दशावतारं मत्स्यादिलक्षणं प्रवदामि ते । मत्स्याकारस्तु मत्स्यः स्यात कूर्मः कार्माकृलिर्भवेत ।।

daśāvatāraṃ matsyādilakṣaṇaṃ pravadāmi te | matsyākārastu matsyaḥ syāt kūrmaḥ kārmākṛlirbhavet ||

नराङ्गो वाथ कर्तव्यो भूवराहो गदादिभृत । दक्षिणे वामके शङ्खं लक्ष्मीर्वा पद्ममेव वा ।।

narāṅgo vātha kartavyo bhūvarāho gadādibhṛt | dakṣiṇe vāmake śaṅkhaṃ lakṣmīrvā padmameva vā ||

श्रीवामकूर्परस्था तु क्ष्मानन्तौ चरणानुगौ । वराहस्थापनाद्राज्यं भवाब्धितरणं भवेत ।।

śrīvāmakūrparasthā tu kṣmānantau caraṇānugau | varāhasthāpanādrājyaṃ bhavābdhitaraṇaṃ bhavet ||

नरसिंहो विवृत्तास्यो वामोरुक्षतदानवः । तद्वक्षो दारयन्माली स्फुरच्चक्रगदाधरः ।।

narasiṃho vivṛttāsyo vāmorukṣatadānavaḥ | tadvakṣo dārayanmālī sphuraccakragadādharaḥ ||

छत्री दण्डी वामनः स्यादथवा स्याच्चतुर्भुजः । रामश्चापेषुहस्तः स्यात कड्गी परशुनान्वितः ।।

chatrī daṇḍī vāmanaḥ syādathavā syāccaturbhujaḥ | rāmaścāpeṣuhastaḥ syāt kaḍgī paraśunānvitaḥ ||

रामश्चापी शरी खड्गी शङ्खी वा द्विभुजः स्मृतः । गदालाङ्गलधारी च रामो वाथ चतुर्भुजः ।।

rāmaścāpī śarī khaḍgī śaṅkhī vā dvibhujaḥ smṛtaḥ | gadālāṅgaladhārī ca rāmo vātha caturbhujaḥ ||

वामोर्ध्वे लाङ्गलं दद्यादधः शङ्खं सुशोभनं । मुषलं दक्षिणोर्ध्वे तु चक्रञ्चाधः सुशोभनं ।।

vāmordhve lāṅgalaṃ dadyādadhaḥ śaṅkhaṃ suśobhanaṃ | muṣalaṃ dakṣiṇordhve tu cakrañcādhaḥ suśobhanaṃ ||

शान्तात्मा लम्बकर्णश च गौराङ्गश्चाम्बरावृतः । ऊर्ध्वपद्मस्थितो बुद्धो वरदाभयदायकः ।।

śāntātmā lambakarṇaś ca gaurāṅgaścāmbarāvṛtaḥ | ūrdhvapadmasthito buddho varadābhayadāyakaḥ ||

धनुस्तूणान्वितः कल्की म्लेच्छोत्सादकरो द्विजः । अथवाश्वस्थितः खड्गी शङ्खचक्रशरान्वितः ।।

dhanustūṇānvitaḥ kalkī mlecchotsādakaro dvijaḥ | athavāśvasthitaḥ khaḍgī śaṅkhacakraśarānvitaḥ ||

लक्षणं वासुदेवादिनवकस्य वदामि ते । दक्षिणोर्ध्वे गदा वामे वामोर्ध्वे चक्रमुत्तमं ।।

lakṣaṇaṃ vāsudevādinavakasya vadāmi te | dakṣiṇordhve gadā vāme vāmordhve cakramuttamaṃ ||

ब्रह्मेशौ पार्श्वगौ नित्यं वासुदेवोस्ति पूर्ववत । शङ्खी स वरदो वाथ द्विभुजो वा चतुर्भुजः ।।

brahmeśau pārśvagau nityaṃ vāsudevosti pūrvavat | śaṅkhī sa varado vātha dvibhujo vā caturbhujaḥ ||

लाङ्गली मुषली रामो गदापद्मधरः स्मृतः । प्रद्युम्नो दक्षिणे वज्रं शङ्खं वामे धनुः करे ।।

lāṅgalī muṣalī rāmo gadāpadmadharaḥ smṛtaḥ | pradyumno dakṣiṇe vajraṃ śaṅkhaṃ vāme dhanuḥ kare ||

गदानाभ्यावृतः पीत्या प्रद्युम्नो वा धनुःशरी । चतुर्भुजो निरुद्धः स्यात्तथा नारायणो विभुः ।।

gadānābhyāvṛtaḥ pītyā pradyumno vā dhanuḥśarī | caturbhujo niruddhaḥ syāttathā nārāyaṇo vibhuḥ ||

चतुर्मुखश चतुर्बाहुर्वृहज्जठरमण्डलः । लम्बकूर्चो जटायुक्तो व्रह्मा हंसाग्रवाहनः ।।

caturmukhaś caturbāhurvṛhajjaṭharamaṇḍalaḥ | lambakūrco jaṭāyukto vrahmā haṃsāgravāhanaḥ ||

दक्षिणे चाक्षसूत्रञ्च स्रुवो वामे तु कुण्डिका । आज्यस्थाली सरस्वती सावित्री वामदक्षिणे ।।

dakṣiṇe cākṣasūtrañca sruvo vāme tu kuṇḍikā | ājyasthālī sarasvatī sāvitrī vāmadakṣiṇe ||

विष्णुरष्टभुजस्तार्क्षे करे खड्गस्तु दक्षिणे । गदाशरश च वरदो वामे कार्मुकखेटके ।।

viṣṇuraṣṭabhujastārkṣe kare khaḍgastu dakṣiṇe | gadāśaraś ca varado vāme kārmukakheṭake ||

चक्रशङ्खौ चतुर्बाहुर नरसिंहश चतुर्भुजः । शङ्खचक्रधरो वापि विदारितमहासुरः ।।

cakraśaṅkhau caturbāhur narasiṃhaś caturbhujaḥ | śaṅkhacakradharo vāpi vidāritamahāsuraḥ ||

अचतुर्बाहुर्वराहस्तु शेषः पाणितले धृतः । धारयन बाहुना पृथ्वीं वाम्नेन कमलाधरः ।।

acaturbāhurvarāhastu śeṣaḥ pāṇitale dhṛtaḥ | dhārayan bāhunā pṛthvīṃ vāmnena kamalādharaḥ ||

पादलग्ना धरा कार्या पदा लक्ष्मीर्व्यवस्थिता । त्रैलोक्यमोहनस्तार्क्ष्ये अष्टबाहुस्तु दक्षिणे ।।

pādalagnā dharā kāryā padā lakṣmīrvyavasthitā | trailokyamohanastārkṣye aṣṭabāhustu dakṣiṇe ||

चक्रं खड्गं च मुषलं अङ्कुशं वामके करे । शङ्खशार्ङ्गगदापाशान पद्मवीणासमन्विते ।।

cakraṃ khaḍgaṃ ca muṣalaṃ aṅkuśaṃ vāmake kare | śaṅkhaśārṅgagadāpāśān padmavīṇāsamanvite ||

लक्ष्मीः सरस्वती कार्ये विश्वरूपो ऽथ दक्षिणे । मुद्गरं च तथा पाशं शक्तिशूलं शरं करे ।।

lakṣmīḥ sarasvatī kārye viśvarūpo 'tha dakṣiṇe | mudgaraṃ ca tathā pāśaṃ śaktiśūlaṃ śaraṃ kare ||

वामे शङ्खञ्च शार्ङ्गञ्च गदां पाशं च तोमरं । लाङ्गलं परशुं दण्डं छुरिकां चर्मक्षेपकं ।।

vāme śaṅkhañca śārṅgañca gadāṃ pāśaṃ ca tomaraṃ | lāṅgalaṃ paraśuṃ daṇḍaṃ churikāṃ carmakṣepakaṃ ||

विंशद्बाहुश चतुर्वक्त्रो दक्षिणस्थोथ वामके । त्रिनेत्रे वामपार्श्वे न शयितो जलशाय्यपि ।।

viṃśadbāhuś caturvaktro dakṣiṇasthotha vāmake | trinetre vāmapārśve na śayito jalaśāyyapi ||

श्रिया धृतैकचरणो विमलाद्याभिरीडितः । नाभिपद्मचतुर्वक्त्रो हरिशङ्करको हरिः ।।

śriyā dhṛtaikacaraṇo vimalādyābhirīḍitaḥ | nābhipadmacaturvaktro hariśaṅkarako hariḥ ||

शूलर्ष्टिधारी दक्षे च गदाचक्रधरो पदे । रुद्रकेशवलक्ष्माङ्गो गौरीलक्ष्मीसमन्वितः ।।

śūlarṣṭidhārī dakṣe ca gadācakradharo pade | rudrakeśavalakṣmāṅgo gaurīlakṣmīsamanvitaḥ ||

शङ्खचक्रगदावेदपाणिश्चाश्वशिरा हरिः । वामपादो धृतः शेषे दक्षिणः कूर्मपृष्ठगः ।।

śaṅkhacakragadāvedapāṇiścāśvaśirā hariḥ | vāmapādo dhṛtaḥ śeṣe dakṣiṇaḥ kūrmapṛṣṭhagaḥ ||

दत्तात्रेयो द्विबाहुः स्याद्वामोत्सङ्गे श्रिया सह । विश्वक्सेनश चक्रगदी हली शङ्खी हरेर्गणः ।।

dattātreyo dvibāhuḥ syādvāmotsaṅge śriyā saha | viśvaksenaś cakragadī halī śaṅkhī harergaṇaḥ ||