एकादशीव्रतं वक्ष्ये भुक्तिमुक्तिप्रदायाकं । दशम्यान्नियताहारो मांसमैथुनवर्जितः ।।

ekādaśīvrataṃ vakṣye bhuktimuktipradāyākaṃ | daśamyānniyatāhāro māṃsamaithunavarjitaḥ ||

एकदश्यां न भुञ्जीत पक्षयोरुभयोरपि । द्वादश्येकादशी यत्र तत्र सन्निहितो हरिः ।।

ekadaśyāṃ na bhuñjīta pakṣayorubhayorapi | dvādaśyekādaśī yatra tatra sannihito hariḥ ||

तत्र क्रतुशतं पुण्यं त्रयोदश्यां तु पारणे । एकादशी कला यत्र परतो द्वादशो गता ।।

tatra kratuśataṃ puṇyaṃ trayodaśyāṃ tu pāraṇe | ekādaśī kalā yatra parato dvādaśo gatā ||

तत्र क्रतुशतं पुण्यन्त्रयोदश्यान्तु पारणे । दशम्येकादशीमिश्रा नोपोष्या नरकप्रदा ।।

tatra kratuśataṃ puṇyantrayodaśyāntu pāraṇe | daśamyekādaśīmiśrā nopoṣyā narakapradā ||

एकादश्यान्निराहारो भुक्त्वा चैवापरे ऽहनि । भोक्ष्ये ऽहं पुण्डरीकाक्ष शरणं मे भवाच्युत ।।

ekādaśyānnirāhāro bhuktvā caivāpare 'hani | bhokṣye 'haṃ puṇḍarīkākṣa śaraṇaṃ me bhavācyuta ||

एकादश्यां सिते पक्षे पुष्यर्क्षन्तु यदा भवेत । सोपोष्पाक्षय्यफलदा प्रोक्ता सा पापनाशिनी ।।

ekādaśyāṃ site pakṣe puṣyarkṣantu yadā bhavet | sopoṣpākṣayyaphaladā proktā sā pāpanāśinī ||

एकादशी द्वादशी या श्रवणेन च संयुता । विजया सा तिथिः प्रोक्ता भक्तानां विजयप्रदा ।।

ekādaśī dvādaśī yā śravaṇena ca saṃyutā | vijayā sā tithiḥ proktā bhaktānāṃ vijayapradā ||

एषैव फाल्गुने मासि पुष्यर्क्षेण च संयुता । विजया प्रोच्यते सद्भिः कोटिकोटिगुणोत्तरा ।।

eṣaiva phālgune māsi puṣyarkṣeṇa ca saṃyutā | vijayā procyate sadbhiḥ koṭikoṭiguṇottarā ||

एकादश्यां विष्णुपूजा कार्या सर्वोपकारिणी । धनवान पुत्रवान लोके विष्णुलोके महीयते ।।

ekādaśyāṃ viṣṇupūjā kāryā sarvopakāriṇī | dhanavān putravān loke viṣṇuloke mahīyate ||