षट्कर्माणि प्रवक्ष्यामि सर्वमन्त्रेषु तच्छृणु । आदौ साध्यं लिखेत पूर्वं चान्ते मन्त्रसमन्वितं ।।

ṣaṭkarmāṇi pravakṣyāmi sarvamantreṣu tacchṛṇu | ādau sādhyaṃ likhet pūrvaṃ cānte mantrasamanvitaṃ ||

पल्लवः स तु विज्ञेयो महोच्चाटकरः परः । आदौ मन्त्रः ततः साध्यो मध्ये साध्यः पुनर्मनुः ।।

pallavaḥ sa tu vijñeyo mahoccāṭakaraḥ paraḥ | ādau mantraḥ tataḥ sādhyo madhye sādhyaḥ punarmanuḥ ||

योगाख्यः सम्प्रदायो ऽयङ्कुलोत्सादेषु योजयेत । आदौ मन्त्रपदन्दद्यान्मध्ये साध्यं नियोजयेत ।।

yogākhyaḥ sampradāyo 'yaṅkulotsādeṣu yojayet | ādau mantrapadandadyānmadhye sādhyaṃ niyojayet ||

पुनश्चान्ते लिखेन्मन्त्रं साध्यं मन्त्रपदं पुनः । रोधकः सम्प्रदायस्तु स्तम्भनादिषु योजयेत ।।

punaścānte likhenmantraṃ sādhyaṃ mantrapadaṃ punaḥ | rodhakaḥ sampradāyastu stambhanādiṣu yojayet ||

अधोर्ध्वं याम्यवामे तु मध्ये साध्यन्तु योजयेत । सम्पुटः सतु विज्ञेयो वश्याकर्षेषु योजयेत ।।

adhordhvaṃ yāmyavāme tu madhye sādhyantu yojayet | sampuṭaḥ satu vijñeyo vaśyākarṣeṣu yojayet ||

मन्त्राक्षरं यदा साध्यं प्रथितञ्चाक्षराक्षरं । प्रथमः सम्प्रदायः स्यादाकृष्टिवशकारकः ।।

mantrākṣaraṃ yadā sādhyaṃ prathitañcākṣarākṣaraṃ | prathamaḥ sampradāyaḥ syādākṛṣṭivaśakārakaḥ ||

मन्त्राक्षरद्वयं लिख्य एकं साध्यक्षरं पुनः । विदर्भः सतु विज्ञेयो वश्याकाकर्षेषु योजयेत ।।

mantrākṣaradvayaṃ likhya ekaṃ sādhyakṣaraṃ punaḥ | vidarbhaḥ satu vijñeyo vaśyākākarṣeṣu yojayet ||

आकर्षणाद यत कर्म वसन्ते चैव कारयेत । तापज्वरे तथा वश्ये स्वाहा चाकर्षणे शुभं ।।

ākarṣaṇād yat karma vasante caiva kārayet | tāpajvare tathā vaśye svāhā cākarṣaṇe śubhaṃ ||

नमस्कारपदञ्चैव शान्तिवृद्धौ प्रयोजयेत । पौष्टिकेषु वषट्कारमाकर्षे वशकर्मणि ।।

namaskārapadañcaiva śāntivṛddhau prayojayet | pauṣṭikeṣu vaṣaṭkāramākarṣe vaśakarmaṇi ||

विद्वेषोच्चाटने मृत्यौ फट स्यात खण्डीकृतौ शुभे । लाभादौ मन्त्रदीक्षादौ वषट्कारस्तु सिद्धिदः ।।

vidveṣoccāṭane mṛtyau phaṭ syāt khaṇḍīkṛtau śubhe | lābhādau mantradīkṣādau vaṣaṭkārastu siddhidaḥ ||

यमो ऽसि यमाराजो ऽसि कालरूपो ऽसि धर्मराट । मयादत्तमिमं शत्रुमचिरेण निपातय ।।

yamo 'si yamārājo 'si kālarūpo 'si dharmarāṭ | mayādattamimaṃ śatrumacireṇa nipātaya ||

निपातयामि यत्नेन निवृत्तो भव साधक । संहृष्टमनसा ब्रूयाद्देशिको ऽरिप्रसूदनः ।।

nipātayāmi yatnena nivṛtto bhava sādhaka | saṃhṛṣṭamanasā brūyāddeśiko 'riprasūdanaḥ ||

पद्मे शुक्ले यमं प्रार्च्य होमादेतत प्रसिद्ध्यति । आत्मानम्भैरवं ध्यात्वा ततो मध्ये कुलेश्वरीं ।।

padme śukle yamaṃ prārcya homādetat prasiddhyati | ātmānambhairavaṃ dhyātvā tato madhye kuleśvarīṃ ||

रात्रौ वार्तां विजानाति आत्मनश च परस्य च । दुर्गे दुर्गे रक्षणीति दुर्गां प्रार्च्यारिहा भवेत ।।

rātrau vārtāṃ vijānāti ātmanaś ca parasya ca | durge durge rakṣaṇīti durgāṃ prārcyārihā bhavet ||

//15 ।।

//15 ||