मन्त्रविद्याहरिं वक्ष्ये भुक्तिमुक्तिप्रदं शृणु । विंशत्यर्णाधिका मन्त्रा मालामन्त्राः स्मृता द्विज ।।

mantravidyāhariṃ vakṣye bhuktimuktipradaṃ śṛṇu | viṃśatyarṇādhikā mantrā mālāmantrāḥ smṛtā dvija ||

दशाक्षराधिका मन्त्रास्तदर्वाग्वीजसंज्ञिताः । वर्धक्ये सिद्धिदा ह्य एते मालामन्त्रास्तु यौवेन ।।

daśākṣarādhikā mantrāstadarvāgvījasaṃjñitāḥ | vardhakye siddhidā hy ete mālāmantrāstu yauvena ||

पञ्चाक्षराधिका मन्त्राः सिद्धिदाः सर्वदापरे । स्त्रीपुंनपुंसकत्वेन त्रिधाः स्युर्मन्त्रजातयः ।।

pañcākṣarādhikā mantrāḥ siddhidāḥ sarvadāpare | strīpuṃnapuṃsakatvena tridhāḥ syurmantrajātayaḥ ||

स्त्रीमन्त्रा वह्निजायन्ता नमोन्ताश च नपुंसकाः । शेषाः पुमांसस्ते शस्ता वक्ष्योच्चाटविषेषु च ।।

strīmantrā vahnijāyantā namontāś ca napuṃsakāḥ | śeṣāḥ pumāṃsaste śastā vakṣyoccāṭaviṣeṣu ca ||

क्षुद्रक्रियामयध्वंसे स्त्रियो ऽन्यत्र नपुंसकाः । मन्त्रावाग्नेयसौम्याख्यौ ताराद्यन्तार्द्वयोर्जपेत ।।

kṣudrakriyāmayadhvaṃse striyo 'nyatra napuṃsakāḥ | mantrāvāgneyasaumyākhyau tārādyantārdvayorjapet ||

तारान्त्याग्निवियत्प्रायो मन्त्र आग्नेय इष्यते । शिष्टः सौम्यः प्रशस्तौ तौ कर्मणोः क्रूरसौम्ययोः ।।

tārāntyāgniviyatprāyo mantra āgneya iṣyate | śiṣṭaḥ saumyaḥ praśastau tau karmaṇoḥ krūrasaumyayoḥ ||

आग्नेयमन्त्रः सौम्यः स्यात्प्रायशो ऽन्ते नमो ऽन्वितः । सौम्यमन्त्रस तथाग्नेयः फट्कारेणान्ततो युतः ।।

āgneyamantraḥ saumyaḥ syātprāyaśo 'nte namo 'nvitaḥ | saumyamantras tathāgneyaḥ phaṭkāreṇāntato yutaḥ ||

सुप्तः प्रबुद्धमात्रो वा मन्त्रः सिद्धिं न यच्छति । श्वापकालो महावाहो जागरो दक्षिणावहः ।।

suptaḥ prabuddhamātro vā mantraḥ siddhiṃ na yacchati | śvāpakālo mahāvāho jāgaro dakṣiṇāvahaḥ ||

आग्नेयस्य मनोः सौम्यमन्त्रस्यैतद्विपर्ययात । प्रबोधकालं जानीयादुभयोरुभयोरहः ।।

āgneyasya manoḥ saumyamantrasyaitadviparyayāt | prabodhakālaṃ jānīyādubhayorubhayorahaḥ ||

दुष्टर्क्षराशिविद्वेषिवर्णादीन वर्जयेन्मनून । राज्यलाभोपकाराय प्रारभ्यारिः स्वरः कुरून ।।

duṣṭarkṣarāśividveṣivarṇādīn varjayenmanūn | rājyalābhopakārāya prārabhyāriḥ svaraḥ kurūn ||

गोपालककुटीं प्रायात पूर्णामित्युदिता लिपिः । नक्षेत्रेक्षक्रमाद्योज्या स्वरान्त्यौ रेवतीयुजौ ।।

gopālakakuṭīṃ prāyāt pūrṇāmityuditā lipiḥ | nakṣetrekṣakramādyojyā svarāntyau revatīyujau ||

वेला गुरुः स्वराः शोणः कर्मणैवेतिभेदिताः । लिप्यर्णा वशिषु ज्ञेया षष्ठेशादींश च योजयेत ।।

velā guruḥ svarāḥ śoṇaḥ karmaṇaivetibheditāḥ | lipyarṇā vaśiṣu jñeyā ṣaṣṭheśādīṃś ca yojayet ||

लिपौ चतुष्पथस्थायामाख्यवर्णपदान्तराः । सिद्धाः साध्या द्वितीयस्थाः सुसिद्धा वैरिणः परे ।।

lipau catuṣpathasthāyāmākhyavarṇapadāntarāḥ | siddhāḥ sādhyā dvitīyasthāḥ susiddhā vairiṇaḥ pare ||

सिद्धादीन कल्पयेदेवं सिद्धात्यन्तगुणैर अपि । सिद्धे सिद्धो जपात साध्यो जपपूजाहुतादिना ।।

siddhādīn kalpayedevaṃ siddhātyantaguṇair api | siddhe siddho japāt sādhyo japapūjāhutādinā ||

सुसिद्धो ध्यानमात्रेण साधकं नाशयेदरिः । दुष्टार्णप्रचुरो यः स्यान्मन्त्रः सर्वविनिन्दितः ।।

susiddho dhyānamātreṇa sādhakaṃ nāśayedariḥ | duṣṭārṇapracuro yaḥ syānmantraḥ sarvavininditaḥ ||

प्रविश्य विधिवद्दीक्षामभिषेकावसानिकाम । श्रुत्वा तन्त्रं गुरोर लब्धं साधयेदीप्सितं मनुम ।।

praviśya vidhivaddīkṣāmabhiṣekāvasānikām | śrutvā tantraṃ guror labdhaṃ sādhayedīpsitaṃ manum ||

धीरो दक्षः शुचिर्भक्तो जपध्यानादितत्परः । सिद्धस्तपस्वी कुशलस्तन्त्रज्ञः सत्यभाषणः ।।

dhīro dakṣaḥ śucirbhakto japadhyānāditatparaḥ | siddhastapasvī kuśalastantrajñaḥ satyabhāṣaṇaḥ ||

निग्रहानुग्रहे शक्तो गुरुरित्यभिधीयते । शान्तो दान्तः पटुश्चीर्णब्रह्मचर्यो हविष्यभुक ।।

nigrahānugrahe śakto gururityabhidhīyate | śānto dāntaḥ paṭuścīrṇabrahmacaryo haviṣyabhuk ||

कुर्वन्नाचार्यशुश्रूषां सिद्धोत्साही स शिष्यकः । स तूपदेश्यः पुत्रश च विनयी वसुदस तथा ।।

kurvannācāryaśuśrūṣāṃ siddhotsāhī sa śiṣyakaḥ | sa tūpadeśyaḥ putraś ca vinayī vasudas tathā ||

मन्त्रन्दद्यात सुसिद्धौ तु सहस्रं देशिकं जपेत । यदृच्छया श्रुतं मन्त्रं छलेनाथ बलेन वा ।।

mantrandadyāt susiddhau tu sahasraṃ deśikaṃ japet | yadṛcchayā śrutaṃ mantraṃ chalenātha balena vā ||

पत्रे स्थितञ्च गाथाञ्च जनयेद्यद्यनर्थकम । मन्त्रं यः साधयेदेकं जपहोमार्चनादिभिः ।।

patre sthitañca gāthāñca janayedyadyanarthakam | mantraṃ yaḥ sādhayedekaṃ japahomārcanādibhiḥ ||

क्रियाभिर्भूरिभिस्तस्य सिध्यन्ते स्वल्पसाधनात । सम्यक्सिद्धैकमन्त्रस्य नासाध्यमिह किञ्चन ।।

kriyābhirbhūribhistasya sidhyante svalpasādhanāt | samyaksiddhaikamantrasya nāsādhyamiha kiñcana ||

बहुमन्त्रवतः पुंसः का कथा शिव एव सः । दशलक्षजपादेक वर्णो मन्त्रः प्रसिध्यति ।।

bahumantravataḥ puṃsaḥ kā kathā śiva eva saḥ | daśalakṣajapādeka varṇo mantraḥ prasidhyati ||

वर्णवृद्ध्या जपह्रासस्तेनान्येषां समूहयेत । वीजाद्द्वित्रिगुणान्मन्त्रान्मालामन्त्रे जपक्रिया ।।

varṇavṛddhyā japahrāsastenānyeṣāṃ samūhayet | vījāddvitriguṇānmantrānmālāmantre japakriyā ||

सङ्ख्यानुक्तौ शतं साष्टं सहस्रं वा जपादिषु । जपाद्दशांशं सर्वत्र साभिशेकं हुतं विदुः ।।

saṅkhyānuktau śataṃ sāṣṭaṃ sahasraṃ vā japādiṣu | japāddaśāṃśaṃ sarvatra sābhiśekaṃ hutaṃ viduḥ ||

द्रव्यानुक्तौ घृतं होमे जपो ऽशक्तस्य सर्वतः । मूलमन्त्राद्दशांशः स्यादङ्गादीनां जपादिकम ।।

dravyānuktau ghṛtaṃ home japo 'śaktasya sarvataḥ | mūlamantrāddaśāṃśaḥ syādaṅgādīnāṃ japādikam ||

जपात्सशक्तिमन्त्रस्य कामदा मन्त्रदेवताः । साधकस्य भवेत तृप्ता ध्यानहोमार्चनादिना ।।

japātsaśaktimantrasya kāmadā mantradevatāḥ | sādhakasya bhavet tṛptā dhyānahomārcanādinā ||

उच्चैर्जपाद्विशिष्टः स्यादुपांशुर्दशभिर्गुणैः । जिह्वाजपे शतगुणः सहस्रो मानसः स्मृतः ।।

uccairjapādviśiṣṭaḥ syādupāṃśurdaśabhirguṇaiḥ | jihvājape śataguṇaḥ sahasro mānasaḥ smṛtaḥ ||

प्राङ्मुखो ऽवाङ्मुखो वापि मन्त्रकर्म समारभेत । प्रणवाद्याः सर्वमन्त्रा वाग्यतो विहिताशनः ।।

prāṅmukho 'vāṅmukho vāpi mantrakarma samārabhet | praṇavādyāḥ sarvamantrā vāgyato vihitāśanaḥ ||

आसीनस्तु जपेन्मन्त्रान्देवताचार्यतुल्यदृक । कुटीविविक्ता देशाः स्युर्देवालयनदीह्रदाः ।।

āsīnastu japenmantrāndevatācāryatulyadṛk | kuṭīviviktā deśāḥ syurdevālayanadīhradāḥ ||

सिद्धौ यवागूपूपैर वा पयो भक्ष्यं हविष्यकम । मन्त्रस्य देवता तावत तिथिवारेषु वै जपेत ।।

siddhau yavāgūpūpair vā payo bhakṣyaṃ haviṣyakam | mantrasya devatā tāvat tithivāreṣu vai japet ||

कृष्णाष्टमीचतुर्दश्योर्ग्रहणादौ च साधकः । दस्रो यमो ऽनलो धाता शशी रुद्रो गुरुर्दितिः ।।

kṛṣṇāṣṭamīcaturdaśyorgrahaṇādau ca sādhakaḥ | dasro yamo 'nalo dhātā śaśī rudro gururditiḥ ||

सर्पाः पितरो ऽथ भगो ऽर्यमा शोतेतरद्युतिः । त्वष्टा मरुत इन्द्राग्नी मित्रेन्द्रौ निरृतिर्जलम ।।

sarpāḥ pitaro 'tha bhago 'ryamā śotetaradyutiḥ | tvaṣṭā maruta indrāgnī mitrendrau nirṛtirjalam ||

विश्वेदेवा हृषीकेशो वायवः सलिलाधिपः । अजैकपादहिर्व्रध्नः पूषाश्विन्यादिदेवताः ।।

viśvedevā hṛṣīkeśo vāyavaḥ salilādhipaḥ | ajaikapādahirvradhnaḥ pūṣāśvinyādidevatāḥ ||

अग्निदस्रावुमा निघ्नो नागश चन्द्रो दिवाकरः । मातृदुर्गा दिशामीशः कृष्णो वैवस्वतः शिवः ।।

agnidasrāvumā nighno nāgaś candro divākaraḥ | mātṛdurgā diśāmīśaḥ kṛṣṇo vaivasvataḥ śivaḥ ||

पञ्चदश्याः शशाङ्कस्तु पितरस्तिथिदेवताः । हरो दुर्गा गुरुर्विष्णुर्ब्रह्मा लक्ष्मीर्धनेश्वरः ।।

pañcadaśyāḥ śaśāṅkastu pitarastithidevatāḥ | haro durgā gururviṣṇurbrahmā lakṣmīrdhaneśvaraḥ ||

एते सुर्यादिवारेशा लिपिन्यासो ऽथ कथ्यते । केशान्तेषु च वृत्तेषु चक्षुषोः श्रवणद्वये ।।

ete suryādivāreśā lipinyāso 'tha kathyate | keśānteṣu ca vṛtteṣu cakṣuṣoḥ śravaṇadvaye ||

नासागण्डौष्ठदन्तानां द्वे द्वे मूर्धस्ययोः क्रमात । वर्णान पञ्चसुवर्गानां बाहुचरणसन्धिषु ।।

nāsāgaṇḍauṣṭhadantānāṃ dve dve mūrdhasyayoḥ kramāt | varṇān pañcasuvargānāṃ bāhucaraṇasandhiṣu ||

पार्श्वयोः पृष्ठतो नाभौ हृदये च क्रमान्न्यसेत । यादींश च हृदये न्यस्येदेषां स्युः सप्तधातवः ।।

pārśvayoḥ pṛṣṭhato nābhau hṛdaye ca kramānnyaset | yādīṃś ca hṛdaye nyasyedeṣāṃ syuḥ saptadhātavaḥ ||

त्वगसृङ्मांसकस्नायुमेदोमज्जाशुक्राणि धातवः । वसाः पयो वासको लिख्यन्ते चैव लिपीश्वराः ।।

tvagasṛṅmāṃsakasnāyumedomajjāśukrāṇi dhātavaḥ | vasāḥ payo vāsako likhyante caiva lipīśvarāḥ ||

श्रीकण्ठो ऽनन्तसूक्ष्मौ च त्रिमूर्तिरमरेश्वरः । अग्नीशो भावभूतिश च तिथीशः स्थानुको हरः ।।

śrīkaṇṭho 'nantasūkṣmau ca trimūrtiramareśvaraḥ | agnīśo bhāvabhūtiś ca tithīśaḥ sthānuko haraḥ ||

दण्डीशो भौतिकः सद्योजातश्चानुग्रहेश्वरः । अक्रूरश च महासेनः शरण्या देवता अमूः ।।

daṇḍīśo bhautikaḥ sadyojātaścānugraheśvaraḥ | akrūraś ca mahāsenaḥ śaraṇyā devatā amūḥ ||

ततः क्रोधीशत्तण्डौ च पञ्चान्तकशिवोत्तमौ । तथैव रुद्रकूर्मौ च त्रिनेत्रौ चतुराननः ।।

tataḥ krodhīśattaṇḍau ca pañcāntakaśivottamau | tathaiva rudrakūrmau ca trinetrau caturānanaḥ ||

अजेशः शर्मसोनेशौ तथा लाङ्गलिदारुकौ । अर्धनारीश्वरश्चोमा कान्तश्चाषाढिदण्डिनौ ।।

ajeśaḥ śarmasoneśau tathā lāṅgalidārukau | ardhanārīśvaraścomā kāntaścāṣāḍhidaṇḍinau ||

अत्रिर्मोनश च मेषश च लोहितश च शिखी तथा । छगलण्डद्विरण्डौ द्वौ समहाकालवालिनौ ।।

atrirmonaś ca meṣaś ca lohitaś ca śikhī tathā | chagalaṇḍadviraṇḍau dvau samahākālavālinau ||

भुजङ्गश च पिनाकी च खड्गीशश च वकः पुनः । श्वेतो भृगुर्लगुडीशाक्षश च सम्बर्तकः स्मृतः ।।

bhujaṅgaś ca pinākī ca khaḍgīśaś ca vakaḥ punaḥ | śveto bhṛgurlaguḍīśākṣaś ca sambartakaḥ smṛtaḥ ||

रुद्रात्मशक्तान लिख्यादीन नमोन्तान विन्यसेत क्रमात । अङ्गानि विन्यसेत्सर्वे मन्त्राः साङ्गास्तु सिद्धिदाः ।।

rudrātmaśaktān likhyādīn namontān vinyaset kramāt | aṅgāni vinyasetsarve mantrāḥ sāṅgāstu siddhidāḥ ||

हृल्लेखाव्योमसपूर्वाण्येतान्यङ्गानि विन्यसेत । हृदादीन्यङ्गमन्त्रान्तैर यो जपेद्धृदये नमः ।।

hṛllekhāvyomasapūrvāṇyetānyaṅgāni vinyaset | hṛdādīnyaṅgamantrāntair yo japeddhṛdaye namaḥ ||

स्वाहा शिरस्यथ वषट्शिखायां कवचे च हूं । वौषत नेत्रे ऽस्त्राय फटस्यात पञ्चाङ्गं नेत्रवर्जितम ।।

svāhā śirasyatha vaṣaṭśikhāyāṃ kavace c hūṃ | vauṣat netre 'strāya phaṭasyāt pañcāṅgaṃ netravarjitam ||

निरङ्गस्यात्मना चाङ्गं न्यस्येमान्नियुतं जपेत । क्रमाभ्यां देवीं वागीशीं यथोक्तांस्तु तिलान हुनेत ।।

niraṅgasyātmanā cāṅgaṃ nyasyemānniyutaṃ japet | kramābhyāṃ devīṃ vāgīśīṃ yathoktāṃstu tilān hunet ||

लिपिदेवी साक्षसूत्रकुम्भपुस्तकपद्मधृक । कवित्वादि प्रयच्छेत कर्मादौ सिद्धये न्यसेत । निष्कविर्निर्मलः सर्वे मन्त्राःसिध्यन्ति मातृभिः ।।

lipidevī sākṣasūtrakumbhapustakapadmadhṛk | kavitvādi prayaccheta karmādau siddhaye nyaset | niṣkavirnirmalaḥ sarve mantrāḥsidhyanti mātṛbhiḥ ||