प्रतिष्ठापञ्चकं वक्ष्ये प्रतिमात्मा तु पूरुषः । प्रकृतिः पिण्डिका लक्ष्मीः प्रतिष्ठा योगकस्तयोः ।।

pratiṣṭhāpañcakaṃ vakṣye pratimātmā tu pūruṣaḥ | prakṛtiḥ piṇḍikā lakṣmīḥ pratiṣṭhā yogakastayoḥ ||

इच्छाफलार्थिभिस्तस्मात्प्रतिष्ठा क्रियते नरैः । गर्भसूत्रं तु निःसार्य प्रासादस्याग्रतो गुरुः ।।

icchāphalārthibhistasmātpratiṣṭhā kriyate naraiḥ | garbhasūtraṃ tu niḥsārya prāsādasyāgrato guruḥ ||

अष्टषोडशविंशान्तं मण्डपञ्चाधमादिकम । स्नानं कलशार्थञ्च यागद्रव्यार्थमर्धतः ।।

aṣṭaṣoḍaśaviṃśāntaṃ maṇḍapañcādhamādikam | snānaṃ kalaśārthañca yāgadravyārthamardhataḥ ||

त्रिभागेणार्धभागेन वेदिं कुर्यात्तु शोभनाम । कलशैर घटिकाभिश च वितानाद्यैश च भूषयेत ।।

tribhāgeṇārdhabhāgena vediṃ kuryāttu śobhanām | kalaśair ghaṭikābhiś ca vitānādyaiś ca bhūṣayet ||

पञ्चगव्येन सम्प्रोक्ष्य सर्वद्रव्याणि धारयेत । अलङ्कृतो गुरुर्विष्णुं ध्यात्वात्मानं प्रपूजयेत ।।

pañcagavyena samprokṣya sarvadravyāṇi dhārayet | alaṅkṛto gururviṣṇuṃ dhyātvātmānaṃ prapūjayet ||

अङ्गुलीयप्रभृतिभिर्मूर्तिपान वलयादिभिः । कुण्डे कुण्डे स्थापयेच्च मूर्तिपांस्तत्र पारगान ।।

aṅgulīyaprabhṛtibhirmūrtipān valayādibhiḥ | kuṇḍe kuṇḍe sthāpayecca mūrtipāṃstatra pāragān ||

चतुष्कोणे चार्धकोणे वर्तुले पद्मसन्निभे । पूर्वादौ तोरणार्थन्तु पिप्पलोडुम्बरौ वटं ।।

catuṣkoṇe cārdhakoṇe vartule padmasannibhe | pūrvādau toraṇārthantu pippaloḍumbarau vaṭaṃ ||

प्लक्षं सुशोभनं पूर्वं सुभद्रन्दक्षतोरणं । सुकर्म च सुहोत्रञ्च आप्ये सौम्ये समुच्छ्रयम ।।

plakṣaṃ suśobhanaṃ pūrvaṃ subhadrandakṣatoraṇaṃ | sukarma ca suhotrañca āpye saumye samucchrayam ||

पञ्चहस्तं तु संस्थाप्य स्योनापृथ्वीति पूजयेत । तोरणस्तम्भमूले तु कलशान्मङ्गलाङ्कुरान ।।

pañcahastaṃ tu saṃsthāpya syonāpṛthvīti pūjayet | toraṇastambhamūle tu kalaśānmaṅgalāṅkurān ||

प्रदद्यादुपरिष्टाच्च कुर्याच्चक्रं सुदर्शनं । पञ्चहस्तप्रमाणन्तु ध्वजं कुर्याद्द्विचक्षणः ।।

pradadyādupariṣṭācca kuryāccakraṃ sudarśanaṃ | pañcahastapramāṇantu dhvajaṃ kuryāddvicakṣaṇaḥ ||

वैपुल्यं चास्य कुर्वीत षोडशाङ्गुलसन्मितं । सप्तहस्तोच्छ्रितं वास्य कुर्यात कुण्डं सुरोत्तम ।।

vaipulyaṃ cāsya kurvīta ṣoḍaśāṅgulasanmitaṃ | saptahastocchritaṃ vāsya kuryāt kuṇḍaṃ surottama ||

अरुणोग्निनिभश चैव कृष्णः शुक्लोथ पीतकः । रक्तवर्णस तथा श्वेतः श्वेतवर्णादिकक्रमात ।।

aruṇogninibhaś caiva kṛṣṇaḥ śuklotha pītakaḥ | raktavarṇas tathā śvetaḥ śvetavarṇādikakramāt ||

कुमुदः कुमुदाक्षश च पुण्डरीकोथ वामनः । शङ्कुकर्णः सर्वनेत्रः सुमुखः सुप्रतिष्ठितः ।।

kumudaḥ kumudākṣaś ca puṇḍarīkotha vāmanaḥ | śaṅkukarṇaḥ sarvanetraḥ sumukhaḥ supratiṣṭhitaḥ ||

पूज्या कोटिगुणैर युक्ताः पूर्वाद्या ध्वजदेवताः । जलाढकसुपूरास्तु पक्वविम्बोपमा घटाः ।।

pūjyā koṭiguṇair yuktāḥ pūrvādyā dhvajadevatāḥ | jalāḍhakasupūrāstu pakvavimbopamā ghaṭāḥ ||

अष्टाविंशाधिकशतं कालमण्डनवर्जिताः । सहिरण्या वस्त्रकण्ठाः सोदकास्तोरणाद्वहिः ।।

aṣṭāviṃśādhikaśataṃ kālamaṇḍanavarjitāḥ | sahiraṇyā vastrakaṇṭhāḥ sodakāstoraṇādvahiḥ ||

घटाः स्थाप्याश च पूर्वादौ वेदिकायाश च कोणगान । चतुरः स्थापयेत कुम्भानाजिघ्रेति च मन्त्रतः ।।

ghaṭāḥ sthāpyāś ca pūrvādau vedikāyāś ca koṇagān | caturaḥ sthāpayet kumbhānājighreti ca mantrataḥ ||

कुम्भेष्वावाह्य शक्रादीन पूर्वादौ पूजयेत क्रमात । इन्द्रागच्छ देवराज वज्रहस्त गजस्थित ।।

kumbheṣvāvāhya śakrādīn pūrvādau pūjayet kramāt | indrāgaccha devarāja vajrahasta gajasthita ||

पूर्वद्वारञ्च मे रक्ष देवैः सह नमोस्तु ते । त्रातारमिन्द्रमन्त्रेण अर्चयित्वा यजेद बुधः ।।

pūrvadvārañca me rakṣa devaiḥ saha namostu te | trātāramindramantreṇa arcayitvā yajed budhaḥ ||

आगच्छाग्रे शक्तियुत च्छागस्थ बलसंयुत । रक्षाग्नेयीं दिशं देवैः पूजां गृह नमोस्तु ते ।।

āgacchāgre śaktiyuta cchāgastha balasaṃyuta | rakṣāgneyīṃ diśaṃ devaiḥ pūjāṃ gṛha namostu te ||

अग्निमूर्धेतिमन्त्रेण यजेद्वा आग्नेय नमः । महिषस्थ यमागच्छ दण्डहस्त महाबल ।।

agnimūrdhetimantreṇa yajedvā āgneya namaḥ | mahiṣastha yamāgaccha daṇḍahasta mahābala ||

रक्ष त्वं दक्षिणद्वारं वैवस्वत नमोस्तु ते । वैवस्वतं सङ्गमनमित्यनेन यजेद्यमं ।।

rakṣa tvaṃ dakṣiṇadvāraṃ vaivasvata namostu te | vaivasvataṃ saṅgamanamityanena yajedyamaṃ ||

नैरृतागच्छ खड्गाढ्य बलवाहनसंयुत । इदमर्घ्यमिदं पाद्यं रक्ष त्वं नैरृतीं दिशं ।।

nairṛtāgaccha khaḍgāḍhya balavāhanasaṃyuta | idamarghyamidaṃ pādyaṃ rakṣa tvaṃ nairṛtīṃ diśaṃ ||

एष ते नैरृते मन्त्रेण यजेदर्घ्यादिभिर नरः । मकरारूढ वरुण पाशहस्त महाबल ।।

eṣa te nairṛte mantreṇa yajedarghyādibhir naraḥ | makarārūḍha varuṇa pāśahasta mahābala ||

आगच्छ पश्चिमं द्वारं रक्ष रक्ष नमोस्तु ते । उरुं हि राजा वरुणं यजेदर्घ्यादिभिर्गुरुः ।।

āgaccha paścimaṃ dvāraṃ rakṣa rakṣa namostu te | uruṃ hi rājā varuṇaṃ yajedarghyādibhirguruḥ ||

आगच्छ वायो सबल ध्वजहस्त सवाहन । वायव्यं रक्ष देवैस्त्वं समरुद्भिर नमोस्तु ते ।।

āgaccha vāyo sabala dhvajahasta savāhana | vāyavyaṃ rakṣa devaistvaṃ samarudbhir namostu te ||

वात इत्य आदिभिश्चार्वेदोन्नमो वायवेपि वा । आगच्छ सोम सबला गदाहस्त सवाहन ।।

vāta ity ādibhiścārvedonnamo vāyavepi vā | āgaccha soma sabalā gadāhasta savāhana ||

रक्ष त्वमुत्तरद्वारं सकुवेर नमोस्तु ते । सोमं राजानमिति वा यजेत्सोमाय वै नमः ।।

rakṣa tvamuttaradvāraṃ sakuvera namostu te | somaṃ rājānamiti vā yajetsomāya vai namaḥ ||

आगच्छेशान सबल शूलहस्त वृषस्थित । यज्ञमण्डपस्यैशानीं दिशं रक्ष नमोस्तु ते ।।

āgaccheśāna sabala śūlahasta vṛṣasthita | yajñamaṇḍapasyaiśānīṃ diśaṃ rakṣa namostu te ||

ईशानमस्येति यजेदीशानाय नमोपि वा । ब्रह्मन्नागच्छ हंसस्थ स्रुक्स्रुवव्यग्रहस्तक ।।

īśānamasyeti yajedīśānāya namopi vā | brahmannāgaccha haṃsastha sruksruvavyagrahastaka ||

सलोकोर्ध्वां दिशं रक्ष यज्ञस्याज नमोस्तु ते । हिरण्यगर्भेति यजेन्नमस्ते ब्रह्मणेपि वा ।।

salokordhvāṃ diśaṃ rakṣa yajñasyāja namostu te | hiraṇyagarbheti yajennamaste brahmaṇepi vā ||

अनन्तागच्छ चक्राढ्य कूर्मस्थाहिगणेश्वर । अधोदिशं रक्ष रक्ष अनन्तेश नमोस्तु ते । नमोस्तु सर्पेति यजेदनन्ताय नमोपि वा ।।

anantāgaccha cakrāḍhya kūrmasthāhigaṇeśvara | adhodiśaṃ rakṣa rakṣa ananteśa namostu te | namostu sarpeti yajedanantāya namopi vā ||