पुरोर्जनमेजयो ऽभूत्प्राचीन्नन्तस्तु तत्सुतः । प्राचीन्नन्तान्मनस्त्युस्तु तस्माद्वीतमयो नृपः ।।

purorjanamejayo 'bhūtprācīnnantastu tatsutaḥ | prācīnnantānmanastyustu tasmādvītamayo nṛpaḥ ||

शुन्धुर्वीतमयाच्चाभूच्छुन्धोर्बहुविधः सुतः । बहुविधाच्च संयातिरहोवादी च तत्सुतः ।।

śundhurvītamayāccābhūcchundhorbahuvidhaḥ sutaḥ | bahuvidhācca saṃyātirahovādī ca tatsutaḥ ||

तस्य पुत्रो ऽथ भद्राशोअ भद्राश्वस्य दशात्मजाः । ऋचेयुश च कृषेयुश च सन्नतेयुस तथात्मजः ।।

tasya putro 'tha bhadrāśoa bhadrāśvasya daśātmajāḥ | ṛceyuś ca kṛṣeyuś ca sannateyus tathātmajaḥ ||

घृतेयुश च चितेयुश च स्थण्डिलेयुश च सत्तमः । धर्मेयुः सन्नतेयुश च कृचेयुर्मतिनारकः ।।

ghṛteyuś ca citeyuś ca sthaṇḍileyuś ca sattamaḥ | dharmeyuḥ sannateyuś ca kṛceyurmatinārakaḥ ||

तंसुरोघः प्रतिरथः पुरस्तो मतिनारजाः । आसीत्पतिरथात्कण्वः कण्वान्मेधातिथिस्त्वभूत ।।

taṃsuroghaḥ pratirathaḥ purasto matinārajāḥ | āsītpatirathātkaṇvaḥ kaṇvānmedhātithistvabhūt ||

तंसुरोघाच्च चत्वारो दुष्मन्तो ऽथ प्रवीरकः । सुमन्तश्चानयो वीरो दुष्मन्ताद्भरतो ऽभवत ।।

taṃsuroghācca catvāro duṣmanto 'tha pravīrakaḥ | sumantaścānayo vīro duṣmantādbharato 'bhavat ||

शकुन्तलायान्तु बली यस्य नाम्ना तु भारताः । सुतेषु मातृकोपेन नष्टेषु भरतस्य च ।।

śakuntalāyāntu balī yasya nāmnā tu bhāratāḥ | suteṣu mātṛkopena naṣṭeṣu bharatasya ca ||

ततो मरुद्भिरानीय पुत्रः स तु वृहस्पतेः । संक्रामितो भरद्वाजः क्रतुभिर्वितथो ऽभवत ।।

tato marudbhirānīya putraḥ sa tu vṛhaspateḥ | saṃkrāmito bharadvājaḥ kratubhirvitatho 'bhavat ||

स चापि वितथः पुत्रान जनयामास पञ्च वै । सुहोत्रञ्च सुहोतारङ्गयङ्गर्भन्तथैव च ।।

sa cāpi vitathaḥ putrān janayāmāsa pañca vai | suhotrañca suhotāraṅgayaṅgarbhantathaiva ca ||

कपिलश च महात्मानं सुकेतुञ्च सुतद्वयम । कौशिकञ्च गृत्सपतिं तथा गृत्सपतेः सुताः ।।

kapilaś ca mahātmānaṃ suketuñca sutadvayam | kauśikañca gṛtsapatiṃ tathā gṛtsapateḥ sutāḥ ||

सुताः । ततो धन्वन्तरिश्चासीत्तत्सुतो ऽभूच्च केतुमान ।।

sutāḥ | tato dhanvantariścāsīttatsuto 'bhūcca ketumān ||

केतुमतो हेमरथो दिवोदास इतिश्रुतः । प्रतर्दनो दिवोदासाद्भर्गवत्सौ प्रतर्दनात ।।

ketumato hemaratho divodāsa itiśrutaḥ | pratardano divodāsādbhargavatsau pratardanāt ||

वत्सादनर्क आसीच्च अनर्कात क्षेमको ऽभवत । क्षेमकद्वर्षकेतुश च वर्षकेतोर्विभुः स्मृतः ।।

vatsādanarka āsīcca anarkāt kṣemako 'bhavat | kṣemakadvarṣaketuś ca varṣaketorvibhuḥ smṛtaḥ ||

विभोरानर्तः पुत्रो ऽभूद्विभोश च सुकुमारकः । सुकुमारात्सत्यकेतुर्वत्सभूमिस्तु वत्सकात ।।

vibhorānartaḥ putro 'bhūdvibhoś ca sukumārakaḥ | sukumārātsatyaketurvatsabhūmistu vatsakāt ||

सुहोत्रस्य वृहत्पुत्रो वृहतस्तनयास्त्रयः । अजमीढो द्विमीढश च पुरुमीढश च वीर्यवान ।।

suhotrasya vṛhatputro vṛhatastanayāstrayaḥ | ajamīḍho dvimīḍhaś ca purumīḍhaś ca vīryavān ||

अजमीढस्य केशिन्यां जज्ञे जह्नुः प्रतापवान । जह्नोरभूदजकाश्वो बलाकाश्वस्तदात्मजः ।।

ajamīḍhasya keśinyāṃ jajñe jahnuḥ pratāpavān | jahnorabhūdajakāśvo balākāśvastadātmajaḥ ||

वलाकाश्वस्य कुशिकः कुशिकात गाधिरिन्द्रकः । गाधेः सत्यवती कन्या विश्वामित्रः सूतोत्तमः ।।

valākāśvasya kuśikaḥ kuśikāt gādhirindrakaḥ | gādheḥ satyavatī kanyā viśvāmitraḥ sūtottamaḥ ||

देवरातः कतिमुखा विश्वामित्रस्य ते सुताः । शुनःशेफो ऽष्टकश्चान्यो ह्य अजमीढात सुतो ऽभवत ।।

devarātaḥ katimukhā viśvāmitrasya te sutāḥ | śunaḥśepho 'ṣṭakaścānyo hy ajamīḍhāt suto 'bhavat ||

नीलिन्यां शान्तिरपरः पुरुजातिः सुशान्तितः । पुरुजातेस्तु वाह्याश्वो वाह्याश्च्वात पञ्च पार्थिवाः ।।

nīlinyāṃ śāntiraparaḥ purujātiḥ suśāntitaḥ | purujātestu vāhyāśvo vāhyāścvāt pañca pārthivāḥ ||

मुकुलः सृञ्जयश चैव राजा वृहदिषुस तथा । यवीनरश च कृमिलः पाञ्चाला इति विश्रुताः ।।

mukulaḥ sṛñjayaś caiva rājā vṛhadiṣus tathā | yavīnaraś ca kṛmilaḥ pāñcālā iti viśrutāḥ ||

मुकुलस्य तु मौकुल्याः क्षेत्रोपेता द्विजातयः । चञ्चाश्वो मुकुलाज्जज्ञे चञ्चाश्वान्मिथुनं ह्य अभुत ।।

mukulasya tu maukulyāḥ kṣetropetā dvijātayaḥ | cañcāśvo mukulājjajñe cañcāśvānmithunaṃ hy abhut ||

दिवोदासो ह्य अहल्या च अहल्यायां शरद्वतात । शतानन्दः शतानन्दात सत्यधृन्मिथुनन्ततः ।।

divodāso hy ahalyā ca ahalyāyāṃ śaradvatāt | śatānandaḥ śatānandāt satyadhṛnmithunantataḥ ||

कृपः कृपी किवोदासान्मैत्रेयः सोमपस्ततः । सृञ्जयात पञ्चधनुषः सोमदत्तश च तत्सुतः ।।

kṛpaḥ kṛpī kivodāsānmaitreyaḥ somapastataḥ | sṛñjayāt pañcadhanuṣaḥ somadattaś ca tatsutaḥ ||

सहदेवः सोमदत्तात सहदेवात्तु सोमकः । आसीच्च सोमकाज्जन्तुर्जन्तोश च पृषतः सुतः ।।

sahadevaḥ somadattāt sahadevāttu somakaḥ | āsīcca somakājjanturjantoś ca pṛṣataḥ sutaḥ ||

पृषताद्द्रुपदस्तस्माद्धृष्टद्युम्नो ऽथ तत्सुतः । धृष्ठकेतुश च धूमिन्यामृक्षो ऽभूदजमीढतः ।।

pṛṣatāddrupadastasmāddhṛṣṭadyumno 'tha tatsutaḥ | dhṛṣṭhaketuś ca dhūminyāmṛkṣo 'bhūdajamīḍhataḥ ||

ऋक्षात्सम्वरणो जज्ञे कुरुः सम्वरणात्ततः । यः प्रयागादपाक्रम्य कुरुक्षेत्रञ्चकार ह ।।

ṛkṣātsamvaraṇo jajñe kuruḥ samvaraṇāttataḥ | yaḥ prayāgādapākramya kurukṣetrañcakāra ha ||

कुरोः सुधन्वा सुधनुः परिक्षिच्चारिमेजयः । सुधन्वनः सुहोत्रो ऽभूत सुहोत्राच्च्यवनो ह्य अभूत ।।

kuroḥ sudhanvā sudhanuḥ parikṣiccārimejayaḥ | sudhanvanaḥ suhotro 'bhūt suhotrāccyavano hy abhūt ||

वशिष्ठपरिचाराभ्यां सप्तासन गिरिकासुताः । वृहद्रथः कुशो वीरो यदुः प्रत्यग्रहो बलः ।।

vaśiṣṭhaparicārābhyāṃ saptāsan girikāsutāḥ | vṛhadrathaḥ kuśo vīro yaduḥ pratyagraho balaḥ ||

मत्स्यकाली कुशाग्रो ऽतो ह्य आसीद्राज्ञो वृहद्रथात । कुशाग्राद्वृषभो जज्ञे तस्य सत्यहितः सुतः ।।

matsyakālī kuśāgro 'to hy āsīdrājño vṛhadrathāt | kuśāgrādvṛṣabho jajñe tasya satyahitaḥ sutaḥ ||

सुधन्वा तत्सुतश्चोर्ज ऊर्जादासीच्च सम्भवः । सम्भवाच्च जरासन्धः सहदेवश च तत्सुतः ।।

sudhanvā tatsutaścorja ūrjādāsīcca sambhavaḥ | sambhavācca jarāsandhaḥ sahadevaś ca tatsutaḥ ||

सहदेवादुदापिश च उदापेः श्रुतकर्मकः । परिक्षितस्य दायादो धार्मिको जनमेजयः ।।

sahadevādudāpiś ca udāpeḥ śrutakarmakaḥ | parikṣitasya dāyādo dhārmiko janamejayaḥ ||

जनमेजयात्त्रसदस्युर्जह्नोस्तु सुरथः सुतः । श्रुतसेनोग्रसेनौ च भीमसेनश च नामतः ।।

janamejayāttrasadasyurjahnostu surathaḥ sutaḥ | śrutasenograsenau ca bhīmasenaś ca nāmataḥ ||

जनमेजयस्य पुत्रौ तु सुरथो महिमांस तथा । सुरथाद्विदूरथो ऽभूदृक्ष आसीद्विदूरथात ।।

janamejayasya putrau tu suratho mahimāṃs tathā | surathādvidūratho 'bhūdṛkṣa āsīdvidūrathāt ||

ऋक्षस्य तु द्वितीयस्य भीमसेनो ऽभवत्सुतः । प्रतीपो भीमसेनात्तु प्रतीपस्य तु शान्तनुः ।।

ṛkṣasya tu dvitīyasya bhīmaseno 'bhavatsutaḥ | pratīpo bhīmasenāttu pratīpasya tu śāntanuḥ ||

देवापिर्वाह्लिकश चैव सोमदत्तस्तु शान्तनोः । वाह्लिकात्सोमदत्तो ऽभुद्भूरिर्भूरिस्रवाः शलः ।।

devāpirvāhlikaś caiva somadattastu śāntanoḥ | vāhlikātsomadatto 'bhudbhūrirbhūrisravāḥ śalaḥ ||

गङ्गायां शान्तनोर्भीष्मः काल्यायां विचित्रवीर्यकः । कृष्णद्वैपायनश चैव क्षेत्रे वैचित्रवीर्यके ।।

gaṅgāyāṃ śāntanorbhīṣmaḥ kālyāyāṃ vicitravīryakaḥ | kṛṣṇadvaipāyanaś caiva kṣetre vaicitravīryake ||

धृतरष्ट्रञ्च पाण्डुञ्च विदुरञ्चाप्यजीजनत । पाण्डोर्युधिष्ठिरः कुन्त्यां भीमश चैवार्जुनस्त्रयः ।।

dhṛtaraṣṭrañca pāṇḍuñca vidurañcāpyajījanat | pāṇḍoryudhiṣṭhiraḥ kuntyāṃ bhīmaś caivārjunastrayaḥ ||

नकुलः सहदेवश च पाण्डोर्माद्य्राञ्च दैवतः । अर्जुनस्य च सौभद्रः परिक्षिदभिमन्युतः ।।

nakulaḥ sahadevaś ca pāṇḍormādyrāñca daivataḥ | arjunasya ca saubhadraḥ parikṣidabhimanyutaḥ ||

द्रौपदी पाण्डवानाञ्च प्रिया तस्यां युधिष्ठिरात । प्रतिविन्ध्यो भीमसेनाच्छ्रुतकीर्तिर्धनञ्जयात ।।

draupadī pāṇḍavānāñca priyā tasyāṃ yudhiṣṭhirāt | prativindhyo bhīmasenācchrutakīrtirdhanañjayāt ||

सहदेवाच्छ्रुतकर्मा शतानीकस्तु नाकुलिः । भीमसेनाद्धिडिम्बायामन्य आसीद घटीत्कचः ।।

sahadevācchrutakarmā śatānīkastu nākuliḥ | bhīmasenāddhiḍimbāyāmanya āsīd ghaṭītkacaḥ ||

एते भूता भविष्याश च नृपाः संख्या न विद्यते । गताः कालेन कालो हि हरिस्तं पूजयेद्द्विज । होममग्नौसमुद्दिश्य कुरु सर्वप्रदं यतः ।।

ete bhūtā bhaviṣyāś ca nṛpāḥ saṃkhyā na vidyate | gatāḥ kālena kālo hi haristaṃ pūjayeddvija | homamagnausamuddiśya kuru sarvapradaṃ yataḥ ||