ज्योतिःशास्त्रं प्रवक्ष्यामि शुभाशुभविवेकदं । चातुर्लक्षस्य सारं यत तज ज्ञात्वा सर्वविद्भवेत ।।

jyotiḥśāstraṃ pravakṣyāmi śubhāśubhavivekadaṃ | cāturlakṣasya sāraṃ yat taj jñātvā sarvavidbhavet ||

षडष्टके विवाहो न न च द्विद्वादशे स्त्रियाः । न त्रिकोणे ह्य अथ प्रीतिः शेषे च समसप्तके ।।

ṣaḍaṣṭake vivāho na na ca dvidvādaśe striyāḥ | na trikoṇe hy atha prītiḥ śeṣe ca samasaptake ||

द्विद्वादशे त्रिकोणे च मैत्रीक्षेत्रपयोर्यदि । भवेदेकाधिपत्यञ्च ताराप्रीतिरथापि वा ।।

dvidvādaśe trikoṇe ca maitrīkṣetrapayoryadi | bhavedekādhipatyañca tārāprītirathāpi vā ||

तथापि कार्यः संयोगो न तु षट्काष्टके पुनः । जीवे भृगौ चास्तमिते म्रियते च पुमान स्त्रिया ।।

tathāpi kāryaḥ saṃyogo na tu ṣaṭkāṣṭake punaḥ | jīve bhṛgau cāstamite mriyate ca pumān striyā ||

गुरुक्षेत्रगते सूर्ये सूर्यक्षेत्रगते गुरौ । विवाहं न प्रशंसन्ति कन्यावैधव्यकृद्भवेत ।।

gurukṣetragate sūrye sūryakṣetragate gurau | vivāhaṃ na praśaṃsanti kanyāvaidhavyakṛdbhavet ||

अतिचारे त्रिपक्षं स्याद्वक्रे मासचतुष्टयं । व्रतोद्वाहौ न कुर्वीत गुरोर्वक्रातिचारयोः ।।

aticāre tripakṣaṃ syādvakre māsacatuṣṭayaṃ | vratodvāhau na kurvīta gurorvakrāticārayoḥ ||

चैत्रे पौषे न रिक्तासु हरौ सुप्ते कुजे रवौ । चन्द्रक्षये चाशुभं स्यात सन्ध्याकालः शुभावहः ।।

caitre pauṣe na riktāsu harau supte kuje ravau | candrakṣaye cāśubhaṃ syāt sandhyākālaḥ śubhāvahaḥ ||

रोहिणी चोत्तरा मूलं स्वाती हस्तो ऽथ रेवती । तुले न मिथुने शस्तो विवाहः परिकीर्तितः ।।

rohiṇī cottarā mūlaṃ svātī hasto 'tha revatī | tule na mithune śasto vivāhaḥ parikīrtitaḥ ||

विवाहे कर्णबेधे च व्रते पुंसवने तथा । प्राशने चाद्यचूडायां बिद्धर्क्षञ्च विवर्जयेत ।।

vivāhe karṇabedhe ca vrate puṃsavane tathā | prāśane cādyacūḍāyāṃ biddharkṣañca vivarjayet ||

श्रवणे मूलपुष्ये च सूर्यमङ्गलजीवके । कुम्भे सिंहे च मिथुने कर्म पुंसवनं स्मृतं ।।

śravaṇe mūlapuṣye ca sūryamaṅgalajīvake | kumbhe siṃhe ca mithune karma puṃsavanaṃ smṛtaṃ ||

हस्ते मूले मृगे पौष्णे बुधे शुक्रे च निष्कृतिः । अर्केन्दुजीवभृगुजे मूले ताम्बूलभक्षणं ।।

haste mūle mṛge pauṣṇe budhe śukre ca niṣkṛtiḥ | arkendujīvabhṛguje mūle tāmbūlabhakṣaṇaṃ ||

अन्नस्य प्राशनं शुक्रे जीवे मृगे च मौनके । हस्तादिपञ्चके पुष्पे कृत्तिकादित्रये तथा ।।

annasya prāśanaṃ śukre jīve mṛge ca maunake | hastādipañcake puṣpe kṛttikāditraye tathā ||

अश्विन्यामथ रेवत्यां नवान्नफलभक्षणं । पुष्पा हस्ता तथा ज्येष्ठा रोहिणी श्रवणाश्विनौ ।।

aśvinyāmatha revatyāṃ navānnaphalabhakṣaṇaṃ | puṣpā hastā tathā jyeṣṭhā rohiṇī śravaṇāśvinau ||

स्वातिसौम्ये च भैषज्यं कुर्यादन्यत्र वर्जयेत । पूर्वात्रयं मघा याम्यं पावनं श्रवणत्रयं ।।

svātisaumye ca bhaiṣajyaṃ kuryādanyatra varjayet | pūrvātrayaṃ maghā yāmyaṃ pāvanaṃ śravaṇatrayaṃ ||

भौमादित्यशनेर्वारे स्नातव्यं रोगमुक्तितः । पार्थिवे चाष्टह्रींकारं मध्ये नाम च दिक्षु च ।।

bhaumādityaśanervāre snātavyaṃ rogamuktitaḥ | pārthive cāṣṭahrīṃkāraṃ madhye nāma ca dikṣu ca ||

ह्रीं पुटं पार्थिवे दिक्षु ह्रीं विदिक्षु लिखेद्वसून । गोरोचनाकुङ्कुमेन भूर्जे वस्त्रे गले धृतं ।।

hrīṃ puṭaṃ pārthive dikṣu hrīṃ vidikṣu likhedvasūn | gorocanākuṅkumena bhūrje vastre gale dhṛtaṃ ||

शत्रवो वशमायान्ति मन्त्रेणानेन निश्चितं । क्रमात ।।

śatravo vaśamāyānti mantreṇānena niścitaṃ | kramāt ||

गोरोचनाकुङ्कुमेन भुर्जे ऽथ सुभगावृते । गोमध्यवागमः पत्रे हरिद्राया रसेन च ।।

gorocanākuṅkumena bhurje 'tha subhagāvṛte | gomadhyavāgamaḥ patre haridrāyā rasena ca ||

शिलापट्टे ऽरीन स्तम्भयति भूमावधोमुखीकृटं । क्रमात ।।

śilāpaṭṭe 'rīn stambhayati bhūmāvadhomukhīkṛṭaṃ | kramāt ||

गोरोचनाकुङ्कुमेन भूर्जे मृत्युनिवारणं । एकपञ्चनवप्रीत्यै द्विषत्द्वादशयोगकाः ।।

gorocanākuṅkumena bhūrje mṛtyunivāraṇaṃ | ekapañcanavaprītyai dviṣatdvādaśayogakāḥ ||

त्रिसप्तैकादशे लाभो वेदाष्टद्वादशे रिपुः । तनुर्धनञ्च सहजः सुहृत सुतो रिपुस तथा ।।

trisaptaikādaśe lābho vedāṣṭadvādaśe ripuḥ | tanurdhanañca sahajaḥ suhṛt suto ripus tathā ||

जाया निधनधर्मौ च कर्मायव्ययकं क्रमात । स्फुटं मेसादिलग्नेषु नवताराबलं वदेत ।।

jāyā nidhanadharmau ca karmāyavyayakaṃ kramāt | sphuṭaṃ mesādilagneṣu navatārābalaṃ vadet ||

जन्म सम्पद्विपत क्षेमं प्रत्यरिः साधकः क्रमात । निधनं मित्रप्रममित्रं ताराबलं विदुः ।।

janma sampadvipat kṣemaṃ pratyariḥ sādhakaḥ kramāt | nidhanaṃ mitrapramamitraṃ tārābalaṃ viduḥ ||

धारे ज्ञगुरुशुक्राणां सूर्याचन्द्रमसोस तथा । माघादिमसाषट्के तु क्षीरमाद्यं प्रशस्यते ।।

dhāre jñaguruśukrāṇāṃ sūryācandramasos tathā | māghādimasāṣaṭke tu kṣīramādyaṃ praśasyate ||

कर्णबेधो बुधे जीवे पुष्ये श्रवणचित्रयोः । पञ्चमे ऽब्दे चाध्ययनं षष्ठीं प्रतिपदन्त्यजेत ।।

karṇabedho budhe jīve puṣye śravaṇacitrayoḥ | pañcame 'bde cādhyayanaṃ ṣaṣṭhīṃ pratipadantyajet ||

रिक्तां पञ्चदशीं भौमं प्रार्च्य वाणीं हरिं श्रियं । माघादिमासषत्के तु मखलाबन्धनं शुभं ।।

riktāṃ pañcadaśīṃ bhaumaṃ prārcya vāṇīṃ hariṃ śriyaṃ | māghādimāsaṣatke tu makhalābandhanaṃ śubhaṃ ||

चूडाकरणकाद्यञ्च श्रवणादौ न शस्यते । अस्तं याते गुरो शुक्रे क्षीणे च शशलाञ्छने ।।

cūḍākaraṇakādyañca śravaṇādau na śasyate | astaṃ yāte guro śukre kṣīṇe ca śaśalāñchane ||

उपनीतस्य विप्रस्य मृत्युं जाड्यं विनिर्दिशेत । क्षौरर्क्षे शुभवारे च समावर्तनमिष्यते ।।

upanītasya viprasya mṛtyuṃ jāḍyaṃ vinirdiśet | kṣaurarkṣe śubhavāre ca samāvartanamiṣyate ||

शुभक्षेत्रे विलग्नेषु शुभयुक्तेक्षितेषु च । अश्विनीमघाचित्रासु स्वातीयाम्योत्तरासु च ।।

śubhakṣetre vilagneṣu śubhayuktekṣiteṣu ca | aśvinīmaghācitrāsu svātīyāmyottarāsu ca ||

पुनर्वसौ तथा पुष्ये धनुर्वेदः प्रशस्यते । भरण्यार्द्रा मघाश्लेषा वह्निभगर्क्षयोस तथा ।।

punarvasau tathā puṣye dhanurvedaḥ praśasyate | bharaṇyārdrā maghāśleṣā vahnibhagarkṣayos tathā ||

जिजीविषुर न कुर्वीत वस्त्रप्रावरणं नरः । गुरौ शुक्रे बुधे वस्त्रं विवाहादौ न भादिकं ।।

jijīviṣur na kurvīta vastraprāvaraṇaṃ naraḥ | gurau śukre budhe vastraṃ vivāhādau na bhādikaṃ ||

रेवत्यश्विधनिष्ठासु हस्तादिषु च पञ्चसु । शङ्खविद्रुमरत्नानां परिधानं प्रशस्यते ।।

revatyaśvidhaniṣṭhāsu hastādiṣu ca pañcasu | śaṅkhavidrumaratnānāṃ paridhānaṃ praśasyate ||

याम्यसर्पधनिष्ठासु त्रिषु पूर्वेषु वारुणे । क्रीतं हानिकरं द्रव्यं विक्रीतं लाभकृद्भवेत ।।

yāmyasarpadhaniṣṭhāsu triṣu pūrveṣu vāruṇe | krītaṃ hānikaraṃ dravyaṃ vikrītaṃ lābhakṛdbhavet ||

अश्विनीस्वातिचित्रासु रेवत्यां वारुणे हरौ । क्रीतं लाभकरं द्रवयं विक्रीतं हानिकृद्भवेत ।।

aśvinīsvāticitrāsu revatyāṃ vāruṇe harau | krītaṃ lābhakaraṃ dravayaṃ vikrītaṃ hānikṛdbhavet ||

भरणी त्रीणि पूर्वाणि आर्द्राश्लेषा मघानिलाः । वह्निज्येष्टाविशाखासु स्वामिनो नोपतिष्ठते ।।

bharaṇī trīṇi pūrvāṇi ārdrāśleṣā maghānilāḥ | vahnijyeṣṭāviśākhāsu svāmino nopatiṣṭhate ||

द्रव्यं दत्तं प्रयुक्तं वा यत्र निक्षिप्यते धनं । उत्तरे श्रवणे शाक्रे कुर्याद्राजाभिषेचनं ।।

dravyaṃ dattaṃ prayuktaṃ vā yatra nikṣipyate dhanaṃ | uttare śravaṇe śākre kuryādrājābhiṣecanaṃ ||

चैत्रं ज्येष्ठं तथा भाद्रमाश्विनं पौषमेव च । माघं चैव परित्यज्य शेषमासे गृहं शुभं ।।

caitraṃ jyeṣṭhaṃ tathā bhādramāśvinaṃ pauṣameva ca | māghaṃ caiva parityajya śeṣamāse gṛhaṃ śubhaṃ ||

अश्विनी रोहिणी मूलमुत्तरात्रयमैन्दवं । स्वाती हस्तानुराधा च गृहारम्भे प्रशस्यते ।।

aśvinī rohiṇī mūlamuttarātrayamaindavaṃ | svātī hastānurādhā ca gṛhārambhe praśasyate ||

आदित्यभौमवर्जन्तु वापीप्रासादके तथा । सिंहराशिगते जीवे गुर्वादित्ये मलिम्लुचे ।।

ādityabhaumavarjantu vāpīprāsādake tathā | siṃharāśigate jīve gurvāditye malimluce ||

बाले वृद्धे ऽस्तगे शुक्रे गृहकर्म विवर्जयेत । अग्निदाहो भयं रोगो राजपीडा धनक्षतिः ।।

bāle vṛddhe 'stage śukre gṛhakarma vivarjayet | agnidāho bhayaṃ rogo rājapīḍā dhanakṣatiḥ ||

सङ्ग्रहे तृणकाष्ठानां कृते श्रवणपञ्चके । गृहप्रवेशनं कुर्याद्धनिष्ठोत्तरवारुणे ।।

saṅgrahe tṛṇakāṣṭhānāṃ kṛte śravaṇapañcake | gṛhapraveśanaṃ kuryāddhaniṣṭhottaravāruṇe ||

नौकाया घटने द्वित्रिपञ्चसप्तत्रयोदशी । नृपदर्शी धनिष्ठासु हस्तापौष्णाश्विनीषु च ।।

naukāyā ghaṭane dvitripañcasaptatrayodaśī | nṛpadarśī dhaniṣṭhāsu hastāpauṣṇāśvinīṣu ca ||

पूर्वात्रयन्धनिष्ठार्द्रा वह्निः सौम्यविशाखयोः । अश्लेषा चाश्विनी चैव यात्रासिद्धिस्तु सम्पदा ।।

pūrvātrayandhaniṣṭhārdrā vahniḥ saumyaviśākhayoḥ | aśleṣā cāśvinī caiva yātrāsiddhistu sampadā ||

त्रिषूत्तरेषु रोहिण्यां सिनीबाली चतुर्दशी । श्रवणा चैव हस्ता च चित्रा च वैष्णवी तथा ।।

triṣūttareṣu rohiṇyāṃ sinībālī caturdaśī | śravaṇā caiva hastā ca citrā ca vaiṣṇavī tathā ||

गोष्ठयात्रां न कुर्वीत प्रवेशं नैव कारयेत । अनिलोत्तररोहिण्यां मृगमूलपुनर्वसौ ।।

goṣṭhayātrāṃ na kurvīta praveśaṃ naiva kārayet | anilottararohiṇyāṃ mṛgamūlapunarvasau ||

पुष्यश्रवणहस्तेषु कृषिकर्म समाचरेत । पुनर्वसूत्तरास्वातीभगमूलेन्द्रवारुणे ।।

puṣyaśravaṇahasteṣu kṛṣikarma samācaret | punarvasūttarāsvātībhagamūlendravāruṇe ||

गुरोः शुक्रस्य वारे वा वारे च सोमभास्वतोः । वृषलग्ने च कर्तव्यङ्कन्यायां मिथुने तथा ।।

guroḥ śukrasya vāre vā vāre ca somabhāsvatoḥ | vṛṣalagne ca kartavyaṅkanyāyāṃ mithune tathā ||

द्विपञ्च दशमी सप्त तृतीया च त्रयोदशी । रेवतीरोहिणीन्द्राग्निहस्तमैत्रोत्तरेषु च ।।

dvipañca daśamī sapta tṛtīyā ca trayodaśī | revatīrohiṇīndrāgnihastamaitrottareṣu ca ||

मन्दारवर्जं वीजानि वापयेत सम्पदर्थ्यपि । रेवतीहस्तमूलेषु श्रवणे भगमैत्रयोः ।।

mandāravarjaṃ vījāni vāpayet sampadarthyapi | revatīhastamūleṣu śravaṇe bhagamaitrayoḥ ||

पितृदैवे तथा सौम्ये धान्यच्छेदं मृगोदये । हस्तचित्रादितिस्वातौ रेवत्यां श्रवणत्रये ।।

pitṛdaive tathā saumye dhānyacchedaṃ mṛgodaye | hastacitrāditisvātau revatyāṃ śravaṇatraye ||

स्थिरे लग्ने गुरोर्वारे अथ भार्गवसौम्ययोः । याम्यादितिमघाज्येष्ठासूतरेषु प्रवेशयेत ।।

sthire lagne gurorvāre atha bhārgavasaumyayoḥ | yāmyāditimaghājyeṣṭhāsūtareṣu praveśayet ||

पत्रस्थं लिखितं धान्यराशिस्थं धान्यवर्धनं । त्रिपूर्वासु विशाखायां धनिष्ठावारुणे ऽपि च ।।

patrasthaṃ likhitaṃ dhānyarāśisthaṃ dhānyavardhanaṃ | tripūrvāsu viśākhāyāṃ dhaniṣṭhāvāruṇe 'pi ca ||

एतेषु षट्सु विज्ञेयं धान्यनिष्क्रमणं बुधैः । देवतारामवाप्यादिप्रतिष्ठोदङ्मुखे रवौ ।।

eteṣu ṣaṭsu vijñeyaṃ dhānyaniṣkramaṇaṃ budhaiḥ | devatārāmavāpyādipratiṣṭhodaṅmukhe ravau ||

मिथुनस्थे रवौ दर्शाद्यादि स्याद द्वादशी तिथिः । सदा तत्रैव कर्तव्यं शयनं चक्रपाणिनः ।।

mithunasthe ravau darśādyādi syād dvādaśī tithiḥ | sadā tatraiva kartavyaṃ śayanaṃ cakrapāṇinaḥ ||

सिंहतौलिङ्गते चार्के दर्शाद्यद्वादशीद्वयं । आदाविन्द्रसमुप्त्यानं प्रबोधश च हरेः क्रमात ।।

siṃhatauliṅgate cārke darśādyadvādaśīdvayaṃ | ādāvindrasamuptyānaṃ prabodhaś ca hareḥ kramāt ||

तथा कन्यागते भानौ दुर्गोप्त्याने तथाष्टमी । त्रिपादेषु च ऋक्षेषु यदा भद्रा तिथिर्भवेत ।।

tathā kanyāgate bhānau durgoptyāne tathāṣṭamī | tripādeṣu ca ṛkṣeṣu yadā bhadrā tithirbhavet ||

भौमादित्यशनैश्चारि विज्ञेयं तत त्रिपुष्करं । सर्वकर्मण्युपादेया विशुद्धिश चन्द्रतरयोः ।।

bhaumādityaśanaiścāri vijñeyaṃ tat tripuṣkaraṃ | sarvakarmaṇyupādeyā viśuddhiś candratarayoḥ ||

जन्माश्रितस्त्रिषष्ठश च सप्तमो दशमस तथा । एकादशः शशी येषान्तेषामेव शुभं वदेत ।।

janmāśritastriṣaṣṭhaś ca saptamo daśamas tathā | ekādaśaḥ śaśī yeṣānteṣāmeva śubhaṃ vadet ||

शुक्लपक्षे द्वीतीयश च पञ्चमो नवमः शुभः । मित्रातिमित्रसाधकसपत्क्षेमादितारकाः ।।

śuklapakṣe dvītīyaś ca pañcamo navamaḥ śubhaḥ | mitrātimitrasādhakasapatkṣemāditārakāḥ ||

जन्मना मृत्युमाप्नोति विपदा धनसङ्क्षयं । प्रत्यरौ मरणं विद्यान्निधने याति पञ्चतां ।।

janmanā mṛtyumāpnoti vipadā dhanasaṅkṣayaṃ | pratyarau maraṇaṃ vidyānnidhane yāti pañcatāṃ ||

यावच्छुक्लाष्टमीदिनं । तावत कालं शशी क्षीणः पूर्णस्तत्रोपरि स्मृतः ।।

yāvacchuklāṣṭamīdinaṃ | tāvat kālaṃ śaśī kṣīṇaḥ pūrṇastatropari smṛtaḥ ||

वृषे च मिथुने भानौ जीवे चन्द्रेन्द्रदैवते । पौर्णमासी गुरोर्वारे महाज्यौष्ठी प्रकीर्तिता ।।

vṛṣe ca mithune bhānau jīve candrendradaivate | paurṇamāsī gurorvāre mahājyauṣṭhī prakīrtitā ||

ऐन्द्रे गुरुः शशी चैव प्राजापत्ये रविस तथा । पूर्णिमा ज्येष्ठमासस्य महाज्यौष्ठी प्रकीर्तिता ।।

aindre guruḥ śaśī caiva prājāpatye ravis tathā | pūrṇimā jyeṣṭhamāsasya mahājyauṣṭhī prakīrtitā ||

स्वात्यन्तरे यन्त्रनिष्ठे शक्रस्योत्थापयेद ध्वजं । हर्यृक्षपादे चाश्विन्यां सप्ताहान्ते विसर्जयेत ।।

svātyantare yantraniṣṭhe śakrasyotthāpayed dhvajaṃ | haryṛkṣapāde cāśvinyāṃ saptāhānte visarjayet ||

सर्वं हेमसमन्दानं सर्वे ब्रह्मसमा द्विजाः । सर्वं गङ्गासमन्तोयं राहुग्रस्ते दिवाकरे ।।

sarvaṃ hemasamandānaṃ sarve brahmasamā dvijāḥ | sarvaṃ gaṅgāsamantoyaṃ rāhugraste divākare ||

ध्वाङ्क्षी महोदरी घोरा मन्दा मन्दाकिनी द्विजाः । राक्षसी च क्रमेणार्कात्सङ्क्रान्तिर्नामभिः स्मृता ।।

dhvāṅkṣī mahodarī ghorā mandā mandākinī dvijāḥ | rākṣasī ca krameṇārkātsaṅkrāntirnāmabhiḥ smṛtā ||

बालवे कौलवे नागे तैतिले करणे यदि । उत्तिष्ठन सङ्क्रमत्यर्क्रस्तदा लोकः सुखी भवेत ।।

bālave kaulave nāge taitile karaṇe yadi | uttiṣṭhan saṅkramatyarkrastadā lokaḥ sukhī bhavet ||

गरे ववे वणिग्विष्टौ किन्तुघ्ने शकुनौ व्रजेत । राज्ञो दोषेण लोको ऽयम्पीड्यते सम्पदा समं ।।

gare vave vaṇigviṣṭau kintughne śakunau vrajet | rājño doṣeṇa loko 'yampīḍyate sampadā samaṃ ||

चतुष्पाद्विष्टिवाणिज्ये शयितः सङ्क्रमेद्रविः । दुर्भिक्षं राजसङ्ग्रामो दम्पत्योः संशयो भवेत ।।

catuṣpādviṣṭivāṇijye śayitaḥ saṅkramedraviḥ | durbhikṣaṃ rājasaṅgrāmo dampatyoḥ saṃśayo bhavet ||

आधाने जन्मनक्षत्रे व्याधौ क्लेशादिकं भवेत । कृत्तिकायान्नवदिनन्त्रिरात्रं रोहिणीषु च ।।

ādhāne janmanakṣatre vyādhau kleśādikaṃ bhavet | kṛttikāyānnavadinantrirātraṃ rohiṇīṣu ca ||

मृगशिरःपञ्चरात्रं आर्द्रासु प्राणनाशनं । पुनर्वसौ च पुष्ये च सप्तरात्रं विधीयते ।।

mṛgaśiraḥpañcarātraṃ ārdrāsu prāṇanāśanaṃ | punarvasau ca puṣye ca saptarātraṃ vidhīyate ||

नवरात्रं तथाश्लेषा श्मशानान्तं मघासु च । द्वौ मासौ पूर्वफाल्गुन्यामुत्तरासु त्रिपञ्चकम ।।

navarātraṃ tathāśleṣā śmaśānāntaṃ maghāsu ca | dvau māsau pūrvaphālgunyāmuttarāsu tripañcakam ||

हस्ते तु दृश्यते चित्रा अर्धमासन्तु पीडनम । मासद्वयन्तथा स्वातिर्विशाखा विंशतिर्दिनं ।।

haste tu dṛśyate citrā ardhamāsantu pīḍanam | māsadvayantathā svātirviśākhā viṃśatirdinaṃ ||

मैत्रे चैव दशाहानि ज्येष्ठास्वेवार्धमासकम । मूले न जायते मोक्षः पूर्वाषाढा त्रिपञ्चकम ।।

maitre caiva daśāhāni jyeṣṭhāsvevārdhamāsakam | mūle na jāyate mokṣaḥ pūrvāṣāḍhā tripañcakam ||

उत्तरा दिनविंशत्या द्वौ मासौ श्रवणेन च । धनिष्ठा चार्धमासञ्च वारुणे च दशाहकम ।।

uttarā dinaviṃśatyā dvau māsau śravaṇena ca | dhaniṣṭhā cārdhamāsañca vāruṇe ca daśāhakam ||

न च भाद्रपदे मोक्ष उत्तरासु त्रिपञ्चकम । रेवती दशरात्रञ्च अहोरात्रन्तथाश्विनी । दशाब्दानि दशा पङ्गोरूनविंशद्गुरोर्दृशा । राहोर्द्वादशवर्षाणि भार्गवस्यैकविंशतिः ।।

na ca bhādrapade mokṣa uttarāsu tripañcakam | revatī daśarātrañca ahorātrantathāśvinī | daśābdāni daśā paṅgorūnaviṃśadgurordṛśā | rāhordvādaśavarṣāṇi bhārgavasyaikaviṃśatiḥ ||

भरण्यां प्राणहानिः स्याद गायत्रीहोमतः शुभं । पञ्चधान्यतिलाज्याद्यैर धेनुदानन्द्विजे शमं ।।

bharaṇyāṃ prāṇahāniḥ syād gāyatrīhomataḥ śubhaṃ | pañcadhānyatilājyādyair dhenudānandvije śamaṃ ||

दशा सूर्यस्य षष्ठाब्दा इन्दोः पञ्चदशैव तु । अष्टौ वर्षाणि भौमस्य दशसप्तदशा बुधे ।।

daśā sūryasya ṣaṣṭhābdā indoḥ pañcadaśaiva tu | aṣṭau varṣāṇi bhaumasya daśasaptadaśā budhe ||