सप्तमीव्रतकं वक्ष्ये सर्वेषां भुक्तिमुक्तिदं । माघमासे ऽब्जके शुक्ले सूर्यं प्रार्च्य विशोकभाक ।।

saptamīvratakaṃ vakṣye sarveṣāṃ bhuktimuktidaṃ | māghamāse 'bjake śukle sūryaṃ prārcya viśokabhāk ||

सर्वावाप्तिस्तु सप्तभ्यां मासि भाद्रे ऽर्कपूजनात । पौषे मासि सिते ऽनश्नन प्रार्च्यार्कं पापनाशनं ।।

sarvāvāptistu saptabhyāṃ māsi bhādre 'rkapūjanāt | pauṣe māsi site 'naśnan prārcyārkaṃ pāpanāśanaṃ ||

कृष्णपक्षे तु माघस्य सर्वावाप्तिस्तु सप्तमी । फाल्गुने तु सिते नन्दा सप्तमी चार्कपूजनात ।।

kṛṣṇapakṣe tu māghasya sarvāvāptistu saptamī | phālgune tu site nandā saptamī cārkapūjanāt ||

मार्गशीर्षे सिते प्रार्च्य सप्तमी चापराजिता । मार्गशीर्षे सिते चाव्दं पुत्रीया सप्तमी स्त्रियाः ।।

mārgaśīrṣe site prārcya saptamī cāparājitā | mārgaśīrṣe site cāvdaṃ putrīyā saptamī striyāḥ ||