ओं विनायकार्चनं वक्ष्ये यजेदाधारशक्तिकम । धर्माद्यष्टककन्दञ्च नालं पद्मञ्च कर्णिकाम ।।

oṃ vināyakārcanaṃ vakṣye yajedādhāraśaktikam | dharmādyaṣṭakakandañca nālaṃ padmañca karṇikām ||

केशरं त्रिगुनं पद्मं तीव्रञ्च ज्वलिनीं यजेत । नन्दाञ्च सुयशाञ्चोग्रां तेजोवतीं विन्ध्यवासिनीं ।।

keśaraṃ trigunaṃ padmaṃ tīvrañca jvalinīṃ yajet | nandāñca suyaśāñcogrāṃ tejovatīṃ vindhyavāsinīṃ ||

गणमूर्तिं गणपत्तिं हृदयं स्याद्गणं जयः । एकदन्तोत्कटशिरःशिखायाचलकर्णिने ।।

gaṇamūrtiṃ gaṇapattiṃ hṛdayaṃ syādgaṇaṃ jayaḥ | ekadantotkaṭaśiraḥśikhāyācalakarṇine ||

गजवक्त्राय कवचं हूं फडन्तं तथाष्टकं । महोदरो दण्डहस्तः पूर्वादौ मध्यतो यजेत ।।

gajavaktrāya kavacaṃ hūṃ phaḍantaṃ tathāṣṭakaṃ | mahodaro daṇḍahastaḥ pūrvādau madhyato yajet ||

जयो गणाधिपो गणनायको ऽथ गणेश्वरः । वक्रतुण्ड एकदन्तोत्कटलम्बोदरो गज ।।

jayo gaṇādhipo gaṇanāyako 'tha gaṇeśvaraḥ | vakratuṇḍa ekadantotkaṭalambodaro gaja ||

वक्त्रो विकटाननो ऽथ हूं पूर्वो विघ्ननाशनः । धूम्रवर्णो महेन्द्राद्यो वाह्ये विघ्नेशपूजनम ।।

vaktro vikaṭānano 'tha hūṃ pūrvo vighnanāśanaḥ | dhūmravarṇo mahendrādyo vāhye vighneśapūjanam ||

त्रिपुरापूजनं वक्ष्ये असिताङ्गो रुरुस तथा । चण्डः क्रोधस्तथोन्मत्तः कपाली भीषणः क्रमात ।।

tripurāpūjanaṃ vakṣye asitāṅgo rurus tathā | caṇḍaḥ krodhastathonmattaḥ kapālī bhīṣaṇaḥ kramāt ||

संहारो भैरवो ब्राह्मीर्मुख्या ह्रस्वास्तु भैरबाः । ब्रह्माणीषण्मुखा दीर्घा अग्न्यादौ वटुकाः क्रमात ।।

saṃhāro bhairavo brāhmīrmukhyā hrasvāstu bhairabāḥ | brahmāṇīṣaṇmukhā dīrghā agnyādau vaṭukāḥ kramāt ||

समयपुत्रो वटुको योगिनीपुत्रकस तथा । सिद्धपुत्रश च वटुकः कुलपुत्रश चतुर्थकः ।।

samayaputro vaṭuko yoginīputrakas tathā | siddhaputraś ca vaṭukaḥ kulaputraś caturthakaḥ ||

हेतुकः क्षेत्रपालश च त्रिपुरान्तो द्वितीयकः । अग्निवेतालो ऽग्निजिह्वः कराली काललोचनः ।।

hetukaḥ kṣetrapālaś ca tripurānto dvitīyakaḥ | agnivetālo 'gnijihvaḥ karālī kālalocanaḥ ||

एकपादश च भीमाक्ष ऐं क्षें प्रेतस्तयासनं । ऐं ह्रीं द्वौश च त्रिपुरा पद्मासनसमास्थिता ।।

ekapādaś ca bhīmākṣa aiṃ kṣeṃ pretastayāsanaṃ | aiṃ hrīṃ dvauś ca tripurā padmāsanasamāsthitā ||

विभ्रत्यभयपुस्तञ्च वामे वरदमालिकाम । मूलेन हृदयादि स्याज्जालपूर्णञ्च कामकम ।।

vibhratyabhayapustañca vāme varadamālikām | mūlena hṛdayādi syājjālapūrṇañca kāmakam ||

गोमध्ये नाम संलिख्य चाष्टपत्रे च मध्यतः । श्मशानादिपटे श्मशानाङ्गारेण विलेखयेत ।।

gomadhye nāma saṃlikhya cāṣṭapatre ca madhyataḥ | śmaśānādipaṭe śmaśānāṅgāreṇa vilekhayet ||

चिताङ्गारपिष्टकेन मूर्तिं ध्यात्वा तु तस्य च । क्षिप्त्वोदरे नीलसूत्रैर वेष्ट्य चोच्चाठनं भवेत ।।

citāṅgārapiṣṭakena mūrtiṃ dhyātvā tu tasya ca | kṣiptvodare nīlasūtrair veṣṭya coccāṭhanaṃ bhavet ||

युद्धेगच्छन जपन्मन्त्रं पुमान साक्षाज्जयी भवेत । उत्तरादौ च घृणिनी सूर्या पुज्या चतुर्दले ।।

yuddhegacchan japanmantraṃ pumān sākṣājjayī bhavet | uttarādau ca ghṛṇinī sūryā pujyā caturdale ||

आदित्या प्रभावती च हेमाद्रिमधुराश्रयः । गौरीमन्त्रः सर्वकरः होमाद्ध्यानाज्जपार्चनात ।।

ādityā prabhāvatī ca hemādrimadhurāśrayaḥ | gaurīmantraḥ sarvakaraḥ homāddhyānājjapārcanāt ||

रक्ता चतुर्भुजा पाशवरदा दक्षिणे करे । अङ्कुशाभययुक्तान्तां प्रार्थ्य सिद्धात्मना पुमान ।।

raktā caturbhujā pāśavaradā dakṣiṇe kare | aṅkuśābhayayuktāntāṃ prārthya siddhātmanā pumān ||

जीवेद्वर्षशतं धीमान्न चौरारिभयं भवेत । क्रुद्धः प्रसादी भवति युधि मन्त्राम्बुपानतः ।।

jīvedvarṣaśataṃ dhīmānna caurāribhayaṃ bhavet | kruddhaḥ prasādī bhavati yudhi mantrāmbupānataḥ ||

अञ्जनं तिलकं वश्ये जिह्वाग्रे कविता भवेत । तज्जपान्मैथुनं वश्ये तज्जपाद्योनिवीक्षणम ।।

añjanaṃ tilakaṃ vaśye jihvāgre kavitā bhavet | tajjapānmaithunaṃ vaśye tajjapādyonivīkṣaṇam ||

स्पर्शाद्वशी तिलहोमात्सर्वञ्चैव तु सिध्यति । सप्ताभिमन्त्रितञ्चान्नं भुञ्जंस्तस्य श्रियः सदा ।।

sparśādvaśī tilahomātsarvañcaiva tu sidhyati | saptābhimantritañcānnaṃ bhuñjaṃstasya śriyaḥ sadā ||

अर्धनारीशरूपो ऽयं लक्ष्म्यादिवैष्णवादिकः । अनङ्गरूपा शक्तिश च द्वितीया मदनातुरा ।।

ardhanārīśarūpo 'yaṃ lakṣmyādivaiṣṇavādikaḥ | anaṅgarūpā śaktiś ca dvitīyā madanāturā ||

पवनवेगा भुवनपाला वै सव्वसिद्धिदा । अनङ्गमदनानङ्गमेखलान्ताञ्चपेच्छ्रिये ।।

pavanavegā bhuvanapālā vai savvasiddhidā | anaṅgamadanānaṅgamekhalāntāñcapecchriye ||

पद्ममध्यदलेषु ह्रीं स्वरान कादींस्तितः स्त्रियाः । षट्कोणे वा घटे वाथ लिखित्वा स्याद्वशीकरं ।।

padmamadhyadaleṣu hrīṃ svarān kādīṃstitaḥ striyāḥ | ṣaṭkoṇe vā ghaṭe vātha likhitvā syādvaśīkaraṃ ||

मूलमन्त्रः षडङ्गओयं रक्तवर्णे त्रिकोणके । द्रवणी ह्लादकारिणी क्षोभिणी गुरुशक्तिका ।।

mūlamantraḥ ṣaḍaṅgaoyaṃ raktavarṇe trikoṇake | dravaṇī hlādakāriṇī kṣobhiṇī guruśaktikā ||

ईशानादौ च मध्ये तां नित्यां पाशाङ्कुशौ तथा । कपालकल्पकतरुं वीणा रक्ता च तद्वती ।।

īśānādau ca madhye tāṃ nityāṃ pāśāṅkuśau tathā | kapālakalpakataruṃ vīṇā raktā ca tadvatī ||

नित्याभया मङ्गला च नववीरा च मङ्गला । दुर्भगा मनोन्मनी पूज्या द्रावा पूर्वादितः स्थिता ।।

nityābhayā maṅgalā ca navavīrā ca maṅgalā | durbhagā manonmanī pūjyā drāvā pūrvāditaḥ sthitā ||

मन्मथाय च माराय कामायैवञ्च पञ्चधा । कामाः पाशाङ्कुशौ चापवाणाः ध्येयाश च विभ्रतः ।।

manmathāya ca mārāya kāmāyaivañca pañcadhā | kāmāḥ pāśāṅkuśau cāpavāṇāḥ dhyeyāś ca vibhrataḥ ||

रतिश च विरतिः प्रीतिर्विप्रीतिश च मतिर्धृतिः । विधृतिः पुष्टिरेभिश च क्रमात कामादिकैर युताः । आधारशक्तिं पद्मञ्च सिंहे देवीं हृदादिषु ।।

ratiś ca viratiḥ prītirviprītiś ca matirdhṛtiḥ | vidhṛtiḥ puṣṭirebhiś ca kramāt kāmādikair yutāḥ | ādhāraśaktiṃ padmañca siṃhe devīṃ hṛdādiṣu ||