वक्ष्ये लिङ्गप्रतिष्ठां च प्रासादे भुक्तिमुक्तिदां । ताश चरेत सर्वदा मुक्तौ भुक्तौ देवदिने सति ।।

vakṣye liṅgapratiṣṭhāṃ ca prāsāde bhuktimuktidāṃ | tāś caret sarvadā muktau bhuktau devadine sati ||

विना चैत्रेण माघादौ प्रतिष्ठा मासपञ्चके । गुरुशुक्रोदये कार्या प्रथमे करणेत्रये ।।

vinā caitreṇa māghādau pratiṣṭhā māsapañcake | guruśukrodaye kāryā prathame karaṇetraye ||

शुक्लपक्षे विशेषेण कृष्णे वा पञ्चमन्दिनं । चतुर्थीं नवमीं षष्ठीं वर्जयित्वा चतुर्दशीं ।।

śuklapakṣe viśeṣeṇa kṛṣṇe vā pañcamandinaṃ | caturthīṃ navamīṃ ṣaṣṭhīṃ varjayitvā caturdaśīṃ ||

शोभनास्तिथयः शषाः क्रूरवारविवर्जिताः । शतभिषा धनिष्ठार्द्रा अनुरोधोत्तरत्रयं ।।

śobhanāstithayaḥ śaṣāḥ krūravāravivarjitāḥ | śatabhiṣā dhaniṣṭhārdrā anurodhottaratrayaṃ ||

रोहिणी श्रवणश्चेति स्थिरारम्भे महोदयाः । लग्नञ्च कुम्भसिंहालितुलास्त्रीवृषधन्विनां ।।

rohiṇī śravaṇaśceti sthirārambhe mahodayāḥ | lagnañca kumbhasiṃhālitulāstrīvṛṣadhanvināṃ ||

शस्तो जीवो नवर्क्षेषु सप्तस्थानेषु सर्वदा । बुधः षडष्टदिक्सप्ततुर्येषु विनर्तुं शितः ।।

śasto jīvo navarkṣeṣu saptasthāneṣu sarvadā | budhaḥ ṣaḍaṣṭadiksaptaturyeṣu vinartuṃ śitaḥ ||

सप्तर्तुत्रिदशादिस्थः शशाङ्कोबलदः सदा । रविर्दशत्रिषट्संस्थो राहुस्त्रिदशषड्गतः ।।

saptartutridaśādisthaḥ śaśāṅkobaladaḥ sadā | ravirdaśatriṣaṭsaṃstho rāhustridaśaṣaḍgataḥ ||

षट्त्रिस्थानगताः शस्ता मन्दाङ्गारार्ककेतवः । शुभ्राः क्रूरश च पापाश च सर्व एकादशस्थिताः ।।

ṣaṭtristhānagatāḥ śastā mandāṅgārārkaketavaḥ | śubhrāḥ krūraś ca pāpāś ca sarva ekādaśasthitāḥ ||

एषां दृष्टिर्मुनौ पूर्णा त्वार्धिकी ग्रहभूतयोः । पादिकी रामदिक्स्थाने चतुरष्टौ पादवर्जिता ।।

eṣāṃ dṛṣṭirmunau pūrṇā tvārdhikī grahabhūtayoḥ | pādikī rāmadiksthāne caturaṣṭau pādavarjitā ||

पादान्यूनचतुर्नाडी भोगः स्यान्मीनमेषयोः । वृषकुम्भौ च भुञ्जाते चतस्रः पादवर्जिताः ।।

pādānyūnacaturnāḍī bhogaḥ syānmīnameṣayoḥ | vṛṣakumbhau ca bhuñjāte catasraḥ pādavarjitāḥ ||

मकरो मिथुनं पञ्च चापालिहरिकर्कटाः । पादीनाः षट तुलाकन्ये घटिकाः सार्धपञ्च च ।।

makaro mithunaṃ pañca cāpāliharikarkaṭāḥ | pādīnāḥ ṣaṭ tulākanye ghaṭikāḥ sārdhapañca ca ||

केशरी वृषभः कुम्भः स्थिराः स्युः सिद्धिदायकाः । चरा धनुस्तुलामेषा द्विःस्वभावास्तृतीयकाः ।।

keśarī vṛṣabhaḥ kumbhaḥ sthirāḥ syuḥ siddhidāyakāḥ | carā dhanustulāmeṣā dviḥsvabhāvāstṛtīyakāḥ ||

शुभाश्रितः । गुरुशुक्रबुधे युक्तो लग्नो दद्याद्बलायुधी ।।

śubhāśritaḥ | guruśukrabudhe yukto lagno dadyādbalāyudhī ||

राज्यं शौर्यं बलं पुत्रान यशोधर्मादिकं बहु । प्रथमः सप्तमस्तुर्यो दशमः केन्द्र उच्यते ।।

rājyaṃ śauryaṃ balaṃ putrān yaśodharmādikaṃ bahu | prathamaḥ saptamasturyo daśamaḥ kendra ucyate ||

गुरुशुक्रबुधास्तत्र सर्वसिद्धिप्रसादकाः । त्र्येकादशचतुर्थस्था लग्नात पापग्रहाः शुभाः ।।

guruśukrabudhāstatra sarvasiddhiprasādakāḥ | tryekādaśacaturthasthā lagnāt pāpagrahāḥ śubhāḥ ||

अतोप्यनीचकर्माथं योज्यास्तिथ्यादयो बुधैः । धाम्नः पञ्चगुणां भूमिं त्यक्त्वा वा धानसम्मितां ।।

atopyanīcakarmāthaṃ yojyāstithyādayo budhaiḥ | dhāmnaḥ pañcaguṇāṃ bhūmiṃ tyaktvā vā dhānasammitāṃ ||

हस्ताद द्वादशसोपानात कुर्यान्मण्डमग्रतः । चतुरस्रं चतुर्द्वारं स्नानार्थन्तु तदर्धतः ।।

hastād dvādaśasopānāt kuryānmaṇḍamagrataḥ | caturasraṃ caturdvāraṃ snānārthantu tadardhataḥ ||

एकास्यं चतुरास्यं वा रौद्र्यां प्राच्युत्तरेथवा । हास्तिको दशहस्तो वै मण्डपोर्ककरो ऽथवा ।।

ekāsyaṃ caturāsyaṃ vā raudryāṃ prācyuttarethavā | hāstiko daśahasto vai maṇḍaporkakaro 'thavā ||

द्विहस्तोत्तरया वृद्ध्या शेषं स्यान्मण्डपाष्टकं । वेदी चतुष्करा मध्ये कोणस्तम्भेन संयुता ।।

dvihastottarayā vṛddhyā śeṣaṃ syānmaṇḍapāṣṭakaṃ | vedī catuṣkarā madhye koṇastambhena saṃyutā ||

वेदीपादान्तरं त्यक्त्वा कुण्डानि नव पञ्च वा । एकं वा शिवकाष्ठायां प्राच्यां वा तद्गुरोः परं ।।

vedīpādāntaraṃ tyaktvā kuṇḍāni nava pañca vā | ekaṃ vā śivakāṣṭhāyāṃ prācyāṃ vā tadguroḥ paraṃ ||

मुष्टिमात्रं शतार्धे स्याच्छते चारत्रिमात्रकं । हस्तं सहस्रहोमे स्यान्नियुते तु द्विहास्तिकं ।।

muṣṭimātraṃ śatārdhe syācchate cāratrimātrakaṃ | hastaṃ sahasrahome syānniyute tu dvihāstikaṃ ||

लक्षे चतुष्कारं कुण्डं कोटिहोमे ऽष्टहस्तकं । भगाभमग्नौ खण्डेन्दु दक्षे त्र्यस्रञ्च नैरृते ।।

lakṣe catuṣkāraṃ kuṇḍaṃ koṭihome 'ṣṭahastakaṃ | bhagābhamagnau khaṇḍendu dakṣe tryasrañca nairṛte ||

षडस्रं वायवे पद्मं सौम्ये चाष्टास्रकं शिवे । तिर्यक्पातशिवं खातमूर्ध्वं मेखलया सह ।।

ṣaḍasraṃ vāyave padmaṃ saumye cāṣṭāsrakaṃ śive | tiryakpātaśivaṃ khātamūrdhvaṃ mekhalayā saha ||

तद्वहिर्मेखलास्तिस्रो वेदवह्नियमाङ्गुलैः । अङ्गुलैः षड्भिरेका वा कुण्डाकारास्तु मेखलाः ।।

tadvahirmekhalāstisro vedavahniyamāṅgulaiḥ | aṅgulaiḥ ṣaḍbhirekā vā kuṇḍākārāstu mekhalāḥ ||

तासामुपरि योनिः स्यान्मध्ये ऽश्वत्थदलाकृतिः । उच्छ्रायेणाङ्गुलं तस्माद्विस्तारेणाङ्गुलाष्टकं ।।

tāsāmupari yoniḥ syānmadhye 'śvatthadalākṛtiḥ | ucchrāyeṇāṅgulaṃ tasmādvistāreṇāṅgulāṣṭakaṃ ||

दैर्घ्यं कुण्डार्धमानेन कुण्डकण्ठसमो ऽधरः । पूर्वाग्नियाम्यकुण्डानां योनिः स्यादुत्तरानना ।।

dairghyaṃ kuṇḍārdhamānena kuṇḍakaṇṭhasamo 'dharaḥ | pūrvāgniyāmyakuṇḍānāṃ yoniḥ syāduttarānanā ||

पूर्वानना तु शेषाणामैशान्ये ऽन्यतरा तयोः । कुण्डानां यश चतुर्विंशो भागः सोङ्गुल इत्य अतः ।।

pūrvānanā tu śeṣāṇāmaiśānye 'nyatarā tayoḥ | kuṇḍānāṃ yaś caturviṃśo bhāgaḥ soṅgula ity ataḥ ||

प्लक्षोदुम्वरकाश्वत्थवटजास्तोरणाः क्रमात । शान्तिभूतिबलारोग्यपूर्वाद्या नामतः क्रमात ।।

plakṣodumvarakāśvatthavaṭajāstoraṇāḥ kramāt | śāntibhūtibalārogyapūrvādyā nāmataḥ kramāt ||

पञ्चषट्सप्तहस्तानि हस्तखातस्थितानि च । तदर्धविस्तराणि स्युर्युतान्याम्रदलादिभिः ।।

pañcaṣaṭsaptahastāni hastakhātasthitāni ca | tadardhavistarāṇi syuryutānyāmradalādibhiḥ ||

इन्द्रायुधोपमा रक्ता कृष्णा धूम्रा शशिप्रभा । शुक्लाभा हेमवर्णा च पताका स्फाटिकोपमा ।।

indrāyudhopamā raktā kṛṣṇā dhūmrā śaśiprabhā | śuklābhā hemavarṇā ca patākā sphāṭikopamā ||

पूर्वादितोब्जजे रक्ता नीलानन्तस्य नैरृते । पञ्चहस्तास्तदर्धाश च ध्वजा दीर्घाश च विस्तराः ।।

pūrvāditobjaje raktā nīlānantasya nairṛte | pañcahastāstadardhāś ca dhvajā dīrghāś ca vistarāḥ ||

हस्तप्रदेशिता दण्डा ध्वजानां पञ्चहस्तकाः । वल्मीकाद्दन्तिदन्ताग्रात्तथा वृषभशृङ्गतः ।।

hastapradeśitā daṇḍā dhvajānāṃ pañcahastakāḥ | valmīkāddantidantāgrāttathā vṛṣabhaśṛṅgataḥ ||

पद्मषण्डाद्वराहाञ्च गोष्ठादपि चतुष्पथात । मृत्तिका द्वादश ग्राह्या वैकुण्ठेष्टौ पिनाकिनि ।।

padmaṣaṇḍādvarāhāñca goṣṭhādapi catuṣpathāt | mṛttikā dvādaśa grāhyā vaikuṇṭheṣṭau pinākini ||

न्यग्रोधोदुम्वराश्वत्थचूतजम्वुत्वगुद्भवं । कषायपञ्चकं ग्राह्यमार्तवञ्च फलाष्टकं ।।

nyagrodhodumvarāśvatthacūtajamvutvagudbhavaṃ | kaṣāyapañcakaṃ grāhyamārtavañca phalāṣṭakaṃ ||

तीर्थाम्भांसि सुगन्धीनि तथा सर्वौषधीजलं । शस्तं पुष्पफलं वक्ष्ये रत्नगोशृङ्गवारि च ।।

tīrthāmbhāṃsi sugandhīni tathā sarvauṣadhījalaṃ | śastaṃ puṣpaphalaṃ vakṣye ratnagośṛṅgavāri ca ||

स्नानायापाहरेत पञ्च पञ्चगव्यामृतं तथा । पिष्टनिर्मितवस्त्रादिद्रव्यं निर्मञ्जनाय च ।।

snānāyāpāharet pañca pañcagavyāmṛtaṃ tathā | piṣṭanirmitavastrādidravyaṃ nirmañjanāya ca ||

सहस्रशुषिरं कुम्भं मण्डलाय च रोचना । शतमोषधिमूलानां विजया लक्ष्मणा बला ।।

sahasraśuṣiraṃ kumbhaṃ maṇḍalāya ca rocanā | śatamoṣadhimūlānāṃ vijayā lakṣmaṇā balā ||

गुडूच्यतिबला पाठा सहदेवा शतावरी । ऋद्धिः सुवर्चसा वृद्धिः स्नाने प्रोक्ता पृथक पृथक ।।

guḍūcyatibalā pāṭhā sahadevā śatāvarī | ṛddhiḥ suvarcasā vṛddhiḥ snāne proktā pṛthak pṛthak ||

रक्षायै तिलदर्भौघो भस्मस्नानन्तु केवलं । यवगोधूमविल्वानां चूर्णानि च विचक्षणः ।।

rakṣāyai tiladarbhaugho bhasmasnānantu kevalaṃ | yavagodhūmavilvānāṃ cūrṇāni ca vicakṣaṇaḥ ||

विलेपनं सकर्पूरं स्नानार्थं कुम्भगण्डकान । खट्वाञ्च तूलिकायुग्मं सोपधानं सवस्त्रकं ।।

vilepanaṃ sakarpūraṃ snānārthaṃ kumbhagaṇḍakān | khaṭvāñca tūlikāyugmaṃ sopadhānaṃ savastrakaṃ ||

कुर्याद्वित्तानुसारेण शयने लक्ष्यकल्पने । घृतक्षौद्रयुतं पात्रं कुर्यात स्वर्णशलाकिकां ।।

kuryādvittānusāreṇa śayane lakṣyakalpane | ghṛtakṣaudrayutaṃ pātraṃ kuryāt svarṇaśalākikāṃ ||

वर्धनीं शिवकुम्भञ्च लोकपालघटानपि । एकं निद्राकृते कुम्भं शान्त्यर्थं कुण्डसङ्ख्यया ।।

vardhanīṃ śivakumbhañca lokapālaghaṭānapi | ekaṃ nidrākṛte kumbhaṃ śāntyarthaṃ kuṇḍasaṅkhyayā ||

द्वारपालादिधर्मादिप्रशान्तादिघटानपि । वस्तुलक्ष्मीगणेशानां कलशानपरानपि ।।

dvārapālādidharmādipraśāntādighaṭānapi | vastulakṣmīgaṇeśānāṃ kalaśānaparānapi ||

धान्यपुञ्जकृताधारान सवस्त्रान स्रग्विभूषितान । सहिरण्यान समालब्धान गन्धपानीयपूरितान ।।

dhānyapuñjakṛtādhārān savastrān sragvibhūṣitān | sahiraṇyān samālabdhān gandhapānīyapūritān ||

पूर्णपात्रफलाधारान पल्लवाद्यान सलक्षणान । वस्त्रैर आच्छादयेत कुम्भानाहरेद्गौरसर्षपान ।।

pūrṇapātraphalādhārān pallavādyān salakṣaṇān | vastrair ācchādayet kumbhānāharedgaurasarṣapān ||

विकिरार्थन्तथा लाजान ज्ञानखड्गञ्च पूर्ववत । सापिधानां चरुस्थालीं दर्वीं च ताम्रनिर्मितां ।।

vikirārthantathā lājān jñānakhaḍgañca pūrvavat | sāpidhānāṃ carusthālīṃ darvīṃ ca tāmranirmitāṃ ||

घृतक्षौद्रान्वितं पात्रं पादाभ्यङ्गकृते तथा । विष्टरांस्त्रिशतादर्भदलैर बाहुप्रमाणकान ।।

ghṛtakṣaudrānvitaṃ pātraṃ pādābhyaṅgakṛte tathā | viṣṭarāṃstriśatādarbhadalair bāhupramāṇakān ||

चतुरश चतुरस्तद्वत पालाशान परिधीनपि । तिलपात्रं हविःपात्रमर्धपात्रं पवित्रकं ।।

caturaś caturastadvat pālāśān paridhīnapi | tilapātraṃ haviḥpātramardhapātraṃ pavitrakaṃ ||

फलविंशाष्टमानानि घटो धूपप्रदानकं । श्रुक्श्रुवौ पिटकं पीठं व्यजनं शुष्कमिन्धनं ।।

phalaviṃśāṣṭamānāni ghaṭo dhūpapradānakaṃ | śrukśruvau piṭakaṃ pīṭhaṃ vyajanaṃ śuṣkamindhanaṃ ||

पुष्पं पत्रं गुग्ग्लञ्च घृतैर दौपांश च धूपकं । अक्षतानि त्रिसूत्रीञ्च गव्यमाज्यं यवांस्तिलान ।।

puṣpaṃ patraṃ gugglañca ghṛtair daupāṃś ca dhūpakaṃ | akṣatāni trisūtrīñca gavyamājyaṃ yavāṃstilān ||

कुशाः शान्त्यै त्रिमधुरं समिधो दशपर्विकाः । बाहुमात्रश्रुवं हस्तम अर्कादिग्रहशान्तये ।।

kuśāḥ śāntyai trimadhuraṃ samidho daśaparvikāḥ | bāhumātraśruvaṃ hastam arkādigrahaśāntaye ||

समिधो ऽर्कपलाशोत्थाः खादिरामार्गपिप्पलाः । उदुम्वरशमीदूर्वाकुशोत्थाः शतमष्ट च ।।

samidho 'rkapalāśotthāḥ khādirāmārgapippalāḥ | udumvaraśamīdūrvākuśotthāḥ śatamaṣṭa ca ||

तदभावे यवतिला गृहोपकरणं तथा । स्थालीदर्वीपिधानादि देवादिभ्यो ऽंशुकद्वयं ।।

tadabhāve yavatilā gṛhopakaraṇaṃ tathā | sthālīdarvīpidhānādi devādibhyo 'ṃśukadvayaṃ ||

मुद्रामुकुटवासांसि हारकुण्डलकङ्कणान । कुर्यादाचार्यपूजार्थं वित्तशाठ्यं विवर्जयेत ।।

mudrāmukuṭavāsāṃsi hārakuṇḍalakaṅkaṇān | kuryādācāryapūjārthaṃ vittaśāṭhyaṃ vivarjayet ||

तत्पादपादहीना च मूर्तिभृदस्त्रजापिनां । पूजा स्याज्जापिभिस्तुल्या विप्रदैवज्ञशिल्पिनां ।।

tatpādapādahīnā ca mūrtibhṛdastrajāpināṃ | pūjā syājjāpibhistulyā vipradaivajñaśilpināṃ ||

वज्रार्कशान्तौ नीलातिनीलमुक्ताफलानि च । पुष्पपद्मादिरागञ्च वैदूर्यं रत्नमष्टमं ।।

vajrārkaśāntau nīlātinīlamuktāphalāni ca | puṣpapadmādirāgañca vaidūryaṃ ratnamaṣṭamaṃ ||

उषीरमाधवक्रान्तारक्तचन्दनकागुरुं । ओषधीगुणः ।।

uṣīramādhavakrāntāraktacandanakāguruṃ | oṣadhīguṇaḥ ||

हेमताम्रमयं रक्तं राजतञ्च सकांस्यकं । शीसकञ्चेति लोहानि हरितालं मनःशिला ।।

hematāmramayaṃ raktaṃ rājatañca sakāṃsyakaṃ | śīsakañceti lohāni haritālaṃ manaḥśilā ||

गैरिकं हेममाक्षीकं पारदो वह्निगैरिकं । गन्धकाभ्रकमित्यष्टौ धातवो ब्रीहयस तथा ।।

gairikaṃ hemamākṣīkaṃ pārado vahnigairikaṃ | gandhakābhrakamityaṣṭau dhātavo brīhayas tathā ||

गोधूमान सतिलान्माषान्मुद्गानप्याहरेद्यवान । नीवारान श्यामकानेवं ब्रीहयो ऽप्यष्ट कीर्तिताः ।।

godhūmān satilānmāṣānmudgānapyāharedyavān | nīvārān śyāmakānevaṃ brīhayo 'pyaṣṭa kīrtitāḥ ||