एतत्प्रभृतिपापानां प्रायश्चित्तं वदामि ते । ब्रह्महा द्वादशाब्दानि कुटीङ्कृत्वा वने वसेत ।।

etatprabhṛtipāpānāṃ prāyaścittaṃ vadāmi te | brahmahā dvādaśābdāni kuṭīṅkṛtvā vane vaset ||

भिक्षेतात्मविशुद्ध्यर्थं कृत्वा शवशिरोध्वजं । प्रास्येदात्मानमग्नौ वा समिद्धे त्रिरवाक्शिराः ।।

bhikṣetātmaviśuddhyarthaṃ kṛtvā śavaśirodhvajaṃ | prāsyedātmānamagnau vā samiddhe triravākśirāḥ ||

यजेत वाश्वमेधेन स्वर्जिता गोसवेन वा । जपन्वान्यतमं वेदं योजनानां शतं ब्रजेत ।।

yajeta vāśvamedhena svarjitā gosavena vā | japanvānyatamaṃ vedaṃ yojanānāṃ śataṃ brajet ||

सर्वस्वं वा वेदविदे ब्राह्मणायोपपादयेत । व्रतैर एतैर व्यपोहन्ति महापातकिनो मलं ।।

sarvasvaṃ vā vedavide brāhmaṇāyopapādayet | vratair etair vyapohanti mahāpātakino malaṃ ||

उपपातकसंयुक्तो गोघ्नो मासं यवान पिवेत । कृतवापो वसेद्गोष्ठे चर्मणा तेन संवृतः ।।

upapātakasaṃyukto goghno māsaṃ yavān pivet | kṛtavāpo vasedgoṣṭhe carmaṇā tena saṃvṛtaḥ ||

चतुर्थकालमश्रीयादक्षारलवणं मितं । गोमूत्रेण चरेत स्नानं द्वौ मासौ नियतेन्द्रियः ।।

caturthakālamaśrīyādakṣāralavaṇaṃ mitaṃ | gomūtreṇa caret snānaṃ dvau māsau niyatendriyaḥ ||

दिवानुगच्छेद्गाश चैव तिष्ठन्नूर्ध्वं रजः पिवेत । वृषभैकादशा गास्तु दद्याद्विचारितव्रतः ।।

divānugacchedgāś caiva tiṣṭhannūrdhvaṃ rajaḥ pivet | vṛṣabhaikādaśā gāstu dadyādvicāritavrataḥ ||

अविद्यमाने सर्वस्वं वेदविद्भ्यो निवेदयेत । पादमेकञ्चरेद्रोधे द्वौ पादौ बन्धने चरेत ।।

avidyamāne sarvasvaṃ vedavidbhyo nivedayet | pādamekañcaredrodhe dvau pādau bandhane caret ||

योजने पादहीनं स्याच्चरेत सर्वं निपातने । कान्तारेष्वथ दुर्गेषु विषमेषु भयेषु च ।।

yojane pādahīnaṃ syāccaret sarvaṃ nipātane | kāntāreṣvatha durgeṣu viṣameṣu bhayeṣu ca ||

यदि तत्र विपत्तिः स्यादेकपादो विधीयते । घण्टाभरणदोषेण तथैवर्धं विनिर्दिशत ।।

yadi tatra vipattiḥ syādekapādo vidhīyate | ghaṇṭābharaṇadoṣeṇa tathaivardhaṃ vinirdiśat ||

दमने दमने रोधे शकटस्य नियोजने । स्तम्भशृङ्खलपाशेषु मृते पादोनमाचरेत ।।

damane damane rodhe śakaṭasya niyojane | stambhaśṛṅkhalapāśeṣu mṛte pādonamācaret ||

शृङ्गभङ्गे ऽस्थिभङ्गे च लाङ्गूलच्छेदने तथा । यावकन्तु पिवेत्तावद्यावत सुस्था तु गौर्भवेत ।।

śṛṅgabhaṅge 'sthibhaṅge ca lāṅgūlacchedane tathā | yāvakantu pivettāvadyāvat susthā tu gaurbhavet ||

गोमतीञ्च जपेद्विद्यां गोस्तुतिं गोमतीं स्मरेत । एका चेद्बहुभिर्दैवाद यत्र व्यापादिता भवेत ।।

gomatīñca japedvidyāṃ gostutiṃ gomatīṃ smaret | ekā cedbahubhirdaivād yatra vyāpāditā bhavet ||

पादं पादन्तु हत्यायाश चरेयुस्ते पृथक पृथक । उपकारे क्रियमाणे विपत्तौ नास्ति पातकं ।।

pādaṃ pādantu hatyāyāś careyuste pṛthak pṛthak | upakāre kriyamāṇe vipattau nāsti pātakaṃ ||

एतदेव व्रतं कुर्युरुपपातकिनस तथा । अवकीर्णवर्जं शुद्ध्यर्थञ्चान्द्रायणमथापि वा ।।

etadeva vrataṃ kuryurupapātakinas tathā | avakīrṇavarjaṃ śuddhyarthañcāndrāyaṇamathāpi vā ||

अवकीर्णी तु कालेन गर्धभेन चतुष्पथे । पाकयज्ञविधानेन यजेत निरृतिं निशि ।।

avakīrṇī tu kālena gardhabhena catuṣpathe | pākayajñavidhānena yajeta nirṛtiṃ niśi ||

कृत्वाग्निं विधिवद्धीमानन्ततस्तु समित्तृचा । चन्द्रेन्द्रगुरुवह्नीनां जुहुयात सर्पिषाहुतिं ।।

kṛtvāgniṃ vidhivaddhīmānantatastu samittṛcā | candrendraguruvahnīnāṃ juhuyāt sarpiṣāhutiṃ ||

अथवा गार्धभञ्चर्म वसित्वाब्दञ्चरेन्महीं । हत्वा गर्भमविज्ञातं ब्रह्महत्याव्रतं चरेत ।।

athavā gārdhabhañcarma vasitvābdañcarenmahīṃ | hatvā garbhamavijñātaṃ brahmahatyāvrataṃ caret ||

सरां पीत्वा द्विजो मोहादग्निवर्णां सुरां पिवेत । गोमूत्रमग्निवर्णं वा पिवेदुदकमेव वा ।।

sarāṃ pītvā dvijo mohādagnivarṇāṃ surāṃ pivet | gomūtramagnivarṇaṃ vā pivedudakameva vā ||

सुवर्णस्तेयकृद्विप्रो राजानमभिगम्य तु । स्वकर्म ख्यापयन व्रूयान्मां भवाननुशास्त्विति ।।

suvarṇasteyakṛdvipro rājānamabhigamya tu | svakarma khyāpayan vrūyānmāṃ bhavānanuśāstviti ||

गृहीत्वा मुशलं राजा सकृद्धन्यात स्वयङ्गतं । बधेन शुद्ध्यते स्तेयो ब्राह्मणस्तपसैव वा ।।

gṛhītvā muśalaṃ rājā sakṛddhanyāt svayaṅgataṃ | badhena śuddhyate steyo brāhmaṇastapasaiva vā ||

गुरुतल्पो निकृत्यैव शिश्नञ्च वृषणं स्वयं । निधाय चाञ्चलौ गच्छेदानिपाताच्च नैरृतिं ।।

gurutalpo nikṛtyaiva śiśnañca vṛṣaṇaṃ svayaṃ | nidhāya cāñcalau gacchedānipātācca nairṛtiṃ ||

चान्द्रायणान वा त्रीन्मासानभ्यसेन्नियतेन्द्रियः । जातिभ्रंशकरं कर्म कृत्वान्यतममिच्छया ।।

cāndrāyaṇān vā trīnmāsānabhyasenniyatendriyaḥ | jātibhraṃśakaraṃ karma kṛtvānyatamamicchayā ||

चरेच्छान्तपनं कृच्छ्रं प्राजापत्यमनिच्छया । सङ्करीपात्रकृत्यासु मासं शोधनमैन्दवं ।।

carecchāntapanaṃ kṛcchraṃ prājāpatyamanicchayā | saṅkarīpātrakṛtyāsu māsaṃ śodhanamaindavaṃ ||

मलिनीकरणीयेषु तप्तं स्याद्यावकं त्र्यहं । तुरीयो ब्रह्महत्यायाः क्षत्रियस्य बधे स्मृतः ।।

malinīkaraṇīyeṣu taptaṃ syādyāvakaṃ tryahaṃ | turīyo brahmahatyāyāḥ kṣatriyasya badhe smṛtaḥ ||

वैश्ये ऽष्टमांशे वृत्तस्थे शूद्रे ज्ञेयस्तु षोडशः । मार्जरनकुलौ हत्वा चासं मण्डूकमेव च ।।

vaiśye 'ṣṭamāṃśe vṛttasthe śūdre jñeyastu ṣoḍaśaḥ | mārjaranakulau hatvā cāsaṃ maṇḍūkameva ca ||

श्वगोधोलूककाकांश च शूद्रहत्याव्रतं चरेत । चतुर्णामपि वर्णानां नारीं हत्वानवस्थितां ।।

śvagodholūkakākāṃś ca śūdrahatyāvrataṃ caret | caturṇāmapi varṇānāṃ nārīṃ hatvānavasthitāṃ ||

अमत्यैव प्रमाप्य स्त्रीं शूद्रहत्याव्रतं चरेत । सर्पादीनां बधे नक्तमनस्थ्नां वायुसंयमः ।।

amatyaiva pramāpya strīṃ śūdrahatyāvrataṃ caret | sarpādīnāṃ badhe naktamanasthnāṃ vāyusaṃyamaḥ ||

द्रव्याणामल्पसाराणां स्तेयं कृत्वान्यवेश्मतः । चरेच्छान्तपनं कृच्छं व्रतं निर्वाप्य सिद्ध्यति ।।

dravyāṇāmalpasārāṇāṃ steyaṃ kṛtvānyaveśmataḥ | carecchāntapanaṃ kṛcchaṃ vrataṃ nirvāpya siddhyati ||

भक्षभोज्यापहरणे यानशय्यासनस्य च । पुष्पमूलफलानाञ्च पञ्चगव्यं विशोधनं ।।

bhakṣabhojyāpaharaṇe yānaśayyāsanasya ca | puṣpamūlaphalānāñca pañcagavyaṃ viśodhanaṃ ||

तृणकाष्ठद्रुमाणान्तु शुष्कान्नस्य गुडस्य च । चेलचर्मामिषाणान्तु त्रिरात्रं स्यादभोजनं ।।

tṛṇakāṣṭhadrumāṇāntu śuṣkānnasya guḍasya ca | celacarmāmiṣāṇāntu trirātraṃ syādabhojanaṃ ||

मणिमुक्ताप्रवालानां ताम्रस्य रजतस्य च । अयःकांस्योपलानाञ्च द्वादशाहं कणान्नभुक ।।

maṇimuktāpravālānāṃ tāmrasya rajatasya ca | ayaḥkāṃsyopalānāñca dvādaśāhaṃ kaṇānnabhuk ||

कार्पासकीटजीर्णानां द्विशफैकशफस्य च । पक्षिगन्धौषधीनान्तु रज्वा चैव त्र्यहम्पयः ।।

kārpāsakīṭajīrṇānāṃ dviśaphaikaśaphasya ca | pakṣigandhauṣadhīnāntu rajvā caiva tryahampayaḥ ||

गुरुतल्पव्रतं कुर्याद्रेतः सिक्त्वा स्वयोनिषु । सख्युः पुत्रस्य च स्त्रीषु कुमारोष्वन्त्यजासु च ।।

gurutalpavrataṃ kuryādretaḥ siktvā svayoniṣu | sakhyuḥ putrasya ca strīṣu kumāroṣvantyajāsu ca ||

पितृस्वस्रेयीं भगिनीं स्वस्रीयां मातुरेव च । मातुश च भ्रातुराप्तस्य गत्वा चान्द्रायणञ्चरेत ।।

pitṛsvasreyīṃ bhaginīṃ svasrīyāṃ mātureva ca | mātuś ca bhrāturāptasya gatvā cāndrāyaṇañcaret ||

अमानुषीषु पुरुष उदक्यायामयोनिषु । रेतः सिक्त्वा जले चैव कृच्छ्रं शान्तपनञ्चरेत ।।

amānuṣīṣu puruṣa udakyāyāmayoniṣu | retaḥ siktvā jale caiva kṛcchraṃ śāntapanañcaret ||

मैथुनन्तु समासेव्य पुंसि योषिति वा द्विजः । गोयाने ऽप्सु दिवा चैव सवासाः स्नानमाचरेत ।।

maithunantu samāsevya puṃsi yoṣiti vā dvijaḥ | goyāne 'psu divā caiva savāsāḥ snānamācaret ||

चण्डालान्त्यस्त्रियो गत्वा भुक्त्वा च प्रतिगृह्य च । पतत्यज्ञानतो विप्रो ज्ञानात साम्यन्तु गच्छति ।।

caṇḍālāntyastriyo gatvā bhuktvā ca pratigṛhya ca | patatyajñānato vipro jñānāt sāmyantu gacchati ||

विप्रदुष्टां स्त्रियं भर्ता निरुन्ध्यादेकवेश्मनि । यत पुंसः परदारेषु तदेनाञ्चारयेद्व्रतं ।।

vipraduṣṭāṃ striyaṃ bhartā nirundhyādekaveśmani | yat puṃsaḥ paradāreṣu tadenāñcārayedvrataṃ ||

साचेत्पुनः प्रदुष्येत सदृशेनोपमन्त्रिता । कृच्छ्रञ्चाद्रायणञ्चैव तदस्याः पावनं स्मृतं ।।

sācetpunaḥ praduṣyeta sadṛśenopamantritā | kṛcchrañcādrāyaṇañcaiva tadasyāḥ pāvanaṃ smṛtaṃ ||

यत करोत्येकरात्रेण वृषलीसेवनं द्विजः । तद्भैक्ष्यभुक जपेन्नित्यं त्रिभिर्वषैर व्यपोहति ।।

yat karotyekarātreṇa vṛṣalīsevanaṃ dvijaḥ | tadbhaikṣyabhuk japennityaṃ tribhirvaṣair vyapohati ||