सेवाचक्रं प्रवक्ष्यामि लाभालाभानुसूचकं । पिता माता तथा भ्राता दम्पती च विशेषतः ।।

sevācakraṃ pravakṣyāmi lābhālābhānusūcakaṃ | pitā mātā tathā bhrātā dampatī ca viśeṣataḥ ||

तस्मिंश चक्रे तु विज्ञेयं यो यस्माल्लभते फलं । षडूर्ध्वाः स्थापयेद्रेखा भिन्नाश्चाष्तौ तु तिर्यगाः ।।

tasmiṃś cakre tu vijñeyaṃ yo yasmāllabhate phalaṃ | ṣaḍūrdhvāḥ sthāpayedrekhā bhinnāścāṣtau tu tiryagāḥ ||

कोष्ठकाः पञ्चत्रिंशच्च तेषु वर्णान समालिखेत । स्वरान पञ्च समुद्धृत्य स्पर्शान पश्चात समालिखेत ।।

koṣṭhakāḥ pañcatriṃśacca teṣu varṇān samālikhet | svarān pañca samuddhṛtya sparśān paścāt samālikhet ||

ककारादिहकारान्तान हीनाङ्गांस्त्रीन्विवर्जयेत । सिद्धः साध्यः सुसिद्धश च अरिर्मृत्युश च नामतः ।।

kakārādihakārāntān hīnāṅgāṃstrīnvivarjayet | siddhaḥ sādhyaḥ susiddhaś ca arirmṛtyuś ca nāmataḥ ||

अरिर्मृत्युअश च द्वावेतौ वर्जयेत सर्वकर्मसु । एषां मध्ये यदा नाम लक्षयेत्तु प्रयत्नतः ।।

arirmṛtyuaś ca dvāvetau varjayet sarvakarmasu | eṣāṃ madhye yadā nāma lakṣayettu prayatnataḥ ||

आत्मपक्षे स्थिताः सत्त्वाः सर्वे ते शुभदायकाः । द्वितीयः पोषकाश चैव तृतीयश्चार्थदायकः ।।

ātmapakṣe sthitāḥ sattvāḥ sarve te śubhadāyakāḥ | dvitīyaḥ poṣakāś caiva tṛtīyaścārthadāyakaḥ ||

आत्मनाशश चतुर्थस्तु पञ्चमो मृत्युदायकः । स्थानमेवार्थलाभाय मित्रभृत्यादिवान्धवाः ।।

ātmanāśaś caturthastu pañcamo mṛtyudāyakaḥ | sthānamevārthalābhāya mitrabhṛtyādivāndhavāḥ ||

सिद्धः साध्यः सुसिद्धश च सर्वे ते फलदायकाः । अरिर्भृत्यश च द्वावेतौ वर्जयेत सर्वकर्मसु ।।

siddhaḥ sādhyaḥ susiddhaś ca sarve te phaladāyakāḥ | arirbhṛtyaś ca dvāvetau varjayet sarvakarmasu ||

अकारान्तं यथा प्रोक्तं अ+इ+उ+ए+ओ विदुस तथा । पुनश चैवांशकान वक्ष्ये वर्गाष्टकसुसंस्कृतान ।।

akārāntaṃ yathā proktaṃ a+i+u+e+o vidus tathā | punaś caivāṃśakān vakṣye vargāṣṭakasusaṃskṛtān ||

देवा अकारवर्गे दैत्याः कवर्गमाश्रिताः । नागाश चैव चवर्गाः स्युर्गन्धवाश च टवर्गजाः ।।

devā akāravarge daityāḥ kavargamāśritāḥ | nāgāś caiva cavargāḥ syurgandhavāś ca ṭavargajāḥ ||

तवर्गे ऋषयः प्रोक्ताः पवर्गे राक्षसाः स्मृताः । पिशाचाश च यवर्गे च शवर्गे मानुषाः स्मृताः ।।

tavarge ṛṣayaḥ proktāḥ pavarge rākṣasāḥ smṛtāḥ | piśācāś ca yavarge ca śavarge mānuṣāḥ smṛtāḥ ||

देवेभ्यो बलिनो दैत्या दैत्येभ्यः पन्नगास तथा । पन्नगेभ्यश च गन्धर्वा गन्धर्वादृषयो वराः ।।

devebhyo balino daityā daityebhyaḥ pannagās tathā | pannagebhyaś ca gandharvā gandharvādṛṣayo varāḥ ||

ऋषिभ्यो राक्षसाः शूरा राक्षसेभ्यः पिशाचकाः । पिशाचेभ्यो मानुषाः स्युर्दुर्बलं वर्जयेद्बली ।।

ṛṣibhyo rākṣasāḥ śūrā rākṣasebhyaḥ piśācakāḥ | piśācebhyo mānuṣāḥ syurdurbalaṃ varjayedbalī ||

पुनर्मित्रविभागन्तु ताराचक्रं क्रमाच्छृणु । नामाद्यक्षरमृक्षन्तु स्फुटं कृत्वा तु पर्वतः ।।

punarmitravibhāgantu tārācakraṃ kramācchṛṇu | nāmādyakṣaramṛkṣantu sphuṭaṃ kṛtvā tu parvataḥ ||

ऋक्षे तु संस्थितास्तारा नवत्रिका यथाक्रमात । जन्म सम्पद्विपत क्षेमं नामर्क्षात्तारका इमाः ।।

ṛkṣe tu saṃsthitāstārā navatrikā yathākramāt | janma sampadvipat kṣemaṃ nāmarkṣāttārakā imāḥ ||

प्रत्यरा धनदा षष्ठी नैधनामैत्रके परे । परमैत्रान्तिमा तारा जन्मतारा त्वशोभना ।।

pratyarā dhanadā ṣaṣṭhī naidhanāmaitrake pare | paramaitrāntimā tārā janmatārā tvaśobhanā ||

सम्पत्तारा महाश्रेष्ठा विपत्तारा तु निष्फला । क्षेमतारा सर्वकार्ये प्रत्परा अर्थनाशिनी ।।

sampattārā mahāśreṣṭhā vipattārā tu niṣphalā | kṣematārā sarvakārye pratparā arthanāśinī ||

धनदा राज्यलाभादि नैधना कार्यनाशिनी । मैत्रतारा च मित्राय परमित्रा हितावहा ।।

dhanadā rājyalābhādi naidhanā kāryanāśinī | maitratārā ca mitrāya paramitrā hitāvahā ||

मात्रा वै स्वरसञ्ज्ञा स्यान्नाममध्ये क्षिपेत प्रिये । विंशत्या च हरेद्भागं यच्छेषं तत फलं भवेत ।।

mātrā vai svarasañjñā syānnāmamadhye kṣipet priye | viṃśatyā ca haredbhāgaṃ yaccheṣaṃ tat phalaṃ bhavet ||

उभयोर्त्रासमध्ये तु लक्षयेच्च धनं ह्य ऋणं । हीनमात्रा ह्य ऋणं ज्ञेयन्धनं मात्राधिकं पुनः ।।

ubhayortrāsamadhye tu lakṣayecca dhanaṃ hy ṛṇaṃ | hīnamātrā hy ṛṇaṃ jñeyandhanaṃ mātrādhikaṃ punaḥ ||

धनेन मित्रता नॄणां ऋणेनैव ह्य उदासता । सेवाचक्रमिदं प्रोक्तं लाभालाभादिदर्शकं ।।

dhanena mitratā nṝṇāṃ ṛṇenaiva hy udāsatā | sevācakramidaṃ proktaṃ lābhālābhādidarśakaṃ ||

मेषमिथुनयोः प्रीतिर्मैत्री मिथुनसिंहयोः । तुलासिंहौ महामैत्री एवं धनुर्घटे पुनः ।।

meṣamithunayoḥ prītirmaitrī mithunasiṃhayoḥ | tulāsiṃhau mahāmaitrī evaṃ dhanurghaṭe punaḥ ||

मित्रसेवां न कुर्वीत मित्रौ मीनवृषौ मतौ । वृषकर्कटयोर्मैत्री कुलीरघटयोस तथा ।।

mitrasevāṃ na kurvīta mitrau mīnavṛṣau matau | vṛṣakarkaṭayormaitrī kulīraghaṭayos tathā ||

कन्यावृश्चिकयोरेवन्तथा मकरकीटयोः । मीनमकरयोर्मैत्री तृतीयैकादशे स्थिता ।।

kanyāvṛścikayorevantathā makarakīṭayoḥ | mīnamakarayormaitrī tṛtīyaikādaśe sthitā ||

तुलामेषौ महामैत्री विद्विष्टो वृषवृश्चिकौ । मिथुनधनुषोः प्रीतिः कर्कटमकरयोस तथा ।।

tulāmeṣau mahāmaitrī vidviṣṭo vṛṣavṛścikau | mithunadhanuṣoḥ prītiḥ karkaṭamakarayos tathā ||

//26 ।।

//26 ||