पवित्रारोहणं वक्ष्ये क्रियार्चादिषु पूरणं । नित्यं तन्नित्यमुद्दिष्टं नैमित्तिकमथापरं ।।

pavitrārohaṇaṃ vakṣye kriyārcādiṣu pūraṇaṃ | nityaṃ tannityamuddiṣṭaṃ naimittikamathāparaṃ ||

आषाढादिचतुर्दश्यामथ श्रावणभाद्रयोः । सितासितासु कर्तव्यं चतुर्दश्यष्टमीषु तत ।।

āṣāḍhādicaturdaśyāmatha śrāvaṇabhādrayoḥ | sitāsitāsu kartavyaṃ caturdaśyaṣṭamīṣu tat ||

कुर्याद्वा कार्त्तिकीं यावत्तिथौ प्रतिपादिके । वह्निब्रह्माम्बिकेभास्यनागस्कन्दार्कशूलिनां ।।

kuryādvā kārttikīṃ yāvattithau pratipādike | vahnibrahmāmbikebhāsyanāgaskandārkaśūlināṃ ||

दुर्गायमेन्द्रगोविन्दस्मरशम्भुसुधाभुजां । सौवर्णं राजतं ताम्रं कृतादिषु यथाक्रमं ।।

durgāyamendragovindasmaraśambhusudhābhujāṃ | sauvarṇaṃ rājataṃ tāmraṃ kṛtādiṣu yathākramaṃ ||

कलौ कार्पासजं चापि पट्टपद्मादिसूत्रकं । प्रणवश चन्द्रमा वह्निर्ब्रह्मा नागो गुहो हरिः ।।

kalau kārpāsajaṃ cāpi paṭṭapadmādisūtrakaṃ | praṇavaś candramā vahnirbrahmā nāgo guho hariḥ ||

सर्वेशः सर्वदेवाः स्युः क्रमेण नवतन्तुषु । अष्टोत्तरशतान्यर्धं तदर्धं चोत्तमादिकं ।।

sarveśaḥ sarvadevāḥ syuḥ krameṇa navatantuṣu | aṣṭottaraśatānyardhaṃ tadardhaṃ cottamādikaṃ ||

एकाशीत्याथवा सूत्रैस्त्रिंशताप्पष्टयुक्तया । पञ्चाशता वा कर्तव्यं तुल्यग्रन्थ्यन्तरालकं ।।

ekāśītyāthavā sūtraistriṃśatāppaṣṭayuktayā | pañcāśatā vā kartavyaṃ tulyagranthyantarālakaṃ ||

द्वादशाङ्गुलमानानि व्यासादष्टाङ्गुलानि च । लिङ्गविस्तारमानानि चतुरङ्गुलकानि वा ।।

dvādaśāṅgulamānāni vyāsādaṣṭāṅgulāni ca | liṅgavistāramānāni caturaṅgulakāni vā ||

तथैव पिण्डिकास्पर्शं चतुर्थं सर्वदैवतं । गङ्गावतारकं कार्यं सुजातेन सुधौतकं ।।

tathaiva piṇḍikāsparśaṃ caturthaṃ sarvadaivataṃ | gaṅgāvatārakaṃ kāryaṃ sujātena sudhautakaṃ ||

ग्रन्थिं कुर्याच्च वामेन अघोरणाथ शोधयेत । रञ्जयेत पुरुषेणैव रक्तचन्दनकुङ्कुमैः ।।

granthiṃ kuryācca vāmena aghoraṇātha śodhayet | rañjayet puruṣeṇaiva raktacandanakuṅkumaiḥ ||

कस्तूरीरोचनाचन्द्रैर हरिद्रागैर इकादिभिः । ग्रन्थयो दश कर्तव्या अथवा तन्तुसङ्ख्यया ।।

kastūrīrocanācandrair haridrāgair ikādibhiḥ | granthayo daśa kartavyā athavā tantusaṅkhyayā ||

अन्तरं वा यथाशोभमेकद्विचतुरङ्गुलं । प्रकृतिः पौरुषी वीरा चतुर्थी त्वपराजिता ।।

antaraṃ vā yathāśobhamekadvicaturaṅgulaṃ | prakṛtiḥ pauruṣī vīrā caturthī tvaparājitā ||

जयान्या विजया षष्ठी अजिता च सदाशिवा । मनोन्मनी सर्वमुखी ग्रन्थयो ऽभ्यधिकाः शुभाः ।।

jayānyā vijayā ṣaṣṭhī ajitā ca sadāśivā | manonmanī sarvamukhī granthayo 'bhyadhikāḥ śubhāḥ ||

कार्या वा चन्द्रवह्न्यर्कपवित्रं शिववद्धृदि । एकैकं निजमूर्तौ वा पुप्तके गुरुके गणे ।।

kāryā vā candravahnyarkapavitraṃ śivavaddhṛdi | ekaikaṃ nijamūrtau vā puptake guruke gaṇe ||

स्यादेकैकं तथा द्वारदिक्पालकलशादिषु । हस्तादिनवहस्तान्तं लिङ्गानां स्यात्पवित्रकं ।।

syādekaikaṃ tathā dvāradikpālakalaśādiṣu | hastādinavahastāntaṃ liṅgānāṃ syātpavitrakaṃ ||

अष्टाविंशतितो युद्धं दशभिर्दशभिः क्रमात । द्व्यङ्गुलाभ्यन्तरास्तत्र क्रमादेकाङ्गुलान्तराः ।।

aṣṭāviṃśatito yuddhaṃ daśabhirdaśabhiḥ kramāt | dvyaṅgulābhyantarāstatra kramādekāṅgulāntarāḥ ||

ग्रन्थयो मानमप्येषां लिङ्गविस्तारसस्मितं । सप्तम्यां वा त्रयोदश्यां कृतनित्यक्रियः शुचिः ।।

granthayo mānamapyeṣāṃ liṅgavistārasasmitaṃ | saptamyāṃ vā trayodaśyāṃ kṛtanityakriyaḥ śuciḥ ||

भूषयेत पुष्पवस्त्राद्यैः सायाह्ने यागमन्दिरं । कृत्वा नैमित्तिकीं सन्ध्यां विशेषेण च तर्पणं ।।

bhūṣayet puṣpavastrādyaiḥ sāyāhne yāgamandiraṃ | kṛtvā naimittikīṃ sandhyāṃ viśeṣeṇa ca tarpaṇaṃ ||

परिगृहीते भूभागे पवित्रे सूर्यमर्चयेत । आचम्य सकलीकृत्य प्रणवार्घ्यकरो गुरुः ।।

parigṛhīte bhūbhāge pavitre sūryamarcayet | ācamya sakalīkṛtya praṇavārghyakaro guruḥ ||

द्वाराण्यस्त्रेण सम्प्रोक्ष्य पूर्वादिक्रमतो ऽर्चयेत । हां शान्तिकलाद्वाराय तथा विद्याकलात्मने ।।

dvārāṇyastreṇa samprokṣya pūrvādikramato 'rcayet | hāṃ śāntikalādvārāya tathā vidyākalātmane ||

निवृत्तिकलाद्वाराय प्रतिष्ठाख्यकलात्मने । तच्छाखयोः प्रतिद्वारं द्वौ द्वौ द्वाराधिपौ यजेत ।।

nivṛttikalādvārāya pratiṣṭhākhyakalātmane | tacchākhayoḥ pratidvāraṃ dvau dvau dvārādhipau yajet ||

नन्दिने महाकालाय भृङ्गिणे ऽथ गणाय च । वृषभाय च स्कन्दाय देव्यै चण्डाय च क्रमात ।।

nandine mahākālāya bhṛṅgiṇe 'tha gaṇāya ca | vṛṣabhāya ca skandāya devyai caṇḍāya ca kramāt ||

नित्यं च द्वारपालादीन प्रविश्य द्वारपश्चिमे । इष्ट्वा वास्तुं भूतशुद्धिं विशेषार्घ्यकरः शिवः ।।

nityaṃ ca dvārapālādīn praviśya dvārapaścime | iṣṭvā vāstuṃ bhūtaśuddhiṃ viśeṣārghyakaraḥ śivaḥ ||

प्रोक्षणाद्यं विधायाथ यज्ञसम्भारकृन्नरः । मन्त्रयेद्दर्भदूर्वाद्यैः पुष्पाद्यैश च हृदादिभिः ।।

prokṣaṇādyaṃ vidhāyātha yajñasambhārakṛnnaraḥ | mantrayeddarbhadūrvādyaiḥ puṣpādyaiś ca hṛdādibhiḥ ||

शिवहस्तं विधायेत्थं स्वशिरस्यधिरोपयेत । शिवो ऽहमादिः सर्वज्ञो मम यज्ञप्रधानता ।।

śivahastaṃ vidhāyetthaṃ svaśirasyadhiropayet | śivo 'hamādiḥ sarvajño mama yajñapradhānatā ||

अत्यर्थं भावयेद्देवं ज्ञानखद्गकरो गुरुः । नैरृतीं दिशमासाद्य प्रक्षिपेदुदगाननः ।।

atyarthaṃ bhāvayeddevaṃ jñānakhadgakaro guruḥ | nairṛtīṃ diśamāsādya prakṣipedudagānanaḥ ||

अर्घ्याम्बु पञ्चगव्यञ्च समस्तान मखमण्डपे । चतुष्पथान्तसंस्कारैर वीक्षणाद्यैः सुसंस्कृतैः ।।

arghyāmbu pañcagavyañca samastān makhamaṇḍape | catuṣpathāntasaṃskārair vīkṣaṇādyaiḥ susaṃskṛtaiḥ ||

विक्षिप्य विकिरांस्तत्र कुशकूर्चोपसंहरेत । तानीशदिशि वर्धन्यामासनायोपकल्पयेत ।।

vikṣipya vikirāṃstatra kuśakūrcopasaṃharet | tānīśadiśi vardhanyāmāsanāyopakalpayet ||

नैरृते वास्तुगीर्वाणा द्वारे लक्ष्मीं प्रपूजयेत । पश्चिमाभिमुखं कुम्भं सर्वधान्योपरि स्थितं ।।

nairṛte vāstugīrvāṇā dvāre lakṣmīṃ prapūjayet | paścimābhimukhaṃ kumbhaṃ sarvadhānyopari sthitaṃ ||

प्रणवेन वृषारूढं सिंहस्थां वर्धनीन्ततः । कुम्भे साङ्गं शिवन्देवं वर्धन्यामर्चयेत ।।

praṇavena vṛṣārūḍhaṃ siṃhasthāṃ vardhanīntataḥ | kumbhe sāṅgaṃ śivandevaṃ vardhanyāmarcayet ||

दिक्षु शक्रादिदिक्पालान विष्णुब्रह्मशिवादिकान । वर्धनीं सम्यगादाय घटपृष्टानुगामिनीं ।।

dikṣu śakrādidikpālān viṣṇubrahmaśivādikān | vardhanīṃ samyagādāya ghaṭapṛṣṭānugāminīṃ ||

शिवाज्ञां श्रावयेन्मन्त्री पूर्वादीशानगोचरं । अविच्छिन्नपयोधारां मूलमन्त्रमुदीरयेत ।।

śivājñāṃ śrāvayenmantrī pūrvādīśānagocaraṃ | avicchinnapayodhārāṃ mūlamantramudīrayet ||

समन्ताद भ्रामयेदेनां रक्षार्थं शस्त्ररूपिणीं । पूर्वं कलशमारोप्य शस्त्रार्थन्तस्य वामतः ।।

samantād bhrāmayedenāṃ rakṣārthaṃ śastrarūpiṇīṃ | pūrvaṃ kalaśamāropya śastrārthantasya vāmataḥ ||

समग्रासनके कुम्भे यजेद्देवं स्थिरासने । वर्धन्यां प्रणवस्थायामायुधन्तदनु द्वयोः ।।

samagrāsanake kumbhe yajeddevaṃ sthirāsane | vardhanyāṃ praṇavasthāyāmāyudhantadanu dvayoḥ ||

भगलिङ्गसमायोगं विदध्याल्लिङ्गमुद्रया । कुम्भे निवेद्य बोधासिं मूलमन्त्रजपन्तथा ।।

bhagaliṅgasamāyogaṃ vidadhyālliṅgamudrayā | kumbhe nivedya bodhāsiṃ mūlamantrajapantathā ||

तद्दशांशेन वर्धन्यां रक्षां विज्ञापयेदपि । गणेशं वायवे ऽभ्यर्च्य हरं पञ्चामृतादिभिः ।।

taddaśāṃśena vardhanyāṃ rakṣāṃ vijñāpayedapi | gaṇeśaṃ vāyave 'bhyarcya haraṃ pañcāmṛtādibhiḥ ||

स्नापयेत पूर्ववत प्रार्च्य कुण्डे च शिवपावकं । विधिवच्च चरुं कृत्वा सम्पाताहुतिशोधितं ।।

snāpayet pūrvavat prārcya kuṇḍe ca śivapāvakaṃ | vidhivacca caruṃ kṛtvā sampātāhutiśodhitaṃ ||

देवाग्र्यात्मविभेदेन दर्ष्या तं विभजेत त्रिधा । दत्वा भागौ शिवाग्निभ्यां संरक्षेद्भागमात्मनि ।।

devāgryātmavibhedena darṣyā taṃ vibhajet tridhā | datvā bhāgau śivāgnibhyāṃ saṃrakṣedbhāgamātmani ||

शरेण चर्मणा देयं पूर्वतो दन्तधावनं । तस्माद्घोरशिखाभ्यां वा दक्षिणे पश्चिमे मृदं ।।

śareṇa carmaṇā deyaṃ pūrvato dantadhāvanaṃ | tasmādghoraśikhābhyāṃ vā dakṣiṇe paścime mṛdaṃ ||

साद्योजातेन च हृदा चोत्तरे वामनीकृतं । जलं वामेन शिरसा ईशे गन्धान्वितं जलं ।।

sādyojātena ca hṛdā cottare vāmanīkṛtaṃ | jalaṃ vāmena śirasā īśe gandhānvitaṃ jalaṃ ||

पञ्चगव्यं पलाशादिपुटकं वै समन्ततः । ऐशान्यां कुसुमं दद्यादाग्नेय्यां दिशि रोचनां ।।

pañcagavyaṃ palāśādipuṭakaṃ vai samantataḥ | aiśānyāṃ kusumaṃ dadyādāgneyyāṃ diśi rocanāṃ ||

अगुरुं निरृताशायां वायव्यां च चतुःसमं । होमद्रव्याणि सर्वाणि सद्योजातैः कुशैः सह ।।

aguruṃ nirṛtāśāyāṃ vāyavyāṃ ca catuḥsamaṃ | homadravyāṇi sarvāṇi sadyojātaiḥ kuśaiḥ saha ||

दण्डाक्षसूत्रकौपीनभिक्षापात्राणि रूपिणे । कज्जलं कुङ्कुमन्तैलं शलाकां केशशोधनीं ।।

daṇḍākṣasūtrakaupīnabhikṣāpātrāṇi rūpiṇe | kajjalaṃ kuṅkumantailaṃ śalākāṃ keśaśodhanīṃ ||

ताम्बूलं दर्पणं दद्यादुत्तरे रोचनामपि । आसनं पादुके पात्रं योगपट्टातपत्रकं ।।

tāmbūlaṃ darpaṇaṃ dadyāduttare rocanāmapi | āsanaṃ pāduke pātraṃ yogapaṭṭātapatrakaṃ ||

ऐशान्यामीशमन्त्रेण दद्यादीशानतुष्टये । पूर्वस्याञ्चरुकं साज्यं दद्याद्गन्धादिकं नवे ।।

aiśānyāmīśamantreṇa dadyādīśānatuṣṭaye | pūrvasyāñcarukaṃ sājyaṃ dadyādgandhādikaṃ nave ||

पूर्वित्राणि समादाय प्रोक्षितान्यर्घ्यवारिणा । संहितामन्त्रपूतानि नीत्वा पावकसन्निधिं ।।

pūrvitrāṇi samādāya prokṣitānyarghyavāriṇā | saṃhitāmantrapūtāni nītvā pāvakasannidhiṃ ||

कृष्णाजिनादिना.अच्छाद्य स्मरन संवत्सरात्मकं । साक्षिणं सर्वकृत्यानां गोप्तारं शिवमव्ययं ।।

kṛṣṇājinādinā.acchādya smaran saṃvatsarātmakaṃ | sākṣiṇaṃ sarvakṛtyānāṃ goptāraṃ śivamavyayaṃ ||

स्वेति हेति प्रयोगेण मन्त्रसंहितया पुनः । शोधयेच्च पवित्राणि वाराणामेकविंशतिं ।।

sveti heti prayogeṇa mantrasaṃhitayā punaḥ | śodhayecca pavitrāṇi vārāṇāmekaviṃśatiṃ ||

गृहादि वेष्टयेत्सूत्रैर गन्धाद्यं रवये ददेत । पूजिताय समाचम्य कृतन्यासः कृतार्घ्यकः ।।

gṛhādi veṣṭayetsūtrair gandhādyaṃ ravaye dadet | pūjitāya samācamya kṛtanyāsaḥ kṛtārghyakaḥ ||

नन्द्यादिभ्यो ऽथ गन्धाख्यं वास्तोश्चाथ प्रविश्य च । शस्त्रेभ्यो लोकपालेभ्यः स्वनाम्ना शिवकुम्भके ।।

nandyādibhyo 'tha gandhākhyaṃ vāstoścātha praviśya ca | śastrebhyo lokapālebhyaḥ svanāmnā śivakumbhake ||

वर्धन्यै विघ्नराजाय गुरवे ह्य आत्मने यजेत । अथ सर्वौषधीलिप्तं धूपितं पुष्पदूर्वया ।।

vardhanyai vighnarājāya gurave hy ātmane yajet | atha sarvauṣadhīliptaṃ dhūpitaṃ puṣpadūrvayā ||

आमन्त्र्य च पवित्रं तत विधायाञ्जलिमध्यगं । ओं समस्तविधिच्छिद्रपूरणे च विधिं प्रति ।।

āmantrya ca pavitraṃ tat vidhāyāñjalimadhyagaṃ | oṃ samastavidhicchidrapūraṇe ca vidhiṃ prati ||

प्रभवमन्त्रयामि त्वां त्वदिच्छावाप्तिकारिकां । तत्सिद्धिमनुजानीहि यजतश्चिदचित्पते ।।

prabhavamantrayāmi tvāṃ tvadicchāvāptikārikāṃ | tatsiddhimanujānīhi yajataścidacitpate ||

सर्वथा सर्वदा शम्भो नमस्ते ऽस्तु प्रसीद मे । आमन्त्रितो ऽसि देवेश सह देव्या गणेश्वरैः ।।

sarvathā sarvadā śambho namaste 'stu prasīda me | āmantrito 'si deveśa saha devyā gaṇeśvaraiḥ ||

मन्त्रेशैर लोकपालैश च सहितः परिचारकैः । निमन्त्रयाम्यहन्तुभ्यं प्रभाते तु पवित्रकं ।।

mantreśair lokapālaiś ca sahitaḥ paricārakaiḥ | nimantrayāmyahantubhyaṃ prabhāte tu pavitrakaṃ ||

नियमञ्च करिष्यामि परमेश तवाज्ञया । इत्येवन्देवमामन्त्र्य रेचकेनामृतीकृतं ।।

niyamañca kariṣyāmi parameśa tavājñayā | ityevandevamāmantrya recakenāmṛtīkṛtaṃ ||

शिवान्तं मूलमुच्चार्य तच्छिवाय निवेदयेत । जपं स्तोत्रं प्रमाणञ्च कृत्वा शम्भुं क्षमापयेत ।।

śivāntaṃ mūlamuccārya tacchivāya nivedayet | japaṃ stotraṃ pramāṇañca kṛtvā śambhuṃ kṣamāpayet ||

हुत्वा चरोस्तृतीयांशं तद्दद्दीत शिवाग्नये । दिग्वासिभ्यो दिगीशेभ्यो भूतमातृगणेभ्य उ ।।

hutvā carostṛtīyāṃśaṃ taddaddīta śivāgnaye | digvāsibhyo digīśebhyo bhūtamātṛgaṇebhya u ||

रुद्रेभ्यो क्षेत्रपादिभ्यो नमः स्वाहा बलिस्त्वयं । दिङ्नागाद्यैश च पूर्वादौ क्षेत्राय चाग्नये बलिः ।।

rudrebhyo kṣetrapādibhyo namaḥ svāhā balistvayaṃ | diṅnāgādyaiś ca pūrvādau kṣetrāya cāgnaye baliḥ ||

समाचम्य विधिच्छिद्रपूरकं होममाचरेत । पूर्णां व्याहृतिहोमञ्च कृत्वा रुन्धीत पावकं ।।

samācamya vidhicchidrapūrakaṃ homamācaret | pūrṇāṃ vyāhṛtihomañca kṛtvā rundhīta pāvakaṃ ||

तत ओमग्नये स्वाहा स्वाहा सोमाय चैव हि । ओमग्नीषोमाभ्यां स्वाहाग्नये स्विष्टकृते तथा ।।

tata omagnaye svāhā svāhā somāya caiva hi | omagnīṣomābhyāṃ svāhāgnaye sviṣṭakṛte tathā ||

इत्याहुतिचतुष्कन्तु दत्वा कुर्यात्तु योजनां । वह्निकुण्डार्चितं देवं मण्डलाभ्यर्चिते शिवे ।।

ityāhuticatuṣkantu datvā kuryāttu yojanāṃ | vahnikuṇḍārcitaṃ devaṃ maṇḍalābhyarcite śive ||

नाडीसन्धानरूपेण विधिना योजयेत्ततः । वंशादिपात्रे विन्यस्य अस्त्रञ्च हृदयन्ततः ।।

nāḍīsandhānarūpeṇa vidhinā yojayettataḥ | vaṃśādipātre vinyasya astrañca hṛdayantataḥ ||

अधिरोप्य पवित्राणि कलाभिर्वाथ मन्त्रयेत । षडङ्गं ब्रह्ममूलैर वा हृद्धर्मास्त्रञ्च योजयेत ।।

adhiropya pavitrāṇi kalābhirvātha mantrayet | ṣaḍaṅgaṃ brahmamūlair vā hṛddharmāstrañca yojayet ||

विधाय सूत्रैः संवेष्ट्य पूजयित्वाङ्गसम्भवैः । रक्षार्थं जगदीशाय भक्तिनम्रः समर्पयेत ।।

vidhāya sūtraiḥ saṃveṣṭya pūjayitvāṅgasambhavaiḥ | rakṣārthaṃ jagadīśāya bhaktinamraḥ samarpayet ||

पूजिते पुष्पधूपाद्यैर दत्वा सिद्धान्तपुस्तके । गुरोः पादान्तिकं गत्वा भक्त्या दद्यात पवित्रकं ।।

pūjite puṣpadhūpādyair datvā siddhāntapustake | guroḥ pādāntikaṃ gatvā bhaktyā dadyāt pavitrakaṃ ||

निर्गत्य वहिराचम्य गोमये मण्डलत्रये । पञ्चगव्यञ्चरुन्दन्तधावनञ्च क्रमाद यजेत ।।

nirgatya vahirācamya gomaye maṇḍalatraye | pañcagavyañcarundantadhāvanañca kramād yajet ||

आचान्तो मन्त्रसम्बद्धः कृतसङ्गीतजागरः । स्वपेदन्तः स्मरन्नीशं बुभुक्षुर्दर्भसंस्तरे ।।

ācānto mantrasambaddhaḥ kṛtasaṅgītajāgaraḥ | svapedantaḥ smarannīśaṃ bubhukṣurdarbhasaṃstare ||

अनेनैव प्रकारेण मुमुक्षुरपि संविशेत । केवलम्भस्मशय्यायां सोपवासः समाहितः ।।

anenaiva prakāreṇa mumukṣurapi saṃviśet | kevalambhasmaśayyāyāṃ sopavāsaḥ samāhitaḥ ||