स्नानं माहेश्वरं वक्ष्ये राजादेर्जयवर्धनम । दानवेन्द्राय बलये यज्जगादोशनाः पुरा ।।

snānaṃ māheśvaraṃ vakṣye rājāderjayavardhanam | dānavendrāya balaye yajjagādośanāḥ purā ||

भास्करे ऽनुदिते पीठे प्रातः संस्नापयेद घटैः । एवं स्नतस्तु मन्त्रेण जुहुयात्तिलतण्डुलम ।।

bhāskare 'nudite pīṭhe prātaḥ saṃsnāpayed ghaṭaiḥ | evaṃ snatastu mantreṇa juhuyāttilataṇḍulam ||

पञ्चामृतैस्तु संस्नाप्य पूजयेच्छूलपाणिनं । स्नानान्यन्यानि वक्ष्यामि सर्वदा विजयाय ते ।।

pañcāmṛtaistu saṃsnāpya pūjayecchūlapāṇinaṃ | snānānyanyāni vakṣyāmi sarvadā vijayāya te ||

स्नानं घृतेन कथितमायुष्यवर्धनं परम । गोमयेन च लक्ष्मीः स्याद्गोमूत्रेणाघमर्दनम ।।

snānaṃ ghṛtena kathitamāyuṣyavardhanaṃ param | gomayena ca lakṣmīḥ syādgomūtreṇāghamardanam ||

क्षीरेण बलबुद्धिः स्याद्दध्ना लक्ष्मीविवर्धनं । कुशोदकेन पापान्तः पञ्चगव्येन सर्वभाक ।।

kṣīreṇa balabuddhiḥ syāddadhnā lakṣmīvivardhanaṃ | kuśodakena pāpāntaḥ pañcagavyena sarvabhāk ||

शतमूलेन सर्वाप्तिर्गोशृङ्गोदकतो ऽघजित । पलाशबिल्वकमलकुशस्नानन्तु सर्वदं ।।

śatamūlena sarvāptirgośṛṅgodakato 'ghajit | palāśabilvakamalakuśasnānantu sarvadaṃ ||

वचा हरिद्रे द्वे मुस्तं स्नानं रक्षोहणं परं । आयुष्यञ्च यशस्यञ्च धर्ममेधाविवर्धनम ।।

vacā haridre dve mustaṃ snānaṃ rakṣohaṇaṃ paraṃ | āyuṣyañca yaśasyañca dharmamedhāvivardhanam ||

हैमाद्भिश चैव माङ्गल्यं रूप्यताम्रोदकैस तथा । रत्नोदकैस्तु विजयः सौभाग्यं सर्वगन्धकैः ।।

haimādbhiś caiva māṅgalyaṃ rūpyatāmrodakais tathā | ratnodakaistu vijayaḥ saubhāgyaṃ sarvagandhakaiḥ ||

फलाद्भिश च तथारोग्यं धात्र्यद्भिः परमां श्रियम । तिलसिद्धार्थकैर लक्ष्मीः सौभाग्यञ्च प्रियङ्गुणा ।।

phalādbhiś ca tathārogyaṃ dhātryadbhiḥ paramāṃ śriyam | tilasiddhārthakair lakṣmīḥ saubhāgyañca priyaṅguṇā ||

पद्मोत्पलकदम्बैश च श्रीर्बलं बलाद्रुमोदकैः । विष्णुपादोदकस्नानं सर्वस्नानेभ्य उत्तमम ।।

padmotpalakadambaiś ca śrīrbalaṃ balādrumodakaiḥ | viṣṇupādodakasnānaṃ sarvasnānebhya uttamam ||

एकाकी एककामायेत्येकोर्कं विधिवच्चरेत । अक्रन्दयतिसूक्तेन प्रबध्नीयान्मणिं करे ।।

ekākī ekakāmāyetyekorkaṃ vidhivaccaret | akrandayatisūktena prabadhnīyānmaṇiṃ kare ||

कुष्ठपाठा वाचा शुण्ठी शङ्खलोहादिको मणिः । सर्वेषामेवकामानामीश्वरो भगवान हरिः ।।

kuṣṭhapāṭhā vācā śuṇṭhī śaṅkhalohādiko maṇiḥ | sarveṣāmevakāmānāmīśvaro bhagavān hariḥ ||

तस्य संपूजनादेव सर्वान्कामान्समश्नुते । स्नापयित्वा घृतक्षीरैः पूजयित्वा च पित्तहा ।।

tasya saṃpūjanādeva sarvānkāmānsamaśnute | snāpayitvā ghṛtakṣīraiḥ pūjayitvā ca pittahā ||

पञ्चमुद्गबलिन्दत्वा अतिसारात प्रमुच्यते । पञ्चगव्येन संस्नाप्य वातव्याधिं विनाशयेत ।।

pañcamudgabalindatvā atisārāt pramucyate | pañcagavyena saṃsnāpya vātavyādhiṃ vināśayet ||

द्विस्नेहस्नपनात श्लेष्मरोगहा चातिपूजया । घृतं तैलं तथा क्षौद्रं स्नानन्तु त्रिरसं परं ।।

dvisnehasnapanāt śleṣmarogahā cātipūjayā | ghṛtaṃ tailaṃ tathā kṣaudraṃ snānantu trirasaṃ paraṃ ||

स्नानं घृताम्बु द्विस्नेहं समलं घृततैलकम । क्षौद्रमिक्षुरसं क्षीरं स्नानं त्रिमधुरं स्मृतम ।।

snānaṃ ghṛtāmbu dvisnehaṃ samalaṃ ghṛtatailakam | kṣaudramikṣurasaṃ kṣīraṃ snānaṃ trimadhuraṃ smṛtam ||

घृतमिशुरसं तैलं क्षौद्रञ्च त्रिरसं श्रिये । अनुलेपस्त्रिशुक्रस्तु कर्पूरोशीरचन्दनैः ।।

ghṛtamiśurasaṃ tailaṃ kṣaudrañca trirasaṃ śriye | anulepastriśukrastu karpūrośīracandanaiḥ ||

चन्दनागुरुकर्पूरमृगदर्पैः सकुङ्कुमैः । पञ्चानुलेपनं विष्णोः सर्वकामफलप्रदं ।।

candanāgurukarpūramṛgadarpaiḥ sakuṅkumaiḥ | pañcānulepanaṃ viṣṇoḥ sarvakāmaphalapradaṃ ||

त्रिसुगन्धञ्च कर्पूरं तथा चन्दनकुङ्कुमैः । मृगदर्पं सकर्पूरं मलयं सर्वकामदम ।।

trisugandhañca karpūraṃ tathā candanakuṅkumaiḥ | mṛgadarpaṃ sakarpūraṃ malayaṃ sarvakāmadam ||

जातीफलं सकर्पूरं चन्दनञ्च त्रिशीतकम । पीतानि शुक्लवर्णानि तथा शुक्लानि भार्गव ।।

jātīphalaṃ sakarpūraṃ candanañca triśītakam | pītāni śuklavarṇāni tathā śuklāni bhārgava ||

कृष्णानि चैव रक्तानि पञ्चवर्णानि निर्दिशेत । उत्पलं पद्मजाती च त्रिशीतं हरिपूजने ।।

kṛṣṇāni caiva raktāni pañcavarṇāni nirdiśet | utpalaṃ padmajātī ca triśītaṃ haripūjane ||

कुङ्कुमं रक्तपद्मानि त्रिरक्तमुत्पलं । धूपदीपादिभिः प्रार्च्य विष्णुं शान्तिर्भवेन्नृणां ।।

kuṅkumaṃ raktapadmāni triraktamutpalaṃ | dhūpadīpādibhiḥ prārcya viṣṇuṃ śāntirbhavennṛṇāṃ ||

चतुरस्रकरे कुण्डे ब्राह्मणाश्चाष्ट शोडश । लक्षहोमङ्कोटिहोमन्तिलाज्ययवधान्यकैः ।।

caturasrakare kuṇḍe brāhmaṇāścāṣṭa śoḍaśa | lakṣahomaṅkoṭihomantilājyayavadhānyakaiḥ ||

//24 ।।

//24 ||