathame karṇikā tatra puṣkarair navabhiryutā | keśarāṇi caturviṃśadvitīye 'tha tṛtīyake ||

दलसन्धिर्गजकुम्भ निभान्तर्यद्दलाग्रकम । पञ्चमे व्योमरूपन्तु संसक्तं कमलं स्मृतं ।।

dalasandhirgajakumbha nibhāntaryaddalāgrakam | pañcame vyomarūpantu saṃsaktaṃ kamalaṃ smṛtaṃ ||

असंसक्ते दलाग्रे तु दिग्भागैर विस्तराद्भजेत । भागद्वयपरित्यागाद्वस्वंशैर वर्तयेद्दलम ।।

asaṃsakte dalāgre tu digbhāgair vistarādbhajet | bhāgadvayaparityāgādvasvaṃśair vartayeddalam ||

सन्धिविस्तरसूत्रेण तन्मूलादञ्जयेद्दलम । सव्यासव्यक्रमेणैव वृद्धमेतद्भवेत्तथा ।।

sandhivistarasūtreṇa tanmūlādañjayeddalam | savyāsavyakrameṇaiva vṛddhametadbhavettathā ||

अथ वा सन्धिमध्यात्तु भ्रामयेदर्धचन्द्रवत । सन्धिद्वयाग्रसूत्रं वा बालपद्मन्तथा भवेत ।।

atha vā sandhimadhyāttu bhrāmayedardhacandravat | sandhidvayāgrasūtraṃ vā bālapadmantathā bhavet ||

सन्धिसूत्रार्धमानेन पृष्ठतः परिवर्तयेत । तीक्ष्णाग्रन्तु सुवातेन कमलं भुक्तिमुक्तिदम ।।

sandhisūtrārdhamānena pṛṣṭhataḥ parivartayet | tīkṣṇāgrantu suvātena kamalaṃ bhuktimuktidam ||

भुक्तिवृद्धौ च वश्यादौ बालं पद्मं समानकं । नवनाभं नवहस्तं भागैर मन्त्रात्मकैश च तत ।।

bhuktivṛddhau ca vaśyādau bālaṃ padmaṃ samānakaṃ | navanābhaṃ navahastaṃ bhāgair mantrātmakaiś ca tat ||

मध्ये ऽब्जं पट्टिकावीजं द्वारेणाब्जस्य मानतः । कण्ठोपकण्ठमुक्तानि तद्वाह्ये वीथिका मता ।।

madhye 'bjaṃ paṭṭikāvījaṃ dvāreṇābjasya mānataḥ | kaṇṭhopakaṇṭhamuktāni tadvāhye vīthikā matā ||

पञ्चभागान्विता सा तु समन्ताद्दशभागिका । दिग्विदिक्ष्वष्ट पद्मानि द्वारपद्मं सवीथिकम ।।

pañcabhāgānvitā sā tu samantāddaśabhāgikā | digvidikṣvaṣṭa padmāni dvārapadmaṃ savīthikam ||

तद्वाह्ये पञ्च पदिका वीथिका यत्र भूषिता । पद्मवद्द्वारकण्ठन्तु पदिकञ्चौष्ठकण्ठकं ।।

tadvāhye pañca padikā vīthikā yatra bhūṣitā | padmavaddvārakaṇṭhantu padikañcauṣṭhakaṇṭhakaṃ ||

कपोलं पदिकं कार्यं दिक्षु द्वारत्रयं स्पुटम । कोणबन्धं त्रिपत्तन्तु द्विपट्टं वज्रवद्भवेत ।।

kapolaṃ padikaṃ kāryaṃ dikṣu dvāratrayaṃ spuṭam | koṇabandhaṃ tripattantu dvipaṭṭaṃ vajravadbhavet ||

मध्यन्तु कमलं शुक्लं पीतं रक्तञ्च नीलकम । पीतशुक्लञ्च धूम्रञ्च रक्तं पीतञ्च मुक्तिदम ।।

madhyantu kamalaṃ śuklaṃ pītaṃ raktañca nīlakam | pītaśuklañca dhūmrañca raktaṃ pītañca muktidam ||

पूर्वादौ कमलान्यष्ट शिवविष्ण्वादिकं जपेत । प्रासादमध्यतो ऽभ्यर्च्य शक्रादीनब्जकादिषु ।।

pūrvādau kamalānyaṣṭa śivaviṣṇvādikaṃ japet | prāsādamadhyato 'bhyarcya śakrādīnabjakādiṣu ||

अस्त्राणि वाह्यवीथ्यान्तु विष्ण्वादीनश्वमेघभाक । पवित्रारोहणादौ च महामण्डलमालिखेत ।।

astrāṇi vāhyavīthyāntu viṣṇvādīnaśvameghabhāk | pavitrārohaṇādau ca mahāmaṇḍalamālikhet ||

अष्टहस्तं पुरा क्षेत्रं रसपक्षैर विवर्तयेत । द्विपदं कमलं मध्ये वीथिका पदिका ततः ।।

aṣṭahastaṃ purā kṣetraṃ rasapakṣair vivartayet | dvipadaṃ kamalaṃ madhye vīthikā padikā tataḥ ||

दिग्विदिक्षु ततो ऽष्टौ च नीलाब्जानि विवर्तयेत । मध्यपद्मप्रमाणेन त्रिंशत्पद्मानि तानि तु ।।

digvidikṣu tato 'ṣṭau ca nīlābjāni vivartayet | madhyapadmapramāṇena triṃśatpadmāni tāni tu ||

दलसन्धिविहीनानि नीलेन्दीवरकानि च । तत्पृष्ठे पदिका वीथी स्वस्तिकानि तदूर्ध्वतः ।।

dalasandhivihīnāni nīlendīvarakāni ca | tatpṛṣṭhe padikā vīthī svastikāni tadūrdhvataḥ ||

द्विपदानि तथा चाष्टौ कृतिभागकृतानि तु । वर्तयेत स्वस्तिकांस्तत्र वीथिका पूर्ववद्वहिः ।।

dvipadāni tathā cāṣṭau kṛtibhāgakṛtāni tu | vartayet svastikāṃstatra vīthikā pūrvavadvahiḥ ||

द्वाराणि कमलं यद्वदुपकण्ठ्युतानि तु । रक्तं कोणं पीतवीथी नीलं पद्मञ्चमण्डले ।।

dvārāṇi kamalaṃ yadvadupakaṇṭhyutāni tu | raktaṃ koṇaṃ pītavīthī nīlaṃ padmañcamaṇḍale ||

स्वस्तिकादि विचित्रञ्च सर्वकामप्रदं गुह । पञ्चाब्जं पञ्चहस्तं स्यात समन्ताद्दशभाजितम ।।

svastikādi vicitrañca sarvakāmapradaṃ guha | pañcābjaṃ pañcahastaṃ syāt samantāddaśabhājitam ||

द्विपदं कमलं वीथी पट्टिका दिक्षु पङ्कजम । चतुष्कं पृष्ठतो वीथी पदिका द्विपदान्यथा ।।

dvipadaṃ kamalaṃ vīthī paṭṭikā dikṣu paṅkajam | catuṣkaṃ pṛṣṭhato vīthī padikā dvipadānyathā ||

कण्ठोपकण्ठयुक्तानि द्वारान्यब्जन्तु मध्यतः । पञ्चाब्जमण्डले ह्य अस्मिन सितं पीतञ्च पूर्वकम ।।

kaṇṭhopakaṇṭhayuktāni dvārānyabjantu madhyataḥ | pañcābjamaṇḍale hy asmin sitaṃ pītañca pūrvakam ||

वैदूर्याभं दक्षिणाब्जं कुन्दाभं वारुणं कजम । उत्तराब्जन्तु शङ्खाभमन्यत सर्वं विचित्रकम ।।

vaidūryābhaṃ dakṣiṇābjaṃ kundābhaṃ vāruṇaṃ kajam | uttarābjantu śaṅkhābhamanyat sarvaṃ vicitrakam ||

सर्वकामप्रदं वक्ष्ये दशहस्तन्तु मण्डलम । विकारभक्तन्तुर्याश्रं द्वारन्तु द्विपदं भवेत ।।

sarvakāmapradaṃ vakṣye daśahastantu maṇḍalam | vikārabhaktanturyāśraṃ dvārantu dvipadaṃ bhavet ||

मध्ये पद्मं पूर्ववच्च विघ्नध्वंसं वदाम्यथ । चतुर्हस्तं पुरं कृत्वा वृत्रञ्चैव करद्वयम ।।

madhye padmaṃ pūrvavacca vighnadhvaṃsaṃ vadāmyatha | caturhastaṃ puraṃ kṛtvā vṛtrañcaiva karadvayam ||

वीथीका हस्तमात्रन्तु स्वस्तिकैर वहुभिर्वृता । हस्तमात्राणि द्वाराणि विक्षु वृत्तं सपद्मकम ।।

vīthīkā hastamātrantu svastikair vahubhirvṛtā | hastamātrāṇi dvārāṇi vikṣu vṛttaṃ sapadmakam ||

पद्मानि पञ्च शुक्लानि मध्ये पूज्यश च निष्कलः । हृदयादीनि पूर्वादौ विदिक्ष्वस्त्राणि वै यजेत ।।

padmāni pañca śuklāni madhye pūjyaś ca niṣkalaḥ | hṛdayādīni pūrvādau vidikṣvastrāṇi vai yajet ||

प्राग्वच्च पञ्च ब्रह्माणि बुद्ध्याधारमतो वदे । शतभागे तिथिभागे पद्मं लिङ्गाष्टकं दिशि ।।

prāgvacca pañca brahmāṇi buddhyādhāramato vade | śatabhāge tithibhāge padmaṃ liṅgāṣṭakaṃ diśi ||

मेखलाभागसंयुक्तं कण्ठं द्विपदिकं भवेत । आचार्यो बुद्धिमाश्रित्य कल्पयेच्च लतादिकम ।।

mekhalābhāgasaṃyuktaṃ kaṇṭhaṃ dvipadikaṃ bhavet | ācāryo buddhimāśritya kalpayecca latādikam ||

चतुःषट्पञ्चमाष्टादि खाछिखाद्यादि मण्डलम । खाक्षीन्दुसूर्यगं सर्वं खाक्षि चैवेन्दुवर्णनात ।।

catuḥṣaṭpañcamāṣṭādi khāchikhādyādi maṇḍalam | khākṣīndusūryagaṃ sarvaṃ khākṣi caivenduvarṇanāt ||

चत्वारिंशदधिकानि चतुर्दशशतानि हि । मण्डलानि हरेः शम्भोर्देव्याः सूर्यस्य सन्ति च ।।

catvāriṃśadadhikāni caturdaśaśatāni hi | maṇḍalāni hareḥ śambhordevyāḥ sūryasya santi ca ||

दशसप्तविभक्ते तु लतालिङ्गोद्भवं शृणु । दिक्षु पञ्चत्रयञ्चैकं त्रयं पञ्च च लोमयेत ।।

daśasaptavibhakte tu latāliṅgodbhavaṃ śṛṇu | dikṣu pañcatrayañcaikaṃ trayaṃ pañca ca lomayet ||

ऊर्ध्वगे द्विपदे लिङ्गमन्दिरं पार्श्वकोष्ठयोः । मध्येन द्बिपदं पद्ममथ चैकञ्च पङ्कजं ।।

ūrdhvage dvipade liṅgamandiraṃ pārśvakoṣṭhayoḥ | madhyena dbipadaṃ padmamatha caikañca paṅkajaṃ ||

लिङ्गस्य पार्श्वयोर्भद्रे पदद्वारमलोपनात । तत्पार्श्वशोभाः षड्लोप्य लताः शेषास तथा हरेः ।।

liṅgasya pārśvayorbhadre padadvāramalopanāt | tatpārśvaśobhāḥ ṣaḍlopya latāḥ śeṣās tathā hareḥ ||

ऊर्ध्वं द्विपदिकं लोप्य हरेर्भद्राष्टकं स्मृतम । रश्मिमानसमायुक्तवेदलोपाच्च शोभिकम ।।

ūrdhvaṃ dvipadikaṃ lopya harerbhadrāṣṭakaṃ smṛtam | raśmimānasamāyuktavedalopācca śobhikam ||

पञ्चविंशतिकं पद्मं ततः पीठमपीठकम । द्वयं द्वयं रक्षयित्वा उपशोभास तथाष्ट च ।।

pañcaviṃśatikaṃ padmaṃ tataḥ pīṭhamapīṭhakam | dvayaṃ dvayaṃ rakṣayitvā upaśobhās tathāṣṭa ca ||

देव्यादिख्यापकं भद्रं वृहन्मध्ये परं लघु । मध्ये नवपदं पद्मं कोणे भद्रचतुष्टयम ।।

devyādikhyāpakaṃ bhadraṃ vṛhanmadhye paraṃ laghu | madhye navapadaṃ padmaṃ koṇe bhadracatuṣṭayam ||

त्रयोदशपदं शेषं बुद्ध्याधारन्तु मण्डलं । शतपत्रं षष्ट्यधिकं बुद्ध्याधारं हरादिषु ।।

trayodaśapadaṃ śeṣaṃ buddhyādhārantu maṇḍalaṃ | śatapatraṃ ṣaṣṭyadhikaṃ buddhyādhāraṃ harādiṣu ||