वक्ष्ये जयशुभाद्यर्थं सारं युद्धजयार्णवे । अ+इ+उ+ए+ओ स्वराः स्युः क्रमान्नन्दादिका तिथिः ।।

vakṣye jayaśubhādyarthaṃ sāraṃ yuddhajayārṇave | a+i+u+e+o svarāḥ syuḥ kramānnandādikā tithiḥ ||

कादिहान्ता भौमरवी ज्ञसोमौ गुरुभार्गवौ । शनिर्दक्षिणनाड्यान्तु भौमार्कशनयः परे ।।

kādihāntā bhaumaravī jñasomau gurubhārgavau | śanirdakṣiṇanāḍyāntu bhaumārkaśanayaḥ pare ||

खार्णवः खससैर गुण्यो रुद्रैर भागं समाहरेत । रसाहतन्तु तत कृत्वा पूर्वभागेन भाजयेत ।।

khārṇavaḥ khasasair guṇyo rudrair bhāgaṃ samāharet | rasāhatantu tat kṛtvā pūrvabhāgena bhājayet ||

वह्निभिश्चाहतं कृत्वा रूपन्तत्रैव निक्षिपेत । स्पन्दनं नाड्याः फलानि सप्राणस्पन्दनं पुनः ।।

vahnibhiścāhataṃ kṛtvā rūpantatraiva nikṣipet | spandanaṃ nāḍyāḥ phalāni saprāṇaspandanaṃ punaḥ ||

अनेनैव तु मानेन उदयन्ति दिने दिने । स्फुरणैस्रिभिरुच्छ्वास उच्छ्वासैस्तु पलं स्मृतम ।।

anenaiva tu mānena udayanti dine dine | sphuraṇaisribhirucchvāsa ucchvāsaistu palaṃ smṛtam ||

षष्टिभिश च पलैर लिप्ता लिप्ताषष्टिस्त्वहर्निशं । पञ्चमार्धोदये बालकुमारयुववृद्धकाः ।।

ṣaṣṭibhiś ca palair liptā liptāṣaṣṭistvaharniśaṃ | pañcamārdhodaye bālakumārayuvavṛddhakāḥ ||

मृत्युर्येनोदयस्तेन चास्तमेकादशांशकैः । कुलागमे भवेद्भङ्गः समृत्युः पञ्चमो ऽपिवा ।।

mṛtyuryenodayastena cāstamekādaśāṃśakaiḥ | kulāgame bhavedbhaṅgaḥ samṛtyuḥ pañcamo 'pivā ||

शनिचक्रे चार्धमासङ्ग्रहाणामुदयः क्रमात । विभागैः पञ्चदशभिः शनिभागस्तु मृत्युदः ।।

śanicakre cārdhamāsaṅgrahāṇāmudayaḥ kramāt | vibhāgaiḥ pañcadaśabhiḥ śanibhāgastu mṛtyudaḥ ||

दशकोतिसहस्राणि अर्वुदान्यर्वुदं हरेत । त्रयोदशे च लक्षाणि प्रमाणं कूर्मरूपिणः ।।

daśakotisahasrāṇi arvudānyarvudaṃ haret | trayodaśe ca lakṣāṇi pramāṇaṃ kūrmarūpiṇaḥ ||

मघादौ कृत्तिकाद्यन्तस्तद्देशान्तः शनिस्थितौ । राहुचक्रे च सप्तोर्धमधः सप्त च संलिखेत ।।

maghādau kṛttikādyantastaddeśāntaḥ śanisthitau | rāhucakre ca saptordhamadhaḥ sapta ca saṃlikhet ||

वाय्वग्न्योश चैव नैरृत्ये पूर्णिमाग्नेयभागतः । अभावास्यां वायवे च राहुर्वै तिथिरूपकः ।।

vāyvagnyoś caiva nairṛtye pūrṇimāgneyabhāgataḥ | abhāvāsyāṃ vāyave ca rāhurvai tithirūpakaḥ ||

रकारं दक्षभागे तु हकारं वायवे लिखेत । प्रतिपदादौ ककारादीन सकारं नैरृते पुनः ।।

rakāraṃ dakṣabhāge tu hakāraṃ vāyave likhet | pratipadādau kakārādīn sakāraṃ nairṛte punaḥ ||

राहोएमुखे तु भङ्गः स्यादिति राहुरुदाहृतः । विष्टिरग्नौ पौर्णमास्यां कराणीन्द्रे तृतीयकं ।।

rāhoemukhe tu bhaṅgaḥ syāditi rāhurudāhṛtaḥ | viṣṭiragnau paurṇamāsyāṃ karāṇīndre tṛtīyakaṃ ||

घोरा याम्यान्तु सप्तम्यां दशम्यां रौद्रसौम्यगा । चतुर्दश्यान्तु वायव्ये चतुर्थ्यां वरुणाश्रये ।।

ghorā yāmyāntu saptamyāṃ daśamyāṃ raudrasaumyagā | caturdaśyāntu vāyavye caturthyāṃ varuṇāśraye ||

शुक्लाष्टभ्यां दक्षिणे च एकादश्यां भृशन्त्यजेत । रौद्रश चैव तथा श्वेतो मैत्रः सारभटस तथा ।।

śuklāṣṭabhyāṃ dakṣiṇe ca ekādaśyāṃ bhṛśantyajet | raudraś caiva tathā śveto maitraḥ sārabhaṭas tathā ||

सावित्री विरोचनश च जयदेवो ऽभिजित्तथा । रावणो विजयश चैव नन्दी वरुण एव च ।।

sāvitrī virocanaś ca jayadevo 'bhijittathā | rāvaṇo vijayaś caiva nandī varuṇa eva ca ||

यमसौम्यौ भवश्चान्ते दशपञ्चमुहूर्तकाः । रौद्रे रौद्राणि कुर्वीत श्वेते स्नानादिकं चरेत ।।

yamasaumyau bhavaścānte daśapañcamuhūrtakāḥ | raudre raudrāṇi kurvīta śvete snānādikaṃ caret ||

मैत्रे कन्याविवाहादि शुभं सारभटे चरेत । सावित्रे स्थापनाद्यं वा विरोचने नृपक्रिया ।।

maitre kanyāvivāhādi śubhaṃ sārabhaṭe caret | sāvitre sthāpanādyaṃ vā virocane nṛpakriyā ||

जयदेवे जयं कुर्याद रावणे रणकर्म च । विजये कृषिवाणिज्यं पटबन्धं च नन्दिनि ।।

jayadeve jayaṃ kuryād rāvaṇe raṇakarma ca | vijaye kṛṣivāṇijyaṃ paṭabandhaṃ ca nandini ||

वरुणे च तडागादि नाशकर्म यमे चरेत । सौम्ये सौम्यादि कुर्वीत भवेल्लग्नमहर्दिवा ।।

varuṇe ca taḍāgādi nāśakarma yame caret | saumye saumyādi kurvīta bhavellagnamahardivā ||

योगा नाम्ना विरुद्धाः स्युर्योगा नाम्नैव शोभनाः । राहुरिन्द्रात्समीरञ्च वायोर्दक्षं यमाच्छिवम ।।

yogā nāmnā viruddhāḥ syuryogā nāmnaiva śobhanāḥ | rāhurindrātsamīrañca vāyordakṣaṃ yamācchivam ||

शिवादाप्यञ्जलादग्निरग्नेः सौम्यन्ततस्त्रयम । ततश च सङ्क्रमं हन्ति चतस्रो घटिकाभ्रमन ।।

śivādāpyañjalādagniragneḥ saumyantatastrayam | tataś ca saṅkramaṃ hanti catasro ghaṭikābhraman ||

चण्डीन्द्राणी वाराही च मुशली गिरिकर्णिका । बला चातिबला क्षीरी मल्लिकाजातियूथिकाः ।।

caṇḍīndrāṇī vārāhī ca muśalī girikarṇikā | balā cātibalā kṣīrī mallikājātiyūthikāḥ ||

यथालाभं धारयेत्ताः श्वेतार्कश च शतावरी । गुडूची वागुरी दिव्या ओषध्यो धारिता जये ।।

yathālābhaṃ dhārayettāḥ śvetārkaś ca śatāvarī | guḍūcī vāgurī divyā oṣadhyo dhāritā jaye ||

अनेनैव तु मन्त्रेण शिखाबन्धादिकृज्जये । तिलकञ्चाञ्जनञ्चैव धूपलेपनमेव च ।।

anenaiva tu mantreṇa śikhābandhādikṛjjaye | tilakañcāñjanañcaiva dhūpalepanameva ca ||

स्नानपानानि तैलानि योगधूलिमतः शृणु । शुभगा मनःशिला तालं लाक्षारससमन्वितं ।।

snānapānāni tailāni yogadhūlimataḥ śṛṇu | śubhagā manaḥśilā tālaṃ lākṣārasasamanvitaṃ ||

तरुणीक्षीरसंयुक्तो ललाटे तिलको वशे । विष्णुक्रान्ता च सर्पाक्षी सहदेवञ्च रोचना ।।

taruṇīkṣīrasaṃyukto lalāṭe tilako vaśe | viṣṇukrāntā ca sarpākṣī sahadevañca rocanā ||

अजादुग्धेन संपिष्टं तिलकोवश्यकारकः । प्रियङ्गुकुङ्कुमं कुष्ठं मोहनी तगरं घृतं ।।

ajādugdhena saṃpiṣṭaṃ tilakovaśyakārakaḥ | priyaṅgukuṅkumaṃ kuṣṭhaṃ mohanī tagaraṃ ghṛtaṃ ||

तिलको वश्यकृत्तच्च रोचना रक्तचन्दनं । निशा मनःशिला तालं प्रियङ्गुसर्षपास तथा ।।

tilako vaśyakṛttacca rocanā raktacandanaṃ | niśā manaḥśilā tālaṃ priyaṅgusarṣapās tathā ||

मोहनी हरिता क्रान्ता सहदेवी शिखा तथा । मातुलङ्गरसैः पिष्टं ललाटे तिलको वशे ।।

mohanī haritā krāntā sahadevī śikhā tathā | mātulaṅgarasaiḥ piṣṭaṃ lalāṭe tilako vaśe ||

सेन्द्राः सुरा वशं यान्ति किं पुनः क्षुद्रमानुषाः । मञ्जिष्ठा चन्दनं रक्तं कट्कन्दा विलासिनी ।।

sendrāḥ surā vaśaṃ yānti kiṃ punaḥ kṣudramānuṣāḥ | mañjiṣṭhā candanaṃ raktaṃ kaṭkandā vilāsinī ||

पुनर्नवासमायुक्तो लेपो ऽयं भास्करो वशे । चन्दनं नागपुष्पञ्च मञ्जिष्ठा तगरं वचा ।।

punarnavāsamāyukto lepo 'yaṃ bhāskaro vaśe | candanaṃ nāgapuṣpañca mañjiṣṭhā tagaraṃ vacā ||

लोध्नप्रियङ्गुरजनीमांसीतैलं वशङ्करं ।।

lodhnapriyaṅgurajanīmāṃsītailaṃ vaśaṅkaraṃ ||