नक्षत्रव्रतकं वक्ष्ये भे हरिः पूजितो ऽर्थदः । नक्षत्रपुरुषं चादौ चैत्रमासे हरिं यजेत ।।

nakṣatravratakaṃ vakṣye bhe hariḥ pūjito 'rthadaḥ | nakṣatrapuruṣaṃ cādau caitramāse hariṃ yajet ||

मूले पादौ यजेज्जङ्घे रोहिणीस्वर्चयेद्धरिं । जानुनी चाश्विनीयोगे आषाढासूरुसञ्ज्ञके ।।

mūle pādau yajejjaṅghe rohiṇīsvarcayeddhariṃ | jānunī cāśvinīyoge āṣāḍhāsūrusañjñake ||

मेढ्रं पूर्वोत्तरास्वेव कटिं वै कृत्तिकासु च । पार्श्वे भाद्रपदाभ्यान्तु कुक्षिं वै रेवतीषु च ।।

meḍhraṃ pūrvottarāsveva kaṭiṃ vai kṛttikāsu ca | pārśve bhādrapadābhyāntu kukṣiṃ vai revatīṣu ca ||

स्तनौ चैवानुराधासु धनिष्ठासु च पृष्ठकं । भुजौ पूज्यौ विशाखासु पुनर्वस्वङ्गुलीर्यजेत ।।

stanau caivānurādhāsu dhaniṣṭhāsu ca pṛṣṭhakaṃ | bhujau pūjyau viśākhāsu punarvasvaṅgulīryajet ||

अश्लेषासु नखान पूज्य कण्ठं ज्येष्ठासु पूजयेत । श्रोत्रे विष्णोश च श्रवणे मुखं पुष्ये हरेर्यजेत ।।

aśleṣāsu nakhān pūjya kaṇṭhaṃ jyeṣṭhāsu pūjayet | śrotre viṣṇoś ca śravaṇe mukhaṃ puṣye hareryajet ||

यजेत स्वातिषु दन्ताग्रमास्यं वारुणतो ऽर्चयेत । मघासु नसां नयने मृगशीर्षे ललाटकं ।।

yajet svātiṣu dantāgramāsyaṃ vāruṇato 'rcayet | maghāsu nasāṃ nayane mṛgaśīrṣe lalāṭakaṃ ||

चित्रासु चार्द्रासु कचानब्दान्ते स्वर्णकं हरिं । गुडपूर्णे घटे ऽभ्यर्च्य शय्यागोर्थादि दक्षिणा ।।

citrāsu cārdrāsu kacānabdānte svarṇakaṃ hariṃ | guḍapūrṇe ghaṭe 'bhyarcya śayyāgorthādi dakṣiṇā ||

नक्षत्रपुरुषो विष्णुः पूजनीयः शिवात्मकः । शाम्भवायनीयव्रतकृन्मासभे पूजयेद्धरिं ।।

nakṣatrapuruṣo viṣṇuḥ pūjanīyaḥ śivātmakaḥ | śāmbhavāyanīyavratakṛnmāsabhe pūjayeddhariṃ ||

कार्त्तिके कृत्तिकायां च मृगशीर्षे मृगास्यके । नामभिः केशवाद्यैस्तु अच्युताय नमो ऽपि वा ।।

kārttike kṛttikāyāṃ ca mṛgaśīrṣe mṛgāsyake | nāmabhiḥ keśavādyaistu acyutāya namo 'pi vā ||

कार्त्तिके कृत्तिकाभे ऽह्नि मासनक्षत्रगं हरिं । शाम्भवायनीयव्रतकं करिष्ये भुक्तिमुक्तिदं ।।

kārttike kṛttikābhe 'hni māsanakṣatragaṃ hariṃ | śāmbhavāyanīyavratakaṃ kariṣye bhuktimuktidaṃ ||

केशवादि महामूर्तिमच्युतं सर्वदायकं । आवाहयाम्यहन्देवमायुरारोग्यवृद्धिदं ।।

keśavādi mahāmūrtimacyutaṃ sarvadāyakaṃ | āvāhayāmyahandevamāyurārogyavṛddhidaṃ ||

कार्त्तिकादौ सकासारमन्नं मासचतुष्टयं । फाल्गुनादौ च कुशरमाषाढादौ च पायसं ।।

kārttikādau sakāsāramannaṃ māsacatuṣṭayaṃ | phālgunādau ca kuśaramāṣāḍhādau ca pāyasaṃ ||

देवाय ब्राह्मणेभ्यश च नक्तन्नैवेद्यमाशयेत । पञ्चगव्यजलेस्नातस्तस्यैव प्राशनाच्छुचिः ।।

devāya brāhmaṇebhyaś ca naktannaivedyamāśayet | pañcagavyajalesnātastasyaiva prāśanācchuciḥ ||

अर्वाग्विसर्जनाद द्रव्यं नैवेद्यं सर्वमुच्यते । विसर्जिते जगन्नाथे निर्माल्यन्भवति क्षणात ।।

arvāgvisarjanād dravyaṃ naivedyaṃ sarvamucyate | visarjite jagannāthe nirmālyanbhavati kṣaṇāt ||

नमो नमस्ते ऽच्युत मे क्षयोस्तु पापस्य वृद्धिं समुपैतु पुण्यं । ऐश्वर्यवित्तादि सदाक्षयं मे क्षयञ्च मा सन्ततिरभ्यपैतु ।।

namo namaste 'cyuta me kṣayostu pāpasya vṛddhiṃ samupaitu puṇyaṃ | aiśvaryavittādi sadākṣayaṃ me kṣayañca mā santatirabhyapaitu ||

यथाच्युतस्त्वम्परतः परस्तात स ब्रह्मभूतः परतः परात्मन । तथाच्युतं त्वं कुरु वाञ्छितं मे मया कृतम्पापहराप्रमेय ।।

yathācyutastvamparataḥ parastāt sa brahmabhūtaḥ parataḥ parātman | tathācyutaṃ tvaṃ kuru vāñchitaṃ me mayā kṛtampāpaharāprameya ||

अच्युतानन्द गोविन्द प्रसीद यदभीप्सितं । अक्षयं माममेयात्मन कुरुष्व पुरुषोत्तम ।।

acyutānanda govinda prasīda yadabhīpsitaṃ | akṣayaṃ māmameyātman kuruṣva puruṣottama ||

सप्त वर्षाणि सम्पूज्य भुक्तिमुक्तिमवापुनुयात । अनन्तव्रतमाख्यास्ये नक्षत्रव्रतकेर्थदं ।।

sapta varṣāṇi sampūjya bhuktimuktimavāpunuyāt | anantavratamākhyāsye nakṣatravratakerthadaṃ ||

मार्गशीर्षे मृगशिरे गोमूत्राशो यजेद्धरिं । अनन्तं सर्वकामानामनन्तो भगवान फलं ।।

mārgaśīrṣe mṛgaśire gomūtrāśo yajeddhariṃ | anantaṃ sarvakāmānāmananto bhagavān phalaṃ ||

ददात्यनन्तञ्च पुनस्तदेवान्यत्र जन्मनि । अनन्तपुन्योपचयङ्करोत्येतन्महाव्रतं ।।

dadātyanantañca punastadevānyatra janmani | anantapunyopacayaṅkarotyetanmahāvrataṃ ||

यथाभिलषितप्राप्तिं करोत्यक्षयमेव च । पादादि पूज्य नक्ते तु भुञ्जीयात्तैलवर्जितं ।।

yathābhilaṣitaprāptiṃ karotyakṣayameva ca | pādādi pūjya nakte tu bhuñjīyāttailavarjitaṃ ||

घृतेनानन्तमुद्दिश्य होमो मासचतुष्टयं । चैत्रादौ शालिना होमः पयसा श्रावणादिषु ।।

ghṛtenānantamuddiśya homo māsacatuṣṭayaṃ | caitrādau śālinā homaḥ payasā śrāvaṇādiṣu ||

//23 ।।

//23 ||