Chapter 90
निर्वाणदीक्षाङ्गीभूताभिषेककथनं
Agni Purana, Chapter 90: nirvāṇadīkṣāṅgībhūtābhiṣekakathanaṃ
Shlokas (18)
+ Add ShlokaChapter 90 — nirvāṇadīkṣāṅgībhūtābhiṣekakathanaṃ — Verse 1
Agni Purana · Chapter 90 · Verse 1
शिवमभ्यर्च्याभिषेकं कुर्याच्छिष्यादिके श्रिये । कुम्भानीशादिकाष्ठासु क्रमशो नव विन्यसेत ।।
śivamabhyarcyābhiṣekaṃ kuryācchiṣyādike śriye | kumbhānīśādikāṣṭhāsu kramaśo nava vinyaset ||
Translation not available.
Chapter 90 — nirvāṇadīkṣāṅgībhūtābhiṣekakathanaṃ — Verse 2
Agni Purana · Chapter 90 · Verse 2
तेषु क्षारोदं क्षीरोदं दध्युदं घृतसागरं । इक्षुकादम्बरीस्वादुमस्तूदानष्टसागरान ।।
teṣu kṣārodaṃ kṣīrodaṃ dadhyudaṃ ghṛtasāgaraṃ | ikṣukādambarīsvādumastūdānaṣṭasāgarān ||
Translation not available.
Chapter 90 — nirvāṇadīkṣāṅgībhūtābhiṣekakathanaṃ — Verse 3
Agni Purana · Chapter 90 · Verse 3
निवेशयेद यथासङ्ख्यमष्टौ विद्येश्वरानथ । एकं शिखण्डिनं रुद्रं श्रीकण्ठन्तु द्वितीयकं ।।
niveśayed yathāsaṅkhyamaṣṭau vidyeśvarānatha | ekaṃ śikhaṇḍinaṃ rudraṃ śrīkaṇṭhantu dvitīyakaṃ ||
Translation not available.
Chapter 90 — nirvāṇadīkṣāṅgībhūtābhiṣekakathanaṃ — Verse 4
Agni Purana · Chapter 90 · Verse 4
त्रिमूर्तमेकरुद्राक्षमेकनेत्रं शिवोत्तमं । सप्तमं सूक्ष्मनामानमनन्तं रुद्रमष्टमं ।।
trimūrtamekarudrākṣamekanetraṃ śivottamaṃ | saptamaṃ sūkṣmanāmānamanantaṃ rudramaṣṭamaṃ ||
Translation not available.
Chapter 90 — nirvāṇadīkṣāṅgībhūtābhiṣekakathanaṃ — Verse 5
Agni Purana · Chapter 90 · Verse 5
मध्ये शिवं समुद्रञ्च शिवमन्त्रं च विन्यसेत । यागालयान दिगीशस्य रचिते स्नानमण्डपे ।।
madhye śivaṃ samudrañca śivamantraṃ ca vinyaset | yāgālayān digīśasya racite snānamaṇḍape ||
Translation not available.
Chapter 90 — nirvāṇadīkṣāṅgībhūtābhiṣekakathanaṃ — Verse 6
Agni Purana · Chapter 90 · Verse 6
कुर्यात करद्वयायामां वेदीमष्टाङ्गुलोच्छ्रितां । श्रीपर्णाद्यासने तत्र विन्यस्यानन्तमानसं ।।
kuryāt karadvayāyāmāṃ vedīmaṣṭāṅgulocchritāṃ | śrīparṇādyāsane tatra vinyasyānantamānasaṃ ||
Translation not available.
Chapter 90 — nirvāṇadīkṣāṅgībhūtābhiṣekakathanaṃ — Verse 7
Agni Purana · Chapter 90 · Verse 7
शिष्यं निवेश्य पूर्वास्यं सकलीकृत्य पूजयेत । काञ्जिकौदनमृद्भस्मदूर्वागोमयगोलकैः ।।
śiṣyaṃ niveśya pūrvāsyaṃ sakalīkṛtya pūjayet | kāñjikaudanamṛdbhasmadūrvāgomayagolakaiḥ ||
Translation not available.
Chapter 90 — nirvāṇadīkṣāṅgībhūtābhiṣekakathanaṃ — Verse 8
Agni Purana · Chapter 90 · Verse 8
सिद्धार्थदधितोयैश च कुर्यान्निर्मञ्छनं ततः । क्षारोदानुक्रमेणाथ हृदा विद्येशशम्बरैः ।।
siddhārthadadhitoyaiś ca kuryānnirmañchanaṃ tataḥ | kṣārodānukrameṇātha hṛdā vidyeśaśambaraiḥ ||
Translation not available.
Chapter 90 — nirvāṇadīkṣāṅgībhūtābhiṣekakathanaṃ — Verse 9
Agni Purana · Chapter 90 · Verse 9
कलसैः स्नापयेच्छिष्यं स्वधाधारणयान्वितं । परिधाप्य सिते वस्त्रे निवेश्य शिवदक्षिणे ।।
kalasaiḥ snāpayecchiṣyaṃ svadhādhāraṇayānvitaṃ | paridhāpya site vastre niveśya śivadakṣiṇe ||
Translation not available.
Chapter 90 — nirvāṇadīkṣāṅgībhūtābhiṣekakathanaṃ — Verse 10
Agni Purana · Chapter 90 · Verse 10
पूर्वोदितासने शिष्यं पुनः पूर्ववदर्चयेत । उष्णीषं योगपट्टञ्च मुकुटं कर्तरीं घटीं ।।
pūrvoditāsane śiṣyaṃ punaḥ pūrvavadarcayet | uṣṇīṣaṃ yogapaṭṭañca mukuṭaṃ kartarīṃ ghaṭīṃ ||
Translation not available.
Chapter 90 — nirvāṇadīkṣāṅgībhūtābhiṣekakathanaṃ — Verse 11
Agni Purana · Chapter 90 · Verse 11
अक्षमालां पुस्तकादि शिवकाद्यधिकारकं । दीक्षाव्याख्याप्रतिष्ठाद्यं ज्ञात्वाद्यप्रभृति त्वया ।।
akṣamālāṃ pustakādi śivakādyadhikārakaṃ | dīkṣāvyākhyāpratiṣṭhādyaṃ jñātvādyaprabhṛti tvayā ||
Translation not available.
Chapter 90 — nirvāṇadīkṣāṅgībhūtābhiṣekakathanaṃ — Verse 12
Agni Purana · Chapter 90 · Verse 12
सुपरीक्ष्य विधातव्यमाज्ञां संश्रावयेदिति । अभिवाद्य ततः शिष्यं प्रणिपत्य महेश्वरं ।।
suparīkṣya vidhātavyamājñāṃ saṃśrāvayediti | abhivādya tataḥ śiṣyaṃ praṇipatya maheśvaraṃ ||
Translation not available.
Chapter 90 — nirvāṇadīkṣāṅgībhūtābhiṣekakathanaṃ — Verse 13
Agni Purana · Chapter 90 · Verse 13
विघ्नज्वालापनोदार्थं कुर्याद्विज्ञापनां यथा । अभिषेकार्थमादिष्टस्त्वयाहं गुरुमूर्तिना ।।
vighnajvālāpanodārthaṃ kuryādvijñāpanāṃ yathā | abhiṣekārthamādiṣṭastvayāhaṃ gurumūrtinā ||
Translation not available.
Chapter 90 — nirvāṇadīkṣāṅgībhūtābhiṣekakathanaṃ — Verse 14
Agni Purana · Chapter 90 · Verse 14
संहितापारगः सो ऽयमभिषिक्तो मया शिव । तृप्तये मन्त्रचक्रस्य पञ्चपञ्चाहुतीर्यजेत ।।
saṃhitāpāragaḥ so 'yamabhiṣikto mayā śiva | tṛptaye mantracakrasya pañcapañcāhutīryajet ||
Translation not available.
Chapter 90 — nirvāṇadīkṣāṅgībhūtābhiṣekakathanaṃ — Verse 15
Agni Purana · Chapter 90 · Verse 15
दद्यात पूर्णां ततः शिष्यं स्थापयेन्निजदक्षिणे । शिष्यदक्षिणपाणिस्था अङ्गुष्ठाद्यङ्गुलीः क्रमात ।।
dadyāt pūrṇāṃ tataḥ śiṣyaṃ sthāpayennijadakṣiṇe | śiṣyadakṣiṇapāṇisthā aṅguṣṭhādyaṅgulīḥ kramāt ||
Translation not available.
Chapter 90 — nirvāṇadīkṣāṅgībhūtābhiṣekakathanaṃ — Verse 16
Agni Purana · Chapter 90 · Verse 16
लाञ्छयेदुपबद्धाय दग्धदर्भाग्रशम्बरैः । कुसुमानि करे दत्वा प्रणामं कारयेदमुं ।।
lāñchayedupabaddhāya dagdhadarbhāgraśambaraiḥ | kusumāni kare datvā praṇāmaṃ kārayedamuṃ ||
Translation not available.
Chapter 90 — nirvāṇadīkṣāṅgībhūtābhiṣekakathanaṃ — Verse 17
Agni Purana · Chapter 90 · Verse 17
कुम्भे ऽनले शिवे स्वस्मिसंस्ततस्कृत्यमाविशेत । अनुग्राह्यास्त्वया शिष्याः शास्त्रेण सुपरीक्षिताः ।।
kumbhe 'nale śive svasmisaṃstataskṛtyamāviśet | anugrāhyāstvayā śiṣyāḥ śāstreṇa suparīkṣitāḥ ||
Translation not available.
Chapter 90 — nirvāṇadīkṣāṅgībhūtābhiṣekakathanaṃ — Verse 18
Agni Purana · Chapter 90 · Verse 18
भूपवन्मानवादीनामभिषेकादभीप्सितं । आं श्रां श्रौं पशुं हूं फडिति अस्त्रराजाभिषेकतः ।।
bhūpavanmānavādīnāmabhiṣekādabhīpsitaṃ | āṃ śrāṃ śrauṃ paśuṃ hūṃ phaḍiti astrarājābhiṣekataḥ ||
Translation not available.