गर्भजातस्य वक्ष्यामि क्षेत्राधिपस्वरूपकं । नातिदीर्घः कृशः स्थूलः समाङ्गो गौरपैतिकः ।।

garbhajātasya vakṣyāmi kṣetrādhipasvarūpakaṃ | nātidīrghaḥ kṛśaḥ sthūlaḥ samāṅgo gaurapaitikaḥ ||

रक्ताक्षो गुणवान शूरो गृहे सूर्यस्य जायते । सौभाग्यो मृदुसारश च जातश चन्द्रगृहोदये ।।

raktākṣo guṇavān śūro gṛhe sūryasya jāyate | saubhāgyo mṛdusāraś ca jātaś candragṛhodaye ||

वाताधिको ऽतिलुब्धादिर्जातो भूमिभुवो गृहे । बुद्धिमान सुभगो मानी जातः सौम्यगृहोदये ।।

vātādhiko 'tilubdhādirjāto bhūmibhuvo gṛhe | buddhimān subhago mānī jātaḥ saumyagṛhodaye ||

वृहत्क्रोधश च शुभगो जातो गुरुगृहे नरः । त्यागो भोगो च सुभगो जातो भृगुगृहोदये ।।

vṛhatkrodhaś ca śubhago jāto gurugṛhe naraḥ | tyāgo bhogo ca subhago jāto bhṛgugṛhodaye ||

बुद्धिमाञ्छुभगो मानी जातश्चार्किगृहे नरः । सौम्यलग्ने तु सौम्यः स्यात क्रूरः स्यात क्रूरलग्नके ।।

buddhimāñchubhago mānī jātaścārkigṛhe naraḥ | saumyalagne tu saumyaḥ syāt krūraḥ syāt krūralagnake ||

दशाफलङ्गौरि वक्ष्ये नामराशौ तु संस्थितं । गजाश्वधनधान्यानि राज्यश्रीर्विपुला भवेत ।।

daśāphalaṅgauri vakṣye nāmarāśau tu saṃsthitaṃ | gajāśvadhanadhānyāni rājyaśrīrvipulā bhavet ||

पुनर्धनागमश्चापि दशायां भास्करस्य तु । दिव्यस्त्रीदा चन्द्रदशा भूमिलाभः सुखं कुजे ।।

punardhanāgamaścāpi daśāyāṃ bhāskarasya tu | divyastrīdā candradaśā bhūmilābhaḥ sukhaṃ kuje ||

भूमिर्धान्यं धनं बौधे गजाश्वादिधनं गुरौ । खाद्यपानधनं द्शुक्रे शनौ व्याध्यादिसंयुतः ।।

bhūmirdhānyaṃ dhanaṃ baudhe gajāśvādidhanaṃ gurau | khādyapānadhanaṃ dśukre śanau vyādhyādisaṃyutaḥ ||

स्नानसेवादिनाध्वानं वाणिज्यं राहुर्दर्शने । वामनाडीप्रवाहे स्यान्नाम चेद्विषमाक्षरं ।।

snānasevādinādhvānaṃ vāṇijyaṃ rāhurdarśane | vāmanāḍīpravāhe syānnāma cedviṣamākṣaraṃ ||

तदा जयति सङ्ग्रामे शनिभौमससैंहिकाः । दक्षनाडीप्रवाहेर्के वाणिज्ये चैव निष्फला ।।

tadā jayati saṅgrāme śanibhaumasasaiṃhikāḥ | dakṣanāḍīpravāherke vāṇijye caiva niṣphalā ||

सङ्ग्रामे जयमाप्नोति समनामा नरो ध्रुवं । अधश्चारे जयं विद्यादूर्ध्वचारे रणे मृतिं ।।

saṅgrāme jayamāpnoti samanāmā naro dhruvaṃ | adhaścāre jayaṃ vidyādūrdhvacāre raṇe mṛtiṃ ||

सप्तवारन्न्यसेन्मन्त्रं ध्यात्वात्मानन्तु भैर अवं । चतुर्भुजन्दशभुजं विंशद्बाह्वात्मकं शुभं ।।

saptavārannyasenmantraṃ dhyātvātmānantu bhair avaṃ | caturbhujandaśabhujaṃ viṃśadbāhvātmakaṃ śubhaṃ ||

शूलखट्वाङ्गहस्तन्तु खड्गकट्टारिकोद्यतं । भक्षणं परसैन्यानामात्मसैन्यपराङ्मुखं ।।

śūlakhaṭvāṅgahastantu khaḍgakaṭṭārikodyataṃ | bhakṣaṇaṃ parasainyānāmātmasainyaparāṅmukhaṃ ||

सम्मुखं शत्रसैन्यस्य शतमष्टोत्तरं जपेत । जपाड्डमरुकाच्छब्दाच्छस्त्रं त्यक्त्वा पलायते ।।

sammukhaṃ śatrasainyasya śatamaṣṭottaraṃ japet | japāḍḍamarukācchabdācchastraṃ tyaktvā palāyate ||

परसैन्यं शृणु भङ्गं प्रयोगेन पुनर्वदे । श्मशानाङ्गारमादाय विष्टाञ्चोलूककाकयोः ।।

parasainyaṃ śṛṇu bhaṅgaṃ prayogena punarvade | śmaśānāṅgāramādāya viṣṭāñcolūkakākayoḥ ||

कर्पटे प्रतिमां लिख्य साध्यस्तैवाक्षरं यथा । नामाथ नवधा लिख्य रिपोश चैव यथाक्रमं ।।

karpaṭe pratimāṃ likhya sādhyastaivākṣaraṃ yathā | nāmātha navadhā likhya ripoś caiva yathākramaṃ ||

मूर्ध्नि वक्त्रे ललाटे च हृदये गुह्यपादयोः । पृष्ठे तु बाहुमध्ये तु नाम वै नवधा लिखेत ।।

mūrdhni vaktre lalāṭe ca hṛdaye guhyapādayoḥ | pṛṣṭhe tu bāhumadhye tu nāma vai navadhā likhet ||

मोटयेद्युद्धकाले तु उच्चरित्वा तु विद्यय । तार्क्ष्यचक्रं प्रवक्ष्यामि जयार्थं त्रिमुखाक्षरं ।।

moṭayedyuddhakāle tu uccaritvā tu vidyaya | tārkṣyacakraṃ pravakṣyāmi jayārthaṃ trimukhākṣaraṃ ||

क्षिप ओं स्वाहा तार्क्षात्मा शत्रुरोगविषादिनुत । दुष्टभूतग्रहार्तस्य व्याधितस्यातुरस्य च ।।

kṣipa oṃ svāhā tārkṣātmā śatrurogaviṣādinut | duṣṭabhūtagrahārtasya vyādhitasyāturasya ca ||

करोति यादृशङ्कर्म तादृशं सिद्ध्यते खगात । स्थावरं जङ्गमञ्चैव लूताश च कृत्रिमं विषं ।।

karoti yādṛśaṅkarma tādṛśaṃ siddhyate khagāt | sthāvaraṃ jaṅgamañcaiva lūtāś ca kṛtrimaṃ viṣaṃ ||

तत्सर्वं नाशमायाति साधकस्यावलोकनात । पुनर्ध्यायेन्महातार्क्ष्यं द्विपक्षं मानुषाकृतिं ।।

tatsarvaṃ nāśamāyāti sādhakasyāvalokanāt | punardhyāyenmahātārkṣyaṃ dvipakṣaṃ mānuṣākṛtiṃ ||

द्विभुजं वक्रचञ्चुं च गजकूर्मधरं प्रभुं । असङ्ख्योरगपादस्थमागच्छन्तं खमध्यतः ।।

dvibhujaṃ vakracañcuṃ ca gajakūrmadharaṃ prabhuṃ | asaṅkhyoragapādasthamāgacchantaṃ khamadhyataḥ ||

ग्रसन्तञ्चैव खादन्तं तुदन्तं चाहवे रिपून । चञ्च्वाहताश च द्रष्टव्याः केचित्पादैश च चूर्णिताः ।।

grasantañcaiva khādantaṃ tudantaṃ cāhave ripūn | cañcvāhatāś ca draṣṭavyāḥ kecitpādaiś ca cūrṇitāḥ ||

पक्षपातैश्चूर्णिताश च केचिन्नष्टा दिशो दश । तार्क्ष्यध्यानान्वितो यश च त्रिलोक्ये ह्य अजयो भवेत ।।

pakṣapātaiścūrṇitāś ca kecinnaṣṭā diśo daśa | tārkṣyadhyānānvito yaś ca trilokye hy ajayo bhavet ||

पिच्छिकान्तु प्रवक्ष्यामि मन्त्रसाधनजां क्रियां । अमुञ्चन्द्रग्रहणे तु जपङ्कृत्वा तु पिच्छिकां ।।

picchikāntu pravakṣyāmi mantrasādhanajāṃ kriyāṃ | amuñcandragrahaṇe tu japaṅkṛtvā tu picchikāṃ ||

मन्त्रयेद भ्रामयेत्सैन्यं सम्मुखं गजसिंहयोः । ध्यानाद्रवान मर्दयेच्च सिंहारूढो मृगाविकान ।।

mantrayed bhrāmayetsainyaṃ sammukhaṃ gajasiṃhayoḥ | dhyānādravān mardayecca siṃhārūḍho mṛgāvikān ||

शब्दाद्भङ्गं प्रवक्ष्यामि दूरं मन्त्रेण बोधयेत । मातॄणां चरुकं दद्यात कालरात्र्या विशेषतः ।।

śabdādbhaṅgaṃ pravakṣyāmi dūraṃ mantreṇa bodhayet | mātṝṇāṃ carukaṃ dadyāt kālarātryā viśeṣataḥ ||

श्मशानभस्मसंयुक्तं मालती चामरी तथा । कार्पासमूलमात्रन्तु तेन दूरन्तु बोधयेत ।।

śmaśānabhasmasaṃyuktaṃ mālatī cāmarī tathā | kārpāsamūlamātrantu tena dūrantu bodhayet ||

अरेर नाशं दूरशब्दाज्जप्तया भङ्गविद्यया । अपराजिता च धुस्तूरस्ताभ्यान्तु तिलकेन हि ।।

arer nāśaṃ dūraśabdājjaptayā bhaṅgavidyayā | aparājitā ca dhustūrastābhyāntu tilakena hi ||

वाह्यतो मातॄः संलिख्य सकलाकृतिवेष्टिताः । नागपत्रे लिखेद्विद्यां सर्वकामार्थसाधनीं ।।

vāhyato mātṝḥ saṃlikhya sakalākṛtiveṣṭitāḥ | nāgapatre likhedvidyāṃ sarvakāmārthasādhanīṃ ||

हस्ताद्यैर धारिता पूर्वं ब्रह्मरुद्रेन्द्रविष्णुभिः । गुरुसङ्ग्रामकाले तु विद्यया रक्षिताः सुराः ।।

hastādyair dhāritā pūrvaṃ brahmarudrendraviṣṇubhiḥ | gurusaṅgrāmakāle tu vidyayā rakṣitāḥ surāḥ ||

रक्षया नारसिंह्या च भैरव्या शक्तिरूपया । सर्वे त्रैलोक्यमोहिन्या गौर्या देवासुरे रणे ।।

rakṣayā nārasiṃhyā ca bhairavyā śaktirūpayā | sarve trailokyamohinyā gauryā devāsure raṇe ||

वीजसम्पुटितं नाम कर्णिकायां दलेषु च । पूजाक्रमेण चाङ्गानि रक्षायन्त्रं स्मृतं शुभे ।।

vījasampuṭitaṃ nāma karṇikāyāṃ daleṣu ca | pūjākrameṇa cāṅgāni rakṣāyantraṃ smṛtaṃ śubhe ||

मृत्युञ्जयं प्रवक्ष्यामि नामसंस्कारमध्यग । कलाभिवेष्टितं पश्चात सकारेण निबोधितं ।।

mṛtyuñjayaṃ pravakṣyāmi nāmasaṃskāramadhyaga | kalābhiveṣṭitaṃ paścāt sakāreṇa nibodhitaṃ ||

जकारं विन्दुसंयुक्तं ओङ्कारेण समन्वितं । धकारोदरमध्यस्थं वकारेण निबोधितं ।।

jakāraṃ vindusaṃyuktaṃ oṅkāreṇa samanvitaṃ | dhakārodaramadhyasthaṃ vakāreṇa nibodhitaṃ ||

चन्द्रसम्पुटमध्यस्थं सर्वदुष्टविमर्दकम । अथवा कर्णिकायाञ्च लिखेन्नाम च कारणम ।।

candrasampuṭamadhyasthaṃ sarvaduṣṭavimardakam | athavā karṇikāyāñca likhennāma ca kāraṇam ||

पूर्वे दले तथोङ्कारं स्वदक्षे चोत्तरे लिखेत । आग्नेय्यादौ च हूङ्कारन्दले षोडशके स्वरान ।।

pūrve dale tathoṅkāraṃ svadakṣe cottare likhet | āgneyyādau ca hūṅkārandale ṣoḍaśake svarān ||

चतुस्त्रिंशद्दले काद्यान वाह्ये मन्त्रञ्च मृत्युजित । लिखेद्वैभूर्जपत्रे तु रोचनाकुङ्ग्कुमेन च ।।

catustriṃśaddale kādyān vāhye mantrañca mṛtyujit | likhedvaibhūrjapatre tu rocanākuṅgkumena ca ||

कर्पूरचन्दनाभ्याञ्च श्वेतसूतेण वेष्टयेत । सिक्थकेन परिच्छाद्य कलशोपरि पूजयेत ।।

karpūracandanābhyāñca śvetasūteṇa veṣṭayet | sikthakena paricchādya kalaśopari pūjayet ||

यन्त्रस्य धारणाद्रागाः शाम्यन्ति रिपवो मृतिः । विद्यान्तु भेलखीं वक्ष्ये विप्रयोगमृतेर्हरीं ।।

yantrasya dhāraṇādrāgāḥ śāmyanti ripavo mṛtiḥ | vidyāntu bhelakhīṃ vakṣye viprayogamṛterharīṃ ||

नवदुर्गासप्तजप्तान्मुखस्तम्भो मुखस्थितात । गृहीत्वा सप्तजप्तं तु खद्गयुद्धे ऽपराजितः ।।

navadurgāsaptajaptānmukhastambho mukhasthitāt | gṛhītvā saptajaptaṃ tu khadgayuddhe 'parājitaḥ ||