सर्वदानानि वक्ष्यामि महादानानि षोडश । तुलापुरुष आद्यन्तु हिरण्यगर्भदानकं ।।

sarvadānāni vakṣyāmi mahādānāni ṣoḍaśa | tulāpuruṣa ādyantu hiraṇyagarbhadānakaṃ ||

ब्रह्माण्डं कल्पवृक्षश च गोसहस्रञ्च पञ्चमं । हिरण्यकामधेनुश च हिरण्याश्वश च सप्तमं ।।

brahmāṇḍaṃ kalpavṛkṣaś ca gosahasrañca pañcamaṃ | hiraṇyakāmadhenuś ca hiraṇyāśvaś ca saptamaṃ ||

हिरण्याश्वरथस्तद्वद्धेमहस्तिरथस तथा । पञ्चलाङ्गलकन्तद्वद्धरादानं तथैव च ।।

hiraṇyāśvarathastadvaddhemahastirathas tathā | pañcalāṅgalakantadvaddharādānaṃ tathaiva ca ||

विश्वचक्रं कल्पलता सप्तसागरकं परं । रत्नधेनुर्महाभूतघटः शुभदिने ऽर्पयेत ।।

viśvacakraṃ kalpalatā saptasāgarakaṃ paraṃ | ratnadhenurmahābhūtaghaṭaḥ śubhadine 'rpayet ||

मण्डपे मण्डले दानं देवान प्रार्च्यार्पयेद्द्विजे । मेरुदानानि पुण्यानि मेरवो दश तान शृणु ।।

maṇḍape maṇḍale dānaṃ devān prārcyārpayeddvije | merudānāni puṇyāni meravo daśa tān śṛṇu ||

धान्यद्रोणसहस्रेण उत्तमो ऽर्धार्धतः परौ । उत्तमः षोडशद्रोणः कर्तव्यो लवणाचलः ।।

dhānyadroṇasahasreṇa uttamo 'rdhārdhataḥ parau | uttamaḥ ṣoḍaśadroṇaḥ kartavyo lavaṇācalaḥ ||

दशभारैर गुडाद्रिः स्यादुत्तमो ऽर्धार्धतः परौ । उत्तमः पलसाहस्रैः स्वर्णमेरुस तथा परौ ।।

daśabhārair guḍādriḥ syāduttamo 'rdhārdhataḥ parau | uttamaḥ palasāhasraiḥ svarṇamerus tathā parau ||

दशद्रोणैस्तिलाद्रिः स्यात पञ्चभिश च त्रिभिः क्रमात । कार्पासपर्वतो विंशभारैश च दशपञ्चभिः ।।

daśadroṇaistilādriḥ syāt pañcabhiś ca tribhiḥ kramāt | kārpāsaparvato viṃśabhāraiś ca daśapañcabhiḥ ||

विंशत्या घृहकुम्भानामुत्तमः स्याद घृताचलः । दशभिः पलसाहस्रैर उत्तमो रजताचलः ।।

viṃśatyā ghṛhakumbhānāmuttamaḥ syād ghṛtācalaḥ | daśabhiḥ palasāhasrair uttamo rajatācalaḥ ||

अष्टभारैः शर्कराद्रिर्मध्योमन्दो ऽर्धतो ऽर्धतः । दश धेनूः प्रवक्ष्यामि या दत्त्वा भुक्तिमुक्तिभाक ।।

aṣṭabhāraiḥ śarkarādrirmadhyomando 'rdhato 'rdhataḥ | daśa dhenūḥ pravakṣyāmi yā dattvā bhuktimuktibhāk ||

प्रथमा गुडधेनुः स्याद घृतधेनुस तथापरा । तिलधेनुस्तृतोया च चतुर्थी जलधेनुका ।।

prathamā guḍadhenuḥ syād ghṛtadhenus tathāparā | tiladhenustṛtoyā ca caturthī jaladhenukā ||

क्षीरधेनुर्मधुधेनुः शर्करादधिधेनुके । रसधेनुः स्वरूपेण दशमी विधिरुच्यते ।।

kṣīradhenurmadhudhenuḥ śarkarādadhidhenuke | rasadhenuḥ svarūpeṇa daśamī vidhirucyate ||

कुम्भाः स्युर्द्रवधेनूनामितरासान्तु राशयः । कृष्णाजिनञ्चतुर्हस्तं प्राग्ग्रीवं विन्यसेद्भुवि ।।

kumbhāḥ syurdravadhenūnāmitarāsāntu rāśayaḥ | kṛṣṇājinañcaturhastaṃ prāggrīvaṃ vinyasedbhuvi ||

गोमयेनानुलिप्तायां दर्भानास्तीर्य सर्वतः । लघ्वैणकाजिनं तद्वद्वत्सस्य परिकल्पयेत ।।

gomayenānuliptāyāṃ darbhānāstīrya sarvataḥ | laghvaiṇakājinaṃ tadvadvatsasya parikalpayet ||

प्राङ्मुखीं कल्पयेद्धेनुमुदक्पादां सवत्सकां । उत्तमा गुडधेनुः स्यात सदा भारचतुष्टयात ।।

prāṅmukhīṃ kalpayeddhenumudakpādāṃ savatsakāṃ | uttamā guḍadhenuḥ syāt sadā bhāracatuṣṭayāt ||

वत्सं भारेण कुर्वीत भाराभ्यां मध्यमा स्मृता । अर्धभारेण वत्सः स्यात कनिष्ठा भारकेण तु ।।

vatsaṃ bhāreṇa kurvīta bhārābhyāṃ madhyamā smṛtā | ardhabhāreṇa vatsaḥ syāt kaniṣṭhā bhārakeṇa tu ||

चतुर्थांशेन वत्सः स्याद गुडवित्तानुसारतः । पञ्च कृष्णलका माषस्ते सुवर्नस्तु षोडश ।।

caturthāṃśena vatsaḥ syād guḍavittānusārataḥ | pañca kṛṣṇalakā māṣaste suvarnastu ṣoḍaśa ||

पलं सुवर्णाश चत्वारस्तुला पलशतं स्मृतं । स्याद्भारो विंशतितुला द्रोणस्तु चतुराढकः ।।

palaṃ suvarṇāś catvārastulā palaśataṃ smṛtaṃ | syādbhāro viṃśatitulā droṇastu caturāḍhakaḥ ||

धेनुवत्सौ गुडस्योभौ सितसूक्ष्माम्बरावृतौ । शुक्तिकर्णाविक्षुपादौ शुचिमुक्ताफलेक्षणौ ।।

dhenuvatsau guḍasyobhau sitasūkṣmāmbarāvṛtau | śuktikarṇāvikṣupādau śucimuktāphalekṣaṇau ||

सितसूत्रशिरालौ च सितकम्बलकम्वलौ । ताम्रगड्डुकपृष्ठौ तौ सितचामररोमकौ ।।

sitasūtraśirālau ca sitakambalakamvalau | tāmragaḍḍukapṛṣṭhau tau sitacāmararomakau ||

विद्रुमभ्रूयुगावेतौ नवनीतस्तनान्वितौ । क्षौमपुच्छौ कांस्यदोहाविन्द्रनीलकतारकौ ।।

vidrumabhrūyugāvetau navanītastanānvitau | kṣaumapucchau kāṃsyadohāvindranīlakatārakau ||

सुवर्णशृङ्गाभरणौ रजतक्षुरसंयुतौ । नानाफलमया दन्ता गन्धघ्राणप्रकल्पितौ ।।

suvarṇaśṛṅgābharaṇau rajatakṣurasaṃyutau | nānāphalamayā dantā gandhaghrāṇaprakalpitau ||

रचयित्वा यजेद्धेनुमिमैर मन्त्रैर द्विजोत्तम । या लक्ष्मीः सर्वभूतानां या च देवेष्ववस्थिता ।।

racayitvā yajeddhenumimair mantrair dvijottama | yā lakṣmīḥ sarvabhūtānāṃ yā ca deveṣvavasthitā ||

धेनुरूपेण सा देवी मम शान्तिं प्रयच्छतु । देहस्था या च रुद्राणी शङ्करस्य सदा प्रिया ।।

dhenurūpeṇa sā devī mama śāntiṃ prayacchatu | dehasthā yā ca rudrāṇī śaṅkarasya sadā priyā ||

धेनुरूपेण सा देवी मम पापं व्यपोहतु । विष्णुवक्षसि या लक्ष्मीः स्वाहा या च विभावसोः ।।

dhenurūpeṇa sā devī mama pāpaṃ vyapohatu | viṣṇuvakṣasi yā lakṣmīḥ svāhā yā ca vibhāvasoḥ ||

चन्द्रार्कऋक्षशक्तिर्या धेनुरूपास्तु सा श्रिये । चतुर्मुखस्य या लक्ष्मीर्या लक्ष्मीर्धनदस्य च ।।

candrārkaṛkṣaśaktiryā dhenurūpāstu sā śriye | caturmukhasya yā lakṣmīryā lakṣmīrdhanadasya ca ||

लक्ष्मीर्या लोकपालानां स धेनुर्वरदास्तु मे । स्वधा त्वं पितृमुख्यानां स्वाहा यज्ञभुजां यतः ।।

lakṣmīryā lokapālānāṃ sa dhenurvaradāstu me | svadhā tvaṃ pitṛmukhyānāṃ svāhā yajñabhujāṃ yataḥ ||

सर्वपापहरा धेनुस्तस्माच्छान्तिं प्रयच्छ मे । एवमामन्त्रितां धेनुं ब्राह्मणाय निवेदयेत ।।

sarvapāpaharā dhenustasmācchāntiṃ prayaccha me | evamāmantritāṃ dhenuṃ brāhmaṇāya nivedayet ||

समानं सर्वधेनूनां विधानं चैतदेव हि । सर्वयज्ञफलं प्राप्य निर्मलो भुक्तिमुक्तिभाक ।।

samānaṃ sarvadhenūnāṃ vidhānaṃ caitadeva hi | sarvayajñaphalaṃ prāpya nirmalo bhuktimuktibhāk ||

स्वर्णशृङ्गो शफै रौप्यैः सुशीला वस्त्रसंयुता । कांस्योपदोहा दातव्या क्षोरिणौ गौः सदक्षिणा ।।

svarṇaśṛṅgo śaphai raupyaiḥ suśīlā vastrasaṃyutā | kāṃsyopadohā dātavyā kṣoriṇau gauḥ sadakṣiṇā ||

दातास्याः स्वर्गमाप्नोति वत्सरान सोमसम्मितान । कपिला चेत्तारयति भूयश्चासप्तमं कुलं ।।

dātāsyāḥ svargamāpnoti vatsarān somasammitān | kapilā cettārayati bhūyaścāsaptamaṃ kulaṃ ||

स्वर्णशृङ्गीं रौप्यखुरां कांस्यदोहनकान्वितां । शक्तितो दक्षिणायुक्तां दत्त्वा स्याद्भुक्तिमुक्तिभाक ।।

svarṇaśṛṅgīṃ raupyakhurāṃ kāṃsyadohanakānvitāṃ | śaktito dakṣiṇāyuktāṃ dattvā syādbhuktimuktibhāk ||

सवत्सरोमतुल्यानि युगान्युभयतोमुखीं । दत्त्वा स्वर्गमवाप्नोति पूर्वेण विधिना ददेत ।।

savatsaromatulyāni yugānyubhayatomukhīṃ | dattvā svargamavāpnoti pūrveṇa vidhinā dadet ||

आसन्नमृत्युना देया सवत्सा गौस्तु पूर्ववत । यमद्वारे महावीरे तप्ता वैतरणी नदी ।।

āsannamṛtyunā deyā savatsā gaustu pūrvavat | yamadvāre mahāvīre taptā vaitaraṇī nadī ||

तान्तर्तुञ्च ददाम्येनां कृष्णां वैतरणीञ्च गां ।।

tāntartuñca dadāmyenāṃ kṛṣṇāṃ vaitaraṇīñca gāṃ ||