मन्वन्तराणि वक्ष्यामि आद्याः स्वायम्भुवो मनुः । अग्नीध्राद्यास्तस्य सुता यमो नाम तदा सुराः ।।

manvantarāṇi vakṣyāmi ādyāḥ svāyambhuvo manuḥ | agnīdhrādyāstasya sutā yamo nāma tadā surāḥ ||

और्वाद्याश च सप्तर्षय इन्द्रश चैव शतक्रतुः । पारावताः सतुषिता देवाः स्वारोचिषे ऽन्तरे ।।

aurvādyāś ca saptarṣaya indraś caiva śatakratuḥ | pārāvatāḥ satuṣitā devāḥ svārociṣe 'ntare ||

विपश्चित्तत्र देवेन्द्र ऊर्जस्तम्भादयो द्विजाः । चैत्रकिम्पुरुषाः पुत्रास्तृतीयश्चोत्तोतमो मनुः ।।

vipaścittatra devendra ūrjastambhādayo dvijāḥ | caitrakimpuruṣāḥ putrāstṛtīyaścottotamo manuḥ ||

सुशान्तिरिन्द्रो देवाश च सुधामाद्या वशिष्ठजाः । सप्तर्षयो ऽजाद्याः पुत्राश चतुर्थस्तामसी मनुः ।।

suśāntirindro devāś ca sudhāmādyā vaśiṣṭhajāḥ | saptarṣayo 'jādyāḥ putrāś caturthastāmasī manuḥ ||

स्वरूपाद्याः सुरगणाः शिखिरिन्द्रः सुरेश्वरः । ज्योतिर्धामादयो विप्रा नव ख्यातिमुखाः सुताः ।।

svarūpādyāḥ suragaṇāḥ śikhirindraḥ sureśvaraḥ | jyotirdhāmādayo viprā nava khyātimukhāḥ sutāḥ ||

रैवते वितथश्चेन्द्रो अमिताभास तथा सुराः । हिरण्यरोमाद्या मुनयो बलबन्धादयः सुताः ।।

raivate vitathaścendro amitābhās tathā surāḥ | hiraṇyaromādyā munayo balabandhādayaḥ sutāḥ ||

मनोजवश्चाक्षुषे ऽथ इन्द्रः स्वात्यादयः सुराः । सुमेधाद्या महर्षयः पुरुप्रभृतयः सुताः ।।

manojavaścākṣuṣe 'tha indraḥ svātyādayaḥ surāḥ | sumedhādyā maharṣayaḥ puruprabhṛtayaḥ sutāḥ ||

विवस्वतः सुतो विप्रः श्राद्धदेवो मनुस्ततः । आदित्यवसुरुद्राद्या देवा इन्द्रः पुरन्दरः ।।

vivasvataḥ suto vipraḥ śrāddhadevo manustataḥ | ādityavasurudrādyā devā indraḥ purandaraḥ ||

वशिष्ठः काश्यपो ऽथात्रिर्जमदग्निः सगोतमः । विश्वामित्रभरद्वाजौ मुनयः सप्त साम्प्रतं ।।

vaśiṣṭhaḥ kāśyapo 'thātrirjamadagniḥ sagotamaḥ | viśvāmitrabharadvājau munayaḥ sapta sāmprataṃ ||

इक्ष्वाकुप्रमुखाः पुत्रा अंशेन हरिराभवत । स्वायम्भुवे मानसो ऽभूदजितस्तदनन्तरे ।।

ikṣvākupramukhāḥ putrā aṃśena harirābhavat | svāyambhuve mānaso 'bhūdajitastadanantare ||

सत्यो हरिर्देवदरो वैकुण्ठो वामनः क्रमात । छायाजः सूर्यपुत्रस्तु भविता चाष्टमो मनुः ।।

satyo harirdevadaro vaikuṇṭho vāmanaḥ kramāt | chāyājaḥ sūryaputrastu bhavitā cāṣṭamo manuḥ ||

पूर्वस्य च सवर्णो ऽसौ सावर्णिर्भविताष्टमः । सुतपाद्या देवगणा दीप्तिमद्द्रौणिकादयः ।।

pūrvasya ca savarṇo 'sau sāvarṇirbhavitāṣṭamaḥ | sutapādyā devagaṇā dīptimaddrauṇikādayaḥ ||

मुनयो बलिरिन्द्रश च विरजप्रमुखाः सुताः । नवमो दक्षसावर्णिः पाराद्याश च तदा सुराः ।।

munayo balirindraś ca virajapramukhāḥ sutāḥ | navamo dakṣasāvarṇiḥ pārādyāś ca tadā surāḥ ||

इन्द्रश चैवाद्भुतस्तेषां सवनाद्या द्विजोत्तमाः । धृतकेत्वादयः पुत्रा ब्रह्मसावर्णिरित्यतः ।।

indraś caivādbhutasteṣāṃ savanādyā dvijottamāḥ | dhṛtaketvādayaḥ putrā brahmasāvarṇirityataḥ ||

सुखादयो देवगणास्तेषां शान्तिः शतक्रतुः । हविष्याद्याश च मुनयः सुक्षेत्राद्याश च तत्सुताः ।।

sukhādayo devagaṇāsteṣāṃ śāntiḥ śatakratuḥ | haviṣyādyāś ca munayaḥ sukṣetrādyāś ca tatsutāḥ ||

धर्मसावर्णिकश्चाथ विहङ्गाद्यास्तदा सुराः । गणेशश्चेन्द्रो नश चराद्या मुनयः पुत्रकामयोः ।।

dharmasāvarṇikaścātha vihaṅgādyāstadā surāḥ | gaṇeśaścendro naś carādyā munayaḥ putrakāmayoḥ ||

सर्वत्रगाद्या रुद्राख्यः सावर्णिभविता मनुः । ऋतधामा सुरेन्द्रश च हरिताद्याश च देवताः ।।

sarvatragādyā rudrākhyaḥ sāvarṇibhavitā manuḥ | ṛtadhāmā surendraś ca haritādyāś ca devatāḥ ||

तपस्याद्याः सप्तर्षयः सुता वैदेववन्मुखाः । मनुस्त्रयोदशो रौच्यः सूत्रामाणादयः सुराः ।।

tapasyādyāḥ saptarṣayaḥ sutā vaidevavanmukhāḥ | manustrayodaśo raucyaḥ sūtrāmāṇādayaḥ surāḥ ||

इन्द्रो दिवस्पतिस्तेषां दानवादिविमर्दनः । निर्मोहाद्याः सप्तर्षयश्चित्रसेनादयः सुताः ।।

indro divaspatisteṣāṃ dānavādivimardanaḥ | nirmohādyāḥ saptarṣayaścitrasenādayaḥ sutāḥ ||

मनुश चतुर्दशो भौत्यः शुचिरिन्द्रो भविष्यति । चाक्षुषाद्याः सुरगणा अग्निबाह्णादयो द्विजाः ।।

manuś caturdaśo bhautyaḥ śucirindro bhaviṣyati | cākṣuṣādyāḥ suragaṇā agnibāhṇādayo dvijāḥ ||

चतुर्दशस्य भौत्यस्य पुत्रा ऊरुमुखा मनोः । प्रयर्तयन्ति देवांश च भुवि सप्तर्षयो दिवः ।।

caturdaśasya bhautyasya putrā ūrumukhā manoḥ | prayartayanti devāṃś ca bhuvi saptarṣayo divaḥ ||

देवा यज्ञभुजस्ते तु भूः पुत्रैः परिपाल्यते । ब्रह्मणो दिवसे ब्रह्मन्मनवस्तु चतुर्दश ।।

devā yajñabhujaste tu bhūḥ putraiḥ paripālyate | brahmaṇo divase brahmanmanavastu caturdaśa ||

मन्वाद्याश च हरिर्वेदं द्वापरान्ते विभेद सः । आद्यो वेदश चतुष्पादः शतसाहस्रसम्मितः ।।

manvādyāś ca harirvedaṃ dvāparānte vibheda saḥ | ādyo vedaś catuṣpādaḥ śatasāhasrasammitaḥ ||

एकश्चासीद यजुर्वेदस्तं चतुर्धा व्यकल्पयत । आध्वर्यवं यजुर्भिस्तु ऋग्भिर्होत्रं तथा मुनिः ।।

ekaścāsīd yajurvedastaṃ caturdhā vyakalpayat | ādhvaryavaṃ yajurbhistu ṛgbhirhotraṃ tathā muniḥ ||

औद्गात्रं सामभिओश चक्रे ब्रह्मत्वञ्चाप्यथर्वभिः । प्रथमं व्यासशिष्यस्तु पैलो ह्य ऋग्वेदपारगः ।।

audgātraṃ sāmabhioś cakre brahmatvañcāpyatharvabhiḥ | prathamaṃ vyāsaśiṣyastu pailo hy ṛgvedapāragaḥ ||

इन्द्रः प्रमतये प्रादाद्वास्कलाय च संहितां । बौध्यादिभ्यो ददौ सोपि चतुर्धा निजसंहितां ।।

indraḥ pramataye prādādvāskalāya ca saṃhitāṃ | baudhyādibhyo dadau sopi caturdhā nijasaṃhitāṃ ||

यजुर्वेदतरोः शाखाः सप्तविंशन्महामतिः । वैशम्पायननामासौ व्यासशिष्यश चकार वै ।।

yajurvedataroḥ śākhāḥ saptaviṃśanmahāmatiḥ | vaiśampāyananāmāsau vyāsaśiṣyaś cakāra vai ||

काण्वा वाजसनेयाद्या याज्ञवल्क्यादिभिः स्मृताः । सामवेदतरोः शाखा व्यासशिष्यः सजैमिनिः ।।

kāṇvā vājasaneyādyā yājñavalkyādibhiḥ smṛtāḥ | sāmavedataroḥ śākhā vyāsaśiṣyaḥ sajaiminiḥ ||

सुमन्तुश च सुकर्मा च एकैकां संहितां ततः । गृह्णते च सुकर्माख्यः सहस्रं संहितां गुरुः ।।

sumantuś ca sukarmā ca ekaikāṃ saṃhitāṃ tataḥ | gṛhṇate ca sukarmākhyaḥ sahasraṃ saṃhitāṃ guruḥ ||

सुमन्तुश्चाथर्वतरुं व्यासशिष्यो विभेद तं । शिष्यानध्यापयामास पैप्यलादान सहस्रशः ।।

sumantuścātharvataruṃ vyāsaśiṣyo vibheda taṃ | śiṣyānadhyāpayāmāsa paipyalādān sahasraśaḥ ||

पुराणसंहितां चक्रे सुतो व्यासप्रसादतः //31 ।।

purāṇasaṃhitāṃ cakre suto vyāsaprasādataḥ //31 ||