सूर्यवंशं सोमवंशं रज्ञां वंशं वदमि ते । हरेर्ब्रह्मा पद्मगो ऽभून्मरीचिर्ब्रह्मणः सुतः ।।

sūryavaṃśaṃ somavaṃśaṃ rajñāṃ vaṃśaṃ vadami te | harerbrahmā padmago 'bhūnmarīcirbrahmaṇaḥ sutaḥ ||

मरीचेः कश्यपस्तस्माद्विवस्वांस्तस्य पत्न्यपि । संज्ञा राज्ञी प्रभा तिस्रो राज्ञी रैवतपुत्रिका ।।

marīceḥ kaśyapastasmādvivasvāṃstasya patnyapi | saṃjñā rājñī prabhā tisro rājñī raivataputrikā ||

रेवन्तं सुषुवे पुत्रं प्रभातञ्च प्रभा रवेः । त्वाष्ट्री संज्ञा मनुं पुत्रं यमलौ यमुनां यमम ।।

revantaṃ suṣuve putraṃ prabhātañca prabhā raveḥ | tvāṣṭrī saṃjñā manuṃ putraṃ yamalau yamunāṃ yamam ||

छाया संज्ञा च सावर्णिं मनुं वैवस्वतं सुतम । शनिञ्च तपतीं विष्टिं संज्ञायाञ्चाश्विनौ पुनः ।।

chāyā saṃjñā ca sāvarṇiṃ manuṃ vaivasvataṃ sutam | śaniñca tapatīṃ viṣṭiṃ saṃjñāyāñcāśvinau punaḥ ||

मनोर्वैवस्वतस्यासन पुत्रा वै न च तत्समाः । इक्ष्वाकुश चैव नाभागो धृष्टःशर्यातिरेव च ।।

manorvaivasvatasyāsan putrā vai na ca tatsamāḥ | ikṣvākuś caiva nābhāgo dhṛṣṭaḥśaryātireva ca ||

नरिष्यन्तस तथा प्रांशुर्नाभागादिष्टसत्तमाः । करुषश च पृषध्रश च अयोध्यायां महाबलाः ।।

nariṣyantas tathā prāṃśurnābhāgādiṣṭasattamāḥ | karuṣaś ca pṛṣadhraś ca ayodhyāyāṃ mahābalāḥ ||

कन्येला च मनोरासीद्बुधात्तस्यां पुरूरवाः । पुरूरवसमुच्पाद्य सेला सुद्युम्नताङ्गता ।।

kanyelā ca manorāsīdbudhāttasyāṃ purūravāḥ | purūravasamucpādya selā sudyumnatāṅgatā ||

सुद्युम्नादुत्कलगयौ विनताश्वस्त्रयो नृपाः । उत्कलस्योत्कलं राष्ट्रं विनताश्वस्य पश्चिमा ।।

sudyumnādutkalagayau vinatāśvastrayo nṛpāḥ | utkalasyotkalaṃ rāṣṭraṃ vinatāśvasya paścimā ||

दिक सर्वा राजवर्यस्य गयस्य तु गयापुरी । वशिष्ठवाक्यात सुद्युम्नः प्रतिष्ठानमवाप ह ।।

dik sarvā rājavaryasya gayasya tu gayāpurī | vaśiṣṭhavākyāt sudyumnaḥ pratiṣṭhānamavāpa ha ||

तत पुरूरवसे प्रादात्सुद्युम्नो राज्यमाप्य तु । नरिष्यतः शकाः पुत्रा नाभागस्य च वैष्णवः ।।

tat purūravase prādātsudyumno rājyamāpya tu | nariṣyataḥ śakāḥ putrā nābhāgasya ca vaiṣṇavaḥ ||

अम्बरीषः प्रजापालो धार्ष्टकं धृष्टतः कुलम । सुकल्पानर्तौ शर्यार्तेर्वैरोह्यानर्ततो नृपः ।।

ambarīṣaḥ prajāpālo dhārṣṭakaṃ dhṛṣṭataḥ kulam | sukalpānartau śaryārtervairohyānartato nṛpaḥ ||

आनर्तविषयश्चासीत पुरी चासीत कुशस्थली । रेवस्य रैवतः पुत्रः ककुद्मी नाम धार्मिकः ।।

ānartaviṣayaścāsīt purī cāsīt kuśasthalī | revasya raivataḥ putraḥ kakudmī nāma dhārmikaḥ ||

ज्येष्ठः पुत्रशतस्यासीद्राज्यं प्राप्य कुशस्थलीम । स कन्यासहितः श्रुत्वा गान्धर्वं ब्रह्मणो ऽन्तिके ।।

jyeṣṭhaḥ putraśatasyāsīdrājyaṃ prāpya kuśasthalīm | sa kanyāsahitaḥ śrutvā gāndharvaṃ brahmaṇo 'ntike ||

मुहूर्तभूतं देवस्य मर्त्ये बहुयुगं गतम । आजगाम जवेनाथ स्वां पुरीं यादवैर वृताम ।।

muhūrtabhūtaṃ devasya martye bahuyugaṃ gatam | ājagāma javenātha svāṃ purīṃ yādavair vṛtām ||

कृतां द्वारवतीं नाम बहुद्वारां मनोरमाम । भोजवृष्ण्यन्धकैर गुप्तां(?) वासुदेवपुरोगमैः ।।

kṛtāṃ dvāravatīṃ nāma bahudvārāṃ manoramām | bhojavṛṣṇyandhakair guptāṃ(?) vāsudevapurogamaiḥ ||

रेवतीं बलदेवाय ददौ ज्ञात्वा ह्य अनिन्दिताम । तपः सुमेरुशिखरे तप्त्वा विष्ण्वालयं गतः ।।

revatīṃ baladevāya dadau jñātvā hy aninditām | tapaḥ sumeruśikhare taptvā viṣṇvālayaṃ gataḥ ||

नाभागस्य च पुत्रौ द्वौ वैश्यौ ब्राह्मणतां गतौ । करूषस्य तु कारूषाः क्षत्रिया युद्धदुर्मदाः ।।

nābhāgasya ca putrau dvau vaiśyau brāhmaṇatāṃ gatau | karūṣasya tu kārūṣāḥ kṣatriyā yuddhadurmadāḥ ||

शूद्रत्वञ्च पृषध्रो ऽगाद्धिंसयित्वा गुरोश च गाम । मनुपुत्रादथेक्षाकोर्विकुक्षिर्देवराडभूत ।।

śūdratvañca pṛṣadhro 'gāddhiṃsayitvā guroś ca gām | manuputrādathekṣākorvikukṣirdevarāḍabhūt ||

विकुक्षेस्तु ककुत्स्थो ऽभूत्तस्य पुत्रः सुयोधनः । तस्य पुत्रः पृथुर नाम विश्वगश्वः पृथोः सुतः ।।

vikukṣestu kakutstho 'bhūttasya putraḥ suyodhanaḥ | tasya putraḥ pṛthur nāma viśvagaśvaḥ pṛthoḥ sutaḥ ||

आयुस्तस्य च पुत्रो ऽभूद्युवनाश्वस तथा सुतः । युवनाश्वाच्च श्रावन्तः पूर्वे श्रावन्तिका पुरी ।।

āyustasya ca putro 'bhūdyuvanāśvas tathā sutaḥ | yuvanāśvācca śrāvantaḥ pūrve śrāvantikā purī ||

श्रावन्ताद वृहदश्वो ऽभूत कुबलाश्वस्ततो नृपः । धुन्धुमारत्वमगमद्धुन्धोर नाम्ना च वै पुरा ।।

śrāvantād vṛhadaśvo 'bhūt kubalāśvastato nṛpaḥ | dhundhumāratvamagamaddhundhor nāmnā ca vai purā ||

धुन्धुमारास्त्रयो भूपा दृढाश्वो दण्ड एव च । कपिलो ऽथ दृढाश्वात्तु हर्यश्वश च प्रमोदकः ।।

dhundhumārāstrayo bhūpā dṛḍhāśvo daṇḍa eva ca | kapilo 'tha dṛḍhāśvāttu haryaśvaś ca pramodakaḥ ||

हर्यश्वाच्च निकुम्भो ऽभूत संहताश्वो निकुम्भतः । अकृशाश्वो रणाश्वश च संहताश्वसुतावुभौ ।।

haryaśvācca nikumbho 'bhūt saṃhatāśvo nikumbhataḥ | akṛśāśvo raṇāśvaś ca saṃhatāśvasutāvubhau ||

युवनाश्वो रणाश्वस्य मान्धाता युवनाश्वतः । मान्धातुः पुरुकुत्सो ऽभून्मुचुकुन्दो द्वितीयकः ।।

yuvanāśvo raṇāśvasya māndhātā yuvanāśvataḥ | māndhātuḥ purukutso 'bhūnmucukundo dvitīyakaḥ ||

पुरुकुत्सादसस्युश च सम्भूतो नर्मदाभवः । सम्भूतस्य सुधन्वाभूत्त्रिधन्वाथ सुधन्वनः ।।

purukutsādasasyuś ca sambhūto narmadābhavaḥ | sambhūtasya sudhanvābhūttridhanvātha sudhanvanaḥ ||

त्रिधन्वनस्तु तरुणस्तस्य सत्यव्रतः सुतः । सत्यव्रतात्सत्यरथो हरिश चन्द्रश च तत्सुतः ।।

tridhanvanastu taruṇastasya satyavrataḥ sutaḥ | satyavratātsatyaratho hariś candraś ca tatsutaḥ ||

हरिश चन्द्राद्रोहिताश्वो रोहिताश्वाद्वृको ऽभवत । वृकाद्वाहुश च वाहोश च सगरस्तस्य च प्रिया ।।

hariś candrādrohitāśvo rohitāśvādvṛko 'bhavat | vṛkādvāhuś ca vāhoś ca sagarastasya ca priyā ||

प्रभा षष्टिसहस्राणां सुतानां जननी ह्य अभूत । तुष्टादौर्वान्नृपादेकं भानुमत्यसमञ्जसम ।।

prabhā ṣaṣṭisahasrāṇāṃ sutānāṃ jananī hy abhūt | tuṣṭādaurvānnṛpādekaṃ bhānumatyasamañjasam ||

खनन्तः पृथिवीं दग्धा विष्णुना बहुसागराः । असमञ्जसो ऽंश्रुमांश च दिलीपो ऽंशुमतो ऽभवत ।।

khanantaḥ pṛthivīṃ dagdhā viṣṇunā bahusāgarāḥ | asamañjaso 'ṃśrumāṃś ca dilīpo 'ṃśumato 'bhavat ||

भगीरथो दिलीपात्तु येन गङ्गावतारिता । भगीरथात्तु नाभागो नाभागादम्बरीषकः ।।

bhagīratho dilīpāttu yena gaṅgāvatāritā | bhagīrathāttu nābhāgo nābhāgādambarīṣakaḥ ||

सिन्धुद्वीपो ऽम्बरीषात्तु श्रुतायुस्तत्सुतः स्मृतः । श्रुतायोरृतपर्णो ऽभूत्तस्य कल्माषपादकः ।।

sindhudvīpo 'mbarīṣāttu śrutāyustatsutaḥ smṛtaḥ | śrutāyorṛtaparṇo 'bhūttasya kalmāṣapādakaḥ ||

कल्माषाङ्घ्रेः सर्वकर्मा ह्य अनरण्यस्ततो ऽभवत । अनरण्यात्तु निघ्नो ऽथ अनमित्रस्ततो रघुः ।।

kalmāṣāṅghreḥ sarvakarmā hy anaraṇyastato 'bhavat | anaraṇyāttu nighno 'tha anamitrastato raghuḥ ||

रघोरभुद्दिलीपस्तु दिलीपाच्चाप्यजो नृपः । दीर्घवाहुरजात कालस्त्वजापालस्ततो ऽभवत ।।

raghorabhuddilīpastu dilīpāccāpyajo nṛpaḥ | dīrghavāhurajāt kālastvajāpālastato 'bhavat ||

तथ दशरथो जातस्तस्य पुत्रचतुष्टयम । नारायणात्मकाः सर्वे रामस्तस्याग्रजो ऽभवत ।।

tatha daśaratho jātastasya putracatuṣṭayam | nārāyaṇātmakāḥ sarve rāmastasyāgrajo 'bhavat ||

रावणान्तकरो राजा ह्य अयोध्यायां रघूत्तमः । वाल्मीकिर्यस्य चरितं चक्रे तन्नारदश्रवात ।।

rāvaṇāntakaro rājā hy ayodhyāyāṃ raghūttamaḥ | vālmīkiryasya caritaṃ cakre tannāradaśravāt ||

रामपुत्रौ कुशलवौ सीतायां कुलवर्धनौ । अतिथिश च कुशाज्जज्ञे निषधस्तस्य चात्मजः ।।

rāmaputrau kuśalavau sītāyāṃ kulavardhanau | atithiś ca kuśājjajñe niṣadhastasya cātmajaḥ ||

निषधात्तु नलो जज्ञे नभो ऽजायत वै नलात । नभसः पुण्डरीको ऽभूत सुधन्वा च ततो ऽभवत ।।

niṣadhāttu nalo jajñe nabho 'jāyata vai nalāt | nabhasaḥ puṇḍarīko 'bhūt sudhanvā ca tato 'bhavat ||

सुधन्वनो देवानीको ह्य अहीनाश्वश च तत्सुतः । अहीनाश्वात सहस्राश्वश चन्द्रालोकस्ततो ऽभवत ।।

sudhanvano devānīko hy ahīnāśvaś ca tatsutaḥ | ahīnāśvāt sahasrāśvaś candrālokastato 'bhavat ||

चन्द्रावलोकतस्तारापीडो ऽस्माच्चन्द्रपर्वतः । चन्द्रगिरेर्भानुरथः श्रुतायुस्तस्य चात्मजः । इक्ष्वाकुवंशप्रभवाः सूर्यवंशधराः स्मृताः ।।

candrāvalokatastārāpīḍo 'smāccandraparvataḥ | candragirerbhānurathaḥ śrutāyustasya cātmajaḥ | ikṣvākuvaṃśaprabhavāḥ sūryavaṃśadharāḥ smṛtāḥ ||