पूर्वमासित महद्भूतं सर्वभूतभयङ्करं । तद्देवैर निहितं भुमौ स वास्तुपुरुषः स्मृतः ।।

pūrvamāsit mahadbhūtaṃ sarvabhūtabhayaṅkaraṃ | taddevair nihitaṃ bhumau sa vāstupuruṣaḥ smṛtaḥ ||

चतुःषष्टिपदे क्षेत्रे ईशं कोणार्धसंस्थितं । घृताक्षतैस्तर्पयेत्तं पर्जन्यं पदगतं ततः ।।

catuḥṣaṣṭipade kṣetre īśaṃ koṇārdhasaṃsthitaṃ | ghṛtākṣataistarpayettaṃ parjanyaṃ padagataṃ tataḥ ||

उत्पलादिभिर्जयन्तञ्च द्विपदस्थं पताकया । महेन्द्रञ्चैककोष्ठस्थं सर्वरक्तैः पदे रविं ।।

utpalādibhirjayantañca dvipadasthaṃ patākayā | mahendrañcaikakoṣṭhasthaṃ sarvaraktaiḥ pade raviṃ ||

वितानेनार्धपदगं सत्यं पदे भृशं घृतैः । व्योम शाकुनमांसेन कोणार्धपदसंस्थितं ।।

vitānenārdhapadagaṃ satyaṃ pade bhṛśaṃ ghṛtaiḥ | vyoma śākunamāṃsena koṇārdhapadasaṃsthitaṃ ||

स्रुचा चार्धपदे वह्निं पूषाणं लाजयैकतः । स्वर्णेन वितथं द्विष्ठं मथनेन गृहाक्षतं ।।

srucā cārdhapade vahniṃ pūṣāṇaṃ lājayaikataḥ | svarṇena vitathaṃ dviṣṭhaṃ mathanena gṛhākṣataṃ ||

मांसौदनेन धर्मेशमेकैकस्मिन स्थितं द्वयं । गन्धर्वं द्विपदं गन्धैर भृशं शाकुनजिह्वया ।।

māṃsaudanena dharmeśamekaikasmin sthitaṃ dvayaṃ | gandharvaṃ dvipadaṃ gandhair bhṛśaṃ śākunajihvayā ||

एकस्थमूर्ध्वसंस्थञ्च मृगं नीलपटैस तथा । पितॄन कृशरयार्धस्थं दन्तकाष्ठैः पदस्थितं ।।

ekasthamūrdhvasaṃsthañca mṛgaṃ nīlapaṭais tathā | pitṝn kṛśarayārdhasthaṃ dantakāṣṭhaiḥ padasthitaṃ ||

दौवारिकं द्विसंस्थञ्च सुग्रीवं यावकेन तु । पुष्पदन्तं कुशस्तम्बैः पद्मैर वरुणमेकतः ।।

dauvārikaṃ dvisaṃsthañca sugrīvaṃ yāvakena tu | puṣpadantaṃ kuśastambaiḥ padmair varuṇamekataḥ ||

असुरं सुरया द्विष्ठं पदे शेषं घृताम्भसा । यवैः पापं पदार्धस्थं रोगमर्धे च मण्डकैः ।।

asuraṃ surayā dviṣṭhaṃ pade śeṣaṃ ghṛtāmbhasā | yavaiḥ pāpaṃ padārdhasthaṃ rogamardhe ca maṇḍakaiḥ ||

नागपुष्पैः पदे नागं मुख्यं भक्ष्यैर द्विसंस्थितं । मुद्गौदनेन भल्लाटं पदे सोमं पदे तथा ।।

nāgapuṣpaiḥ pade nāgaṃ mukhyaṃ bhakṣyair dvisaṃsthitaṃ | mudgaudanena bhallāṭaṃ pade somaṃ pade tathā ||

मधुना पायसेनाथ शालूकेन ऋषिं द्वये । पदे दितिं लोपिकाभिरर्धे दितिमथापरं ।।

madhunā pāyasenātha śālūkena ṛṣiṃ dvaye | pade ditiṃ lopikābhirardhe ditimathāparaṃ ||

पूरिकाभिस्ततश्चापमीशाधः पयसा पदे । ततोधश्चापवत्सन्तु दध्ना चैकपदे स्थितं ।।

pūrikābhistataścāpamīśādhaḥ payasā pade | tatodhaścāpavatsantu dadhnā caikapade sthitaṃ ||

लड्डुकैश च मरीचिन्तु पूर्वकोष्ठचतुष्टये । सवित्रे रक्तपुष्पाणि ब्रह्माधःकोणकोष्ठके ।।

laḍḍukaiś ca marīcintu pūrvakoṣṭhacatuṣṭaye | savitre raktapuṣpāṇi brahmādhaḥkoṇakoṣṭhake ||

तदधःकोष्ठके दद्यात सावित्र्यै च कुशोदकं । विवस्ते ऽरुणं दद्याच्चन्दनञ्चतुरङ्घ्रिषु ।।

tadadhaḥkoṣṭhake dadyāt sāvitryai ca kuśodakaṃ | vivaste 'ruṇaṃ dadyāccandanañcaturaṅghriṣu ||

रक्षोधःकोणकोष्ठे तु इन्द्रायान्नं निशान्वितं । इन्द्रजयाय तस्याधो घृतान्नं कोणकोष्ठके ।।

rakṣodhaḥkoṇakoṣṭhe tu indrāyānnaṃ niśānvitaṃ | indrajayāya tasyādho ghṛtānnaṃ koṇakoṣṭhake ||

चतुष्पदेषु दातव्यमिन्द्राय गुडपायसं । वाय्वधःकोणदेशे तु रुद्राय पक्वमांसकं ।।

catuṣpadeṣu dātavyamindrāya guḍapāyasaṃ | vāyvadhaḥkoṇadeśe tu rudrāya pakvamāṃsakaṃ ||

तदधःकोणकोष्ठे तु यक्षायार्द्रं फलन्तथा । महीधराय मांसान्नं माघञ्च चतुरङ्घ्रिषु ।।

tadadhaḥkoṇakoṣṭhe tu yakṣāyārdraṃ phalantathā | mahīdharāya māṃsānnaṃ māghañca caturaṅghriṣu ||

मध्ये चतुष्पदे स्थाप्या ब्रह्मणे तिलतण्डुलाः । चरकीं माषसर्पिभ्यां स्कन्दं कृशरयासृजा ।।

madhye catuṣpade sthāpyā brahmaṇe tilataṇḍulāḥ | carakīṃ māṣasarpibhyāṃ skandaṃ kṛśarayāsṛjā ||

रक्तपद्मैर विदारीञ्च कन्दर्पञ्च पलोदनैः । पूतनां पलपित्ताभ्यां मांसासृग्भ्याञ्च जम्भकं ।।

raktapadmair vidārīñca kandarpañca palodanaiḥ | pūtanāṃ palapittābhyāṃ māṃsāsṛgbhyāñca jambhakaṃ ||

पित्तासृगस्थिभिः पापां पिलिपिञ्जं स्रजासृजा । ईशाद्यान रक्तमांसेन अभावादक्षतैर यजेत ।।

pittāsṛgasthibhiḥ pāpāṃ pilipiñjaṃ srajāsṛjā | īśādyān raktamāṃsena abhāvādakṣatair yajet ||

रक्षोमातृगणेभ्यश च पिशाचादिभ्य एव च । पितृभ्यः क्षेत्रपालेभ्यो बलीन दद्यात प्रकामतः ।।

rakṣomātṛgaṇebhyaś ca piśācādibhya eva ca | pitṛbhyaḥ kṣetrapālebhyo balīn dadyāt prakāmataḥ ||

आहुत्वैतानसन्तर्प्य प्रासादादीन्न कारयेत । ब्रहमस्थाने हरिं लक्ष्मीं गणं पश्चात समर्चयेत ।।

āhutvaitānasantarpya prāsādādīnna kārayet | brahamasthāne hariṃ lakṣmīṃ gaṇaṃ paścāt samarcayet ||

महीश्वरं वास्तुमयं वर्धन्या सहितं घटं । ब्रह्माणं मध्यतः कुम्भे ब्रह्मादींश च दिगीश्वरान ।।

mahīśvaraṃ vāstumayaṃ vardhanyā sahitaṃ ghaṭaṃ | brahmāṇaṃ madhyataḥ kumbhe brahmādīṃś ca digīśvarān ||

दद्यात पूर्णाहुतिं पश्चात स्वस्ति वाच्य प्रणम्य च । प्रगृह्य कर्करीं सम्यक मण्डलन्तु प्रदक्षिणं ।।

dadyāt pūrṇāhutiṃ paścāt svasti vācya praṇamya ca | pragṛhya karkarīṃ samyak maṇḍalantu pradakṣiṇaṃ ||

सूत्रमार्देण हे ब्रह्मंस्तोयधाराञ्च भ्रामयेत । पूर्ववत्तेन मार्गेण सप्त वीजानि वापयेत ।।

sūtramārdeṇa he brahmaṃstoyadhārāñca bhrāmayet | pūrvavattena mārgeṇa sapta vījāni vāpayet ||

प्रारम्भं तेन मार्गेण तस्य खातस्य कारयेत । ततो गर्तं खनेन्मध्ये हस्तमात्रं प्रमाणतः ।।

prārambhaṃ tena mārgeṇa tasya khātasya kārayet | tato gartaṃ khanenmadhye hastamātraṃ pramāṇataḥ ||

चतुरङ्गुलकं चाधश्चोपलिप्यार्चयेत्ततः । ध्यात्वा चतुर्भुजं विष्णुमर्घ्यं दद्यात्तु कुम्भतः ।।

caturaṅgulakaṃ cādhaścopalipyārcayettataḥ | dhyātvā caturbhujaṃ viṣṇumarghyaṃ dadyāttu kumbhataḥ ||

कर्कर्या पूरयेत श्वभ्रं शुक्लपुष्पाणि च न्यसेत । दक्षिणावर्तकं श्रेष्ठं बीजैर मृद्द्भिश च पूरयेत ।।

karkaryā pūrayet śvabhraṃ śuklapuṣpāṇi ca nyaset | dakṣiṇāvartakaṃ śreṣṭhaṃ bījair mṛddbhiś ca pūrayet ||

अर्घ्यादानं विनिष्पाद्य गोवस्त्रादीन्ददेद्गुरौ । कालज्ञाय स्थपतये वैष्णवादिभ्य अर्चयेत ।।

arghyādānaṃ viniṣpādya govastrādīndadedgurau | kālajñāya sthapataye vaiṣṇavādibhya arcayet ||

ततस्तु खानयेद्यत्नज्जलान्तं यावदेव तु । पुरुषाधःस्थितं शल्यं न गृहे दोषदं भवेत ।।

tatastu khānayedyatnajjalāntaṃ yāvadeva tu | puruṣādhaḥsthitaṃ śalyaṃ na gṛhe doṣadaṃ bhavet ||

अस्थिशल्ये विद्यते वै भित्तिर्वै गृहिणो ऽसुखं । यन्नामशब्दं शृणुयात्तत्र शल्यं तदुद्भवं ।।

asthiśalye vidyate vai bhittirvai gṛhiṇo 'sukhaṃ | yannāmaśabdaṃ śṛṇuyāttatra śalyaṃ tadudbhavaṃ ||