वक्ष्ये सूर्यप्रतिष्ठाञ्च पूर्ववन्मण्डपादिकं । स्नानादिकञ्च सम्याद्य पूर्वोक्तविधिना ततः ।।

vakṣye sūryapratiṣṭhāñca pūrvavanmaṇḍapādikaṃ | snānādikañca samyādya pūrvoktavidhinā tataḥ ||

विद्यामासनशय्यायां साङ्गं विन्यस्य भास्करं । त्रितत्त्वं विन्यसेत्तत्र सस्वरं खादिपञ्चकं ।।

vidyāmāsanaśayyāyāṃ sāṅgaṃ vinyasya bhāskaraṃ | tritattvaṃ vinyasettatra sasvaraṃ khādipañcakaṃ ||

शुद्ध्यादि पूर्ववत कृत्वा पिण्डीं संशोध्य पूर्ववत । सदेशपदपर्यन्तं विन्यस्य तत्त्वपञ्चकं ।।

śuddhyādi pūrvavat kṛtvā piṇḍīṃ saṃśodhya pūrvavat | sadeśapadaparyantaṃ vinyasya tattvapañcakaṃ ||

शक्त्या च सर्वतोमुख्या संस्थाप्य विधिवततः । स्वाणुना विधिवत सूर्यं शक्त्यन्तं स्थापयेद्गुरुः ।।

śaktyā ca sarvatomukhyā saṃsthāpya vidhivatataḥ | svāṇunā vidhivat sūryaṃ śaktyantaṃ sthāpayedguruḥ ||

स्वाम्यन्तमथवादित्यं पादान्तन्नाम धारयेत । सूर्यमन्त्रास्तु पूर्वोक्ता द्रष्टव्याः स्थापनेपि च ।।

svāmyantamathavādityaṃ pādāntannāma dhārayet | sūryamantrāstu pūrvoktā draṣṭavyāḥ sthāpanepi ca ||